نعم نتافق معاك.. الوان أكس هي أقوى كونسول فالجيل السابق و تعطيك دقة صورة أفضل حتى من السيريز أس.. و لكن مانقدرش ننصح بيها لسبب بسيط و هو نفس السبب لي مديتو فالوان فات و اللي يتمثل في توقف دعم صدور الألعاب الجديدة.. حاجة نقدرو نفوتوها للوان فات بالثح مش الون أكس لي السعر تاعها يفوق ال5 ملاين
@@oubeid_plays فالحقيقة وحسب معلوماتي (وصححني اذا كنت غالط) الدعم مزال للجيل السابق ومزال العاب اللي تخرج راهي cross gen وحتى اذا قلنا حبسولها العاب مزال الدعم التقني على الاقل وانا من الاشخاص اللي يستمتع بالألعاب مهما كان عمرها ماتهمنيش قديمة ولا جديدة وبالنسبة للسعر...مين داك نشوفها اقل من 50000 دينار وحتى الشكل نتاعها جذاب(على الاقل بالنسبة ليا) شغل مظهر industriel يدل على القوة...على كل حال فيديو احترافي ورأي نتاع gamer نتاع دومان bonne continuation وإن ساء الله نشوفو القناة نتاعك تكبر اكثر واكثر
نعم.. بالنسبة للدعم التقني أنا ماقلتش راح ينتهي.. حتى الأكسبوكس 360 تاعي مازال يجيوها تحديثات إلى الآن و مازلت نقدر نشري فيها ألعاب.. أنا نتافق معاك في أنو الوان أكس هي أحسن كونسول فالجيل هاذاك.. و هي أصلا المفضلة بالنسبة ليا.. و لكن لوكان تلاحظ رايح تلقى أنو الإصدارات فالجيل السابق بدات تنقص خاصة من جهة أكسبوكس.. و نقدر نأكدلك باللي الإصدارات الحصرية راح تنعدم عن قريب و طبعا راح يكونوا إستثناءات.. و راك وحدك رجعت لنقطة مهمة أنا ذكرتها فالفيديو.. إذا كنت غير مهتم بلعب الإصدارات الجديدة فور ا عند صدورها.. فالوان راح تكون كافية بالنسبة لأي واحد.. أما الأكس راح نلقى صعوبة ننصح بيها لأنو سعرها قريب من الأس لي تخليك تتحصل على كل إمتيازات الجيل الجديد (تقريبا).. الحالة الوحيدة لي فيها ننصح بالأكس على الأس.. هي إذا كنت كيفي تحب تلعب بالأقراص و ماكش مهتم تشري الألعاب تاعك رقميا.. أضف إلى ذلك كون الأكس تقدملك تجربة 4k و راح تكون مبهرة بصريا أكثر من الأس بمراحل.. على هذا أنا قدمت 2 إيجابيات و 2 سلبيات باه كل واحد يقيس على الإمكانيات المادية تاعو و ميولو كذلك.. إنشاء الله تكون فهمت وجهة النظر تاعي و إنشاء الله نكون ماخرجتش على الموضوع.. شكرا جزيلا أخي العزيز
سلام اخي العزيز ❤ انا عندي مبلغ 24000دج هل تنصحني نجيب Xbox one fat مع العلم انو رح أول مرة نكسب كونصول وميهمونيش الألعاب اللي راح يديروها فالمستبقبل بشكل كبير و اللي يهمني الكاليتي وعندي تلفاز يدعم 4k و hdr وكذالك عندي اهتمام بألعاب السيارات والمغامرات والحروب وسؤال اخير: هل راح نواجه مشكل من أداء الجهاز ؟ يعني ايدا (يلاقي ويدير مشاكل) ويعطيك الصحة وربي يحفظك نرجو الرد في أقرب وقت 💫
و عليكم السلام أخي.. و الله يعني هو فالجيل السابق 4k و HDR تم استغلالهم غير عند صدور xbox one x و PS4 Pro.. و لكن الوان فات راح تبقى تعطيك تجربة مليحة.. إذا تقدر تصبر كثر زيد شوي دراهم و جيب وان أس.. الأداء تاعها من حيث التبريد و الهدوء أحسن رغم أنها تعطيك نفس الغرافيكس.. من ناحية اللاق أنا مالقيت حتى إشكال.. غير في بعض الألعاب لي معروف عليها باللي تحط ظغط كبير على المعالج و كرت الشاشة كلعبة Cyberpunk لي تعبنني شوية و أعطاتني تجربة سيئة جدا.. أما ألعاب مثل Forza Horizon 5 مثلا راح تعطيك تجربة لعب ممتازة بدون لاق إلا أن شاشات التحميل أطول شوية وهذا قد يكون مزعج بعض الشيئ.. في النهاية نعم ننصحك بالوان فات.. تقدر تفوت بيها وقت بلا ماتخسر دراهم كبار على كونسول حتى تلم حق سيريز أس و لا أكس.. نتمنى نكون جاوبت على سؤالك صديقي ❣️
الإكس بوكس وان فات كونسول قديمة بزاف عندها 11 سنة.. إذا حاجة عادية تكون خدمت و عيات شوية.. على حساب تجربتي الشخصية الترونسفو تاعها يدير حس خفيف.. ضرك ماعلاباليش إذا تاعك يدير حس قاوي بزاف أو لا.. ولكن هو بطبيعتو يدير شوية حس ما تتقلقش أخي ❣️
مرحبا بيك صديقي.. و الله الوان كونسول ممتازة.. لكان عندك ميزانية محدودة جيبها هي.. لاكان تقدر تزيد شوية جيب وان أس.. و لاكان راح حاب تلعب غير الجديد لي جي أشري سيريز أس.. الغيم باس متوفر عل كل إصدارات الإكسبوكس وان و طبعا السيريز .. يعني ماتقلقش روحك من هاذ الجهة ❣️
شكراً صديقي سؤال هل هناك فرق بدقة الألعاب والجودة بين اكس بوكس وان فات و اكس بوكس وان S او لا كليهما يشتغلوا على 1080p, 30fps مثل الاكس بوكس 360 وشكرا ❤
شكرا على سؤالك صديقي.. لا لا يوجد فرق في الدقة بين الفات و الأس.. الفرق الوحيد هو فالتصميم.. أما دقة ال360 وال بي أس 3، في هذاك الجيل الألعاب كانت تشتغل عادة على 720p ❣️
شكرا جزيلا الأخت ربي يحفضك.. بالنسبة لاكس بوكس 360 مقاس 32 بوصة راح يكون مثالي و يقدم تجربة متوازنة.. حتى ولوكان بدقة HD برك و ماشي Full HD.. أما في حالة الوان.. حتى 32 بوصة راح تقدم تجربة جيدة، و لكن 40 و 43 بوصة راح يقدمو تجربة أفضل شوية.. و هاذا يرجع للعبة ثاني خاطر كاين ألعاب مبهرة بصريا كيما Assassin's Creed Origins و Assassin's Creed Odyssey لي راح تستمتعي بيهم أكثر في شاشة أكبر و ذات دقة أكبر 🤗
كيما كل أجهزة الجيل السابق تسخن شوية بالطبع و لكن هذا ماش راح يأثر على الأداء.. و لا ماش لازم تكون مرتبط بالأنترنت إلا إذا كانت اللعبة تتطلب أو إذا كنت تلعب بالغيمباس ❣️
السلام عليكم اخي اتمنه ترد على تعليقي اذا العب fc24 لون لاين على جهاز اكس بوكس ون الي يلعبون ضدي شرط يلعبون اكس بوكس او عادي يطلعون ضدي بالاون لاين من البلي ٤ او الpc
العفو 🤗.. GTA 6 من المنطقي أنها راح تكون مقتثرة على الجيل الجديد.. أما ألعاب الرياضة ، فعادة ماتكون هي الأطول بقاء على الأجيال القديمة فمثلا تمت مواصلة إصدار فيفا حتى عام 2018 على أجهزة PS3 & Xbox 360 يعني 5 سنوات بعد صدور الجيل الجديد في ذلك الوقت
السلام عليكم اخي / ايش اشتري xbox one s أو xbox one fat من ناحية الأداء بالجهازين نفس الشي تقريبا لكن الحجم و الشكل يختلف بس السؤال يعني هل دعم xbox one s بيطول أكثر من دعم xbox one fat من ناحية الألعاب و غيرها المختصر ايش تنصحني باي جهاز منهم
و عليكم السلام أخي، مرحبا بك. للأسف الشديد، Xbox One Fat, Xbox One S & Xbox One X كلها تنتمي إلى الجيل السابق و تدعم نفس الألعاب و لكن بأداءات مختلفة، بمعنى لو انتهى دعم Xbox One هذا يشمل كل إصدارتو. باختصار ، إذا انت مش مهتم كثير بإصدارات الألعاب الحديدة لأنك مالعبتش كل الألعاب اللي صدرت قبل 2023 ممكن تشتري xbox one s تمشي بيه حالك عادي.. أما إذا كنت مهتم بالإصدارات القادمة جيب xbox series s فهي تقدم أفضل أداء مقابل السعر و ستدعم كل ألعاب الجيل الجديد لسنوات قادمة. أتمنى نكون ساعدتك أخي ❣️
@@oubeid_plays اخي جدا مشكور على الرد بس عندي سؤال إذا ما كان في ازعاج عليك و انا اعتذر المهم / انا بدي اخذ xbox one fat اخذة أفضل من آل xbox one s لأنهم ثنينهم جيل قديم ف ما يفرق الأداء كثير معي يعني ماني خسران أن شاء الله و شكرا
العفو أخي، لا مافيها حتى إزعاج.. طبعا، كي تشتري وان فات مش راح يكون فرق في الأداء، يعني إذا كنت حاب تقتصد و الحج الكبير للفات مش مهم بالنسبة ليك أشتريها هي أحسن.. و بالتوفيق انشالله ❤️
والله يا أخي في رأيي المتواضع و على حساب معرفتي ماكانش يعني مشاكل هكا فالفات كيما كانت من قبل فالأجيال السابقة.. كي تلقى حبة نظيفة و تستحفظ بيها راح تمشيلك مليح و بدون مشاكل.. وشية لازمك برك تعرف باللي الحجم تاعها كبير شوية.. و راهي أدير شوية حس ماهيش سيلونسيوز خلاص كيما الجيل الجديد، بالصح ماهوش حس يديرونجي و لا مزعج لدرجة تقلقك ❤️❤️
والله هي كاينة أوبسيون تخليك أدير الكسبوكس تاعك هوم و تلعب الألعاب تاعك أوف لاين.. ولكن على حساب ماجربت كي تبقى تبدل فالحسابات تتنحى.. هوما الأجهزة تاع ضرك هاذا هو الإشكال تاعهم لازم تكون كاينة أنترنت.. نفس الحكاية راهي صاريتلي نع جهاز السويتش.. بالصح أنا في رأيي.. بارطاجي بالتلفون و ألعب.. ديزاكتيفي التحديثات الأوتوماتيكية باه مايكلولمش من الفورفي و مايكون عندك حتى إشكال نشالله
السلام عليكم خويا.. نعم تمشي فيفا 23 و فورزا 5.. تقدر أدير إشتراك غايم باس بسعر جد معقول و تكون عندك مكتبة ألعاب كبيرة تلعب حتى تكره.. و من بين هاذ الألعاب فيفا و فورزا.. و من جهة شحال تلعب بيه وقت.. ألعب قد ماتحب.. أنا شخصيا ما عييت لعبت و خليتو شاعل 12 ساعة.. بالصح انت حاول تخليه يرتح شوية.. و على حكاية التنظيف هاذي حاجة باينة.. حاول ديما تمسحو من الغبرة و تنظفو
32 زايدة شوية صديقي.. لي فيها مساحة تخزين 500 جيغا السعر تعها 30 على أقصى تقدير.. و الغايم باس هو إشتراك شهري يخليك نقدر تلعب عدد ضخم من الألعاب على الإكسبوكس.. شوف صفحة Xbox Live Algeria راهم الجماعة يبيعو فيه ثم بسعر مليح و يزيدوا يفهموك مليح نشالله
الإكسبوكس مش راح تشتغل من غير محول الكهرباء و لا توجد طريقة للإستغناء عنه للأسف.. إن كان هاذا شيئ مزعج بالنسبة ليك.. أصبر شوي و و أشتري إكس بوكس وان أس.. لأنهم حلو المشكلة في هاذ الإصدار بجعل محول الكهرباء قطعة داخلية
Fifa 23 makan lah techriha khatar talgaha f gamepass loukan edir compte w ra7 tokhrajlk bzf khir psq 3andak 300 jeux tal3ab 7ata takrah.. PES20 allahu a3lam matla9itch biha hadi mouda.. GTA V talgaha bin 200alf w 300alf koul wa7ad kifah ybi3 fiha.. w Tomb Raider bin 100alf w 150alf ❤️❤️❤️
سلام خويا والله راني متردد راح نجيب واقيل وان فات بصح هل نقدر نلعب بدونت انترنت يعني الوان هاذي تشتغل بالانترنت في كلش حتى عندك اقراص تاع العاب متقدرش تلعبهم الا بالانترنت كش نفهك شغل هذا الكونسل كيما 360 تقدر تلعب بالنترنت او بدون عندك حرية ؟نتمنى ترد اخي🙏
والله يا صديقي لاكان راح تلعب بالغيم باس راح تحتاج الأنترنت ديما.. تقدر تبارطاجي التيليفون برك و خلاص.. ماش راح تاكلك أي غير باش تفيريفي برك هاذا ماكان
@@oubeid_plays لا أخي انا تقريبا ميهمنيش القيم باس انا نقصد اذا كي نشعلها لازم انترنت ولا مام كي نلعب بالسيديات كي نشريهم مثلا rer2 ولا gta v لازم تانيك انترنت؟
كاينة أوبسيون.. أديرها My home Xbox و تولي تلعب الألعاب بدون أنترنت نعم.. بالصح لازمك تكونيكتيها كل 15 يوم و لا 30 يوم.. مانيش متأكد خاطر ماجربتهاش و أنا ديما مكونيكتي في كل الأحوال
مارانيش متأكد.. بالصح في عادة ألعاب فيفا يبقى ينزلوا إلى وقت متأخر فالجيل السابق.. يعني إحتمال كبير بزاف نعم.. الأسم تاعها تبدل مابقاش فيفا.. راه عاد EA Sports FC .. و فالموقع الرسمي راهم يقولوا باللي عندهم إعلان على اللعبة فشهر جويلية.. يعني مابقاش كثير و نعرفوا نشالله ❤️
معليش صديقي ماذابيا نعاونك ❤️.. لالا ماهمش غاليين معظم الألعاب تلقاهم بين 1000دج و 2000دج و الألعاب لي عليها طلب كبير توصل ل 3000دج و 3500دج يعني الأسعار معقولة.. كيما هدرتلك الغايمباس يمد قيمة كبيرة مقابل السعر 💕
نعم يعطيك تجربة مليحة.. ولكن لازم أدير في حسابك أنو ماش كل الألعاب تشتغل على 1080p في الجيل السابق.. كاين لي تشتغل على 720p أو 900p و أدير أبسكيل ل 1080p
والله يا أخي صعيبة باش نقولك هاذي أفضل أو هاذي أفضل لأنوا كاين نواحي كثيرة.. الدعم للps4 راح يتوقف عن قريب يعني ماش حا يخرجوا فيها عناوين جديدة فالمستقبل على عكس سيريز أس.. بالصح كاين بعض الألعاب لي حصرية فالبلايستيشن و ماهيش متواجدة على إكس بوكس و هاذي ترجع ليك إذا كان ا من النوع لي يعجبك.. الps4 تقدر تفلاشيها و تعمرها ألعاب أما السيريز أس فلا.. ولكن إذا كنت تحب تلعب أونلاين ولا مع أصدقائك هاذ الشي ماش راح يكون ممكن بكونس ل مفلاشية أصلا و الإكسبوكس راح تكون الخيار الأفضل
سلام عليكم يا صديقي صاحب اوبيد بلايس هذه رسالة لك وهي مهمة جدا ونحن بحاجة الى مساعدتك من فضلك حساب اكس بوكس العربية طالبت بثيسدا ومايكروسوفت لأضافة اللغة العربية الى اللعبة ستارفيلد المنتضرة بحكم ان اللعبة عالمها واسع وكبير جدا فنحن كلاعبين العرب نحتاج مساعدتك لكي تعمل فيديو وتوجه رسالة الى بثيسدا وتنشر رابط العريضة الان عدد مصوتين اربعة الاف اذا وصلت اصوات الى خمسة الاف سوف يقومون او يعملون على اضافة اللغة العربية لهذا اللعبة الضخمة اتمنى جدا ان لا تتجاهل تعليقي يا صديقي العزيز لانة موضوع مهم ونحن كلاعبين الشرق اوسط والعرب تحديدا بحاجة الى مساعدة قنواتكم لكي يتم رفع اصواتنا شكرا مرة اخرى
