انا مرضتو وكنت كبيرة و شربت المليلس ضربا ضربا بصح لازم الرجيم ما تكلش البيض و الحليب و الدهون و كتري الخضار و الفواكه الحمراء انا كنت نشرب السيرو تع الرمان و الله هو الشافي
اختي لمرض الصغير تغلي الجزر وتشرب الماء المغلى فيه الجزر وتاكل الجزر... حتى يزول باذن الله ..اسأل الله عز وجل ان يشفيها ويشفي كل مرضانا وكل مرضى المسلمين
السلام عليكم ورحمة الله وبركاته بداية نحب نشكر اختي مريومة على تعبها في هاذي القناة . اولا نعرفك بنفسي انا رندة من ولاية سطيف عمري 34 متزوجة وأم ل 3 أطفال زينب و محمد و جليبيب علابالي راكي تقولي وشبيها هاذي ماخفتش الناس يعرفوها؟ انا نقولك ماذابيا يعرفوني الناس لانو قصتي إيجابية نبدالك حكايتي انا عشت طفولة عادية جدا مع اهلي و خاوتي قريت و كملت قرايتي جاني مكتوبي و تزوجت عادي كيما الناس اكل سكنت مع عائلة زوجي 5 سنين حتا كمل ليطاج تاعي فوقهم و قسمت عليهم عائلة زوجي متكونة من 4 سلافات 2 متزوجين و 2 مزال و 3 شلاف 1 متزوج و 2 مزال و عجوزتي و شيخي و مرت سلفي ..عشت معاهم حياة عادية جدا . كاين نهارات نتهاوشو انا و سلافاتي و نوليو عادي وحدة فينا ماتحكم الحقد لاختها و مرت سلفي ثاني ولادها ولادي و ولادي ولادها و عجوزتي تهاوشني ولا تعيط عليا بصح عاااااادي مانديرش عليها و نستغل الموقف و نرجعو ضحك ولعب لانو حتا ماما كانت تعيط و تهاوشني و مازالت لضك ههههههه علاه ماما مايغينيش الحال منها و عجوزتي يغيضني، ؟ الحمد لله كسبت محبتهم و احترامهم و دايريني وحدة من بناتهم و عايشين الحمد لله علابالي معرفتش نعبر مليح بصح حبيت نوصل فكرة للنساء و خاصة للعرايس جدد يا نسا راكم رايحين تبداو حياة جديدة و نتوما لي تتحكمو في مصيركم .كي تدخلو لدار ناس ديروها داركم و ناس داركم ديروهم اهلككم و نحيو فكرة انو العجوزة و لعروسة مايتفاهموش و انو سلافات مايتحابوش راهي دنيا ساهلة حنا لي صعبناها لانو من مشكل صغييير قادر يتنسا و يروح حنا نكبروه و نخليو شيطان هو لي يتحكم فينا وشفيها اذا هاوشاتك عجوزك ؟ اولا راهي في مقام ماماك و ثانيا راهي كبيرة عليك لازم تحتارميها و ثالثا و الأهم ماتنسايش بلي جابتلك راجلك و كبراتو و جاك واجد .اذا راني غالطة قولولي راكي غالطة يا حبيباتي ما توصلوش مشاكل نسا لرجالكم لانو المشكل اذا حضرو فيه رجال يكبر . و سلافاتكم ديروهم خواتاتكم حتا و تتهاوشو ماتخليوش المشكل يكبر يكبر و يدخل فيه شيطان لانو كلش ساهل صدقوني حنا لي نحبو نزيدو عليها برك و في الأخير نتمنا مريومة تشوفي قصتي و تحطيها و كاش نهار نحكيلك قصتي مع راجلي
كاين شجرة تاع بوصفير كاينة في طريق مماش ودخلو تاع النويصي عند دخلة الغابة يورولك مصلحة الغابات بمستغانم وثاني ولد الجمعة واحد اكييد باذن الله تعالى يداوى قطعا بغليزان وربي يجيب الشفاء
للمرض بوصفير جيب كيلو عسل حر جيب حبة سانوج عبر 100غ سانوج تزيد 100غ عرق الاصفر ولي هوا كركم بصح جيبو مطرق وتغسلو وتنشفو او مبعد ترحيه وتسيرو في صفيا امبعد جيب العسل وسانوج والكركم بعد متكوني نقيتهم تخلطي كلشي مع بعض وتولي تكل منو صباح علا ريق وتكل مغرف كي جي ترقد وانشاء الله تشفا ربي هو شافي
بالنسبة للسيدة لي عندها بوصفاير طيب التيشيشة تاع الشعير في الماء تاع امليلس بعد ماغليها وتاكلها والحم تاع المعيز مشوي مذبل برك حق ماينشف منو الدم وتاكلو وهذا عن تجربة
سلام عليكم مريومة راني خايفة عندي الولادة هابطة او خفت نلحق للعملية او انا صغيرة في عمري 29سنة او عندي 3اطفال كاش وحدة طمني لي كانت عندها هذا المشكل او ريحت منو تعيشي راني خايفة متطلعليش رني حابة غير دوا عربي 😢
شوفي كاش عجوزة عندها الخبرة تدلك ترجعهالك انا ثان كنت كيما انت ةالطبيبة هي لي نصحتني باش ندلك قالتلي ماعندي مانديرك لازم تدلكي عند كاش وحدة تعرف حنا في ولايتنا كاين بزاف من هاذ العجايز لي عندهم الخبرة حتى الجنين كي كون داير يسڨموه وهو في الرحم وتكون الولادة طبيعة
في هذا اليوم المبارك الجمعة اللهم اجعل هذا العام كعام الفيل و اجعل كيدهم في تظليل و أبعث طير الابابيل ترمي عليهم حجارة من سجيل و انصر اخواننا و اهلنا في غزة و فلسطين و اشفي مرضاهم وارحم موتاهم و اقبلهم عندك شهداء يا ارحم الراحمين 😢😢😢فلسطين الحبيبة ❤❤
سلام لاخت الي امها مريضا بوصفاير. ينقطع كاين واحد فالكاليتوس يقطع و الشافي ربي و لازم متاكلش الدجاج و الدهون و البيض ريجيم خاص لمدة 40 يوم و ربي يشفيها
ربي يشفي امك المريضة بالبصفاير مدام امك تقطع ويوليلها لازم تروح للطبيب ويعطيها التحاليل ربما يكون فيروس وانصحك ان تبتعد عن المقلي والحلويات وربما مقطعولهاش مليح شوفو واحد مليح لي يقطع وان شاء الله ربي يشفيها
الأخت لي تسأل على علاج الصفاير كاين ناس يقطعوه و انا عائلتي منهم لكن نسكنو في ولاية قالمة و ممكن تعالج بعشبة اسمها لازاز مانعرفش اسمها في الولايات الاخرى تحطها في الماء و تدوش بيه و تحطها تحت فراشها لي ترقد عليه ايضا و تغسل الحمص جيدا ثم تنقعو في الماء و تشرب الماء و كل يوم او يومين ترمي الماء المتبقي و تعمل ماء جديد و تداوم عليه ربي يشافيها و يعافيها يارب
اختي صاحبة قصة بوصفاير مرض خطير يصيب الكبد و قد يقتل و انت تقولي تقطعلوا !!!سمحلي هاذ الشعوذة يا بنتي روحي جري بأمك عند مختص في امراض الكبد و البنكرياس قبل ما تتلف الكبد ربي يشفيها
وكان هاد الهواء تاني مفيد جدا اولا تحوسب شكون يقطعهالها امبعد شدي الكبدة تاع العتروس اشويهالها بصح ماتملحيهاش امليح أو دردري اعليها امليلس مرحي أو تاكلها مع شويا عسل حرة لمدة ثلاثة أيام فقط ماتزيدش تبرأ باءدن الله تعالى
السلام عليكم جمعة مباركة يعطيك الصحة على الحكاية بصح راني حايرة في بعض الوالدين علاه يزوجو بناتهم صغار ويحصلوهم زواج الصغر يدي للقبر وزيد السيد يا رحم باباك شارف وداي وحدة مولات 17سنة قد بنتو وين راهي مولات 23 وطلع حتى الثلاثينات شكون يديها زعما هادوك كبرو خلاص يا خي حالة هادو العباد شرارة كي هو وماليه بورت مالوغ كيما قال عثمان عليوات وختو دايما داخلا في الوسط زعما تكاموفلي على خوها يا ودي هادوما مرخس انتع الصح الله يجيب الخير ان شاء الله في انتضار الجزء الثاني بادن الله
انا كطبيبه انصحك بمراجعه الطبيب ليفحصها و تجري التحاليل الازمه و لكن مبدئيا اقول لك ان التهابات الكبد تاخذ وقت طويل كي تشفي و انصحها بالنضام الغذاءى الذي لا يرهق الكبد و ستشفى بإذن الله تعالى
السلام عليك حبيبتي حلي عندها نداء المرض صفاير انا عندي وصفه باذن الله مجربه شفت الكرشه اللي تجي في الجاجه داخل في نصارن نحي الغلاف نتاع الكرشه وديريهم الغلاف وشلي ولوحيه لها في الحليب مصباح عطيتها تشربه عريق
كذلك للبوصفاير نقي الحمص واغسليه مليح ثم شمخيه بالما تاع الشراب وكثري الماء لمدة 24ساعة وامبعد صفي الماء ومنين تعطش اهطيها تشرب منو بعد اسبوع تبدا تبان النتيجة ربي يشفيها في اقرب وقت هي وكل مرضى المسلمين امين
يا اختي لي تحكي علي زوجها شحال و انت تقولي بوبيا شابة كفاه تتزوجي واحد بلا متسقسوا عليه و تحكي برك مع اختك حتي رقم الهاتف بعثلك رقم اختك ! علاه رايحة تتزوجي مع اخته يا ريتك صليتي صلاة الاستخارة لكن احيانا هناك شر لابد منه حتي نكبر و نتقسحو