..
للتواصل والاستفسارات :
الحسابات الرسمية لـ قناة ابو يعقوب .
Official Whatsapp :
api.whatsapp.c...
…
كلمات : عبدالله بن مجحود
الحان واداء : صالح الزهيري
اداء: جفران بن هضبان
في حفل عبدالمحسن الزهيري
يامرحبا ترحيبةٍ مثل الغمام
همالها يمطر هلا هلا هلا
يطرب لها اللافي قبل يبدا السلام
ويقول يا هذا المعزب يا فلا
ترا ارحبو والبن الاشقر والسنام
الباردة ، والله ما فيها حلا
صفين يا خفاف النفوس ويا عريبين الجدود
الطيّب الي يفرح بربعه وينهض حاجبه
لا وقفوا الشيبان وش عذر الشباب الي قعود
الشعر هذا واجبي والصف من هو واجبه
يا مرحبا مليون في مليون في مليار زود
ترحيبة مثل شعاع الشمس محدٍ حاجبه
------------
عند الزهيري يا عزيزين المقام
محسن حفيد القرم محسن الاولا
الي مواقيفه جسيمات وعظام
والي عياله فارقينٍ فالملا
من ال رزق الي تضيم ولا تضام
اسمٍ على كل المخاليق اعتلى
كم شيخ قومٍ حولوه من السنام
امسى طعام وحوش لوحوش الخلا
اقولها و النور جلاي الظلام
عند الزهيري يا هلا يا مسهلا
صفين يا خفاف النفوس ويا عريبين الجدود
الطيّب الي يفرح بربعه وينهض حاجبه
لا وقفوا الشيبان وش عذر الشباب الي قعود
الشعر هذا واجبي والصف من هو واجبه
25 авг 2024