@@بركاتجمالمهديصالح العربي استاذ محمد هادي العامري رياضيات فراس براق انكليزي الاستاذ محمد الخفاجي كيمياء حسين الهاشمي ومهند السوداني الفيزيا اول ٣ افصل على عصام الشمري الباقي على احمد فيصل احياء مصطفى عقيل (انصحك بملزمة قاسم منتصر كلش زينة واحسن من الكتاب) الباقيات مثل الحاسوب علم الارض اسلامية ادب اقراهن وحدك
@@aya-y4x1p جاي ادرس رياضيات على حيدر وليد، فيزياء مؤيد، سليم عربي حمزة الجابري الادب ملزمة عقيل كيمياء استاذ هاشم الغرباوي احياء على جعفر الحسني وملزمة ساجد العگيلي الانگليزي انتظر ملزمة محمد حسين تنزل ابدي، ادرسي من هسه على راحتج اهم شي الاحياء
انا اتعجب على التعليقات يلي يكولون الخامس صعب و هو سهل حاله حال الرابع بالنسبه يعني انتم أقروا يوم بيومه انا جبت معدل 95 و طلعت اعفاء عام نصيحتي للطلاب الخامس العلمي 2024 أقروا يومه بيومه اختاروا المدرسين الي باليوتيوب يضمنلكم الدرجه 100 و اهم شي العربي ثم العربي اعرف راح تحسون بأزعاج منه و من مواضيعه و انا من ضمنكم أقروا على ست سمر و حضروا العربي يومه بيومه رجاءا رجاءا أما الرياضيات فهي تافهه جدا مابيها اي صعوبه بالعكس لمن تحل المسائل مثل اللعبه و خطواتها ثابته و انصحكم بأستاذ حيدر وليد الي أساسه ضعيف كلش يشرح بالتفصيل الممل أما الكيمياء سهله درخياته أكثر من مسائلها و كلش حلوه الكيمياء صدقوني و الله حلوه و تضمنون 100 و انصحكم بأستاذ مهند السوداني اسطوره الكيمياء أما الفيزياء الكل يعاني منها مع العلم هي ماده خفيفه و سهله و ما كذب عليكم الي يكول صعبه هو مايفهم الماده عقله بيه شي او مايفهما بسبب اختياره للمدرس أو مدرسه مايفهم زين ف الفيزياء كدرخيات اعتمدوهن على مدرسكم و احفظ على تلخيصه لكن ثم لكن الفهميات كمسائل و كذا لا انصح بأستاذ جدا يفهم القوانين الفصل يحللكم كل الأمثلة و الاسئله الفصل و يا مسائلها طبعا ناسيته ذكروني بيه بتعليق حتى انطيكم اسمه أما الإنكليزي ماده سهله و خفيفه جدا و مواضيعها مشابه لمواضيع الرابع علمي يعني حتى صعوبه بيها ماكو أما علم الأرض يفضل انو تحفظ بالكتاب و تأشر هذا السؤال و التعاريف و بالأخص التعاريف يلي بالاخير جدا مهمه تجي بالامتحانات الشهريه و نصف السنه و حتى أخير السنه دير بالكم تركوهن و الماده رائعه بشكل لا يوصف ليش لأنو الشخص الي يدرسها من راح يفهمها راح تثقفه تخلي عنده معلومات و انا اتمنى يكون علم الأرض بكل مراحل الدراسيه الإعدادية لأن تجننين تجنننن
أما الماده الي حيرت الطلاب شلون يدرسوها ولي مسوينها فد شي و هي حالهه حال الاسلاميه الأحياء ثم الأحياء كنصيحه من طالبه جبت سعي السنوي بيها 99 من 100 شنو يلي سويت حتى احصل على هيج درجه كل الي عليكم تحضرون الأحياء يومه بيومه و درسوا الأحياء كأنما كاعدين درسون طب أوكي ثانيا ما انصح بملازم و غيرها ماتجيب غير وجع الراس و ماتذكر شي من امتحان درسوا بالكتاب و انصحكم على استاذ مصطفى عقيل شرحه سلسل و جميل و ماكو منه درست عليه مع العلم جانوا مدرساتي يجيبن أسئله صعبه طبعا بالنسبه الي مو صعبه هم يكولون لأن كانت كميه الرسوب مو طبيعيه بالمدرسة بسبب الأحياء لمن تحفظون حفظوا بفهم حفظوا الاسئله و الاجوبه لكل موضوع انا جنت إذا عندي تحضير أحياء شسوي اروح اشوف محاضره مصطفى عقيل و أشر بالكتاب كل سؤال و فراغ و اكتب تعاريف بالكتاب و كلشي اكتب خلصت اكوم ادرس الي كتبته و الي فهمته و حاول دائما انو تسئل المدرس مثلا شلون يجي هذا السؤال حاول انو تسحب منه طريقه اسئلته شلون راح تكون بالامتحان لمن يجي الامتحان ماكو شي صعب و طبعا طبعا من أهم الفصول الي لازم تركزون عليها الفصل الأول و الخامس و الثاني كلش مهمات و اتمنالكم كل التوفيق الكم أهم شي تكونون متفائلين ابتعدوا عن الأصدقاء السلبيين لأن راح يأثرون عليكم
@@ma_ho18 عفوا شنو أحياء تطبيقي و احيائي الأحياء يدرسوه الخامس الاحيائي التطبيقي بس اذا تقصدين من ناحيه الفيزياء و الكيمياء و الرياضيات درسين تطبيقي لو احيائي ف الرياضيات درسون مالت التطبيقي فقط و الفيزياء مالت التطبيقي و الكيمياء مالت الاحيائي و الاحياء يدرسوه الفرعين يعني اقصد ماكو بعد تطبيقي و احيائي هو علمي و اقتصاد مدرسوه يدرسونه الأدبي
بالنسبة الي اني هسه سادس وحخلص بعد شهرين وبعدني اعتبر الخامس اصعب مرحله حتى اصعب من السادس بس لا تخافون اقروا يوم بيوم ويصير سهل اني جنت هواي اسخت لهذا شفته صعب 💀💗
ههههههههههههههههههه عمي كولي يا الله شجاب الخامس ع السادس اشو اني الخامس عبرته بمعدل 94 ورغم جنت دايح والعب ببجي ،والسادس يحتاج دراسة مكثفة واكو مواضيع صعبة ،الخامس كُله سهل فقط الفيزياء مزعجة
@@سُرى_1 حتى لو كان بس يبقى ما يتقارن بالسادس ، وجاي يضحكون ع الطلاب يكللوهم الخامس اصعب من السادس وبعض الطلاب من هسه راح يتركون العطلة ما يدرسون لان سمعوا انُ السادس أسهل من الخامس ، + اشو اخوي هالسنة همات فصلي ومطلع إعفاء عام جان يدرس يومي فقط لا يدرس ست ساعات ولا عشرة كله ثلاث ساعات فقط ،واني شاطر من الابتدائية حتى لو فصلي اطلع إعفاء بيه لأن الخامس مبيه شي عدا الفيزياء مزعجة
@@cris_7 كل مدرسه شكل هواي مدراس اسئلتهم صعبه واكو العكس +كلنا نعرف انه السادس اصعب كونه مرحله مصيريه وهمين من الطبيعي انه كلما تقدمت بالمراحل الدراسيه زادت صعوبتها والنفسيه وكل شي ياثر عالطالب حتى لو كان منهج سهل بس يبقى مزعج ومطول)
صعوبة و سهولة مرحلة الخامس إعدادي تأتي من الإعدادية التي أنت فيها و تأتي من المُدرّسين، رُبما الأساتذة تجدهم مُتساهلين مع الطلاب و يضعون الأسئلة السهلة و المقبولة للطالب أو رُبما تجدهم متشددين كثيرًا مع الطلاب و يقومون بوضع الأسئلة التي من الصعب حلّها، فنصيحتي هيّ أن ترى هل أن الإعدادية التي أنت فيها مُتساهلين مع الطلاب أم شديدين؟ إن كانوا متساهلين فهذا هو الأفضل لك كطالب خامس علمي و إن كانوا متشددين فهذا يعتمد عليك فالأخر .. إن كنت تحب التحدي و الصعوبة فكما تشاء، فلا تجعل شخصًا يقول لك مرحلة الخامس صعبة أو سهلة، أنت من سوف تحدد ماذا هو الخامس .. سهل أم صعب بأختيارك للإعدادية المناسبة، و أسأل الله التوفيق و العفو و المغفرة ليّ و لكُم إن شاء الله🙏🏼💗💗
طبعا اني طلعت اعفاء عام من الخامس وهسه حروح سادس فنصيحه مني الخامس ابد مو صعب بس بي شغلتين مهمه اول شي اليومي ضروري وثاني شي الامتحانات لازم تلتزمون بيها ومتأجلون ابد 🤍وكعده من وكت ونوم من وكت وبس
بالنسبه اليه اكثر مرحله حبيتها هيه والرابع طلعت من الخامس بمعدل 99 والحمد لله اعفاء عام ++ فالطلاب المقبلين للخامس لاتخافون وابتعدو عن الناس الي تصيح صعب وصعب لان هم ذوله الي يدمروكم ومن تظلون تسمعون هالكلمه (صعب ) وتترسخ ببالكم بحيث مثلا الكيميا مافاتحيه ويجي واحد فهيم ايكوللك صعب انت هم راح تصيح صعب بدون مامفتهم شي فاحب اكوللكم انو الي يدرس زين مستحيل يصعب عليه شي 🌹🌹 الطلاب الي طلبوا المدرسين: عربي: هشام المعموري رياضيات: حيدر وليد فيزياء: علي السوداني كيمياء: حسين الهاشمي E: .......احمد فوزي و سجاد العبيدي و
@@ggbv3411 تسلمين حبيبتي على هالكلام الحلو يعني مثلا شنو انطيج من نصائج شوفي اني ماقريت بالعطله لان مريت بضروف بس انتي اذا كدرتي اقري شويه براحتج يعني وبلشت ويه المدرسه يعني احضر كل تحضير بيومه والحمد لله الله ماضيع تعبي
@@doktorfatm9619 اقري فيزياء حاولي تضبطين ع الاقل كورس الاول بالعطله +اقري كيمياء هي سهله صراحه بس هم تخلصين منها + اقري رياضيات اذا تردين او احياء بس اهم شي تخلصين قسم من الفيزياء والباقي يتدبر والعربي مابي شي نفس العربي مالت السادس بس كلش سهل صح مطول بس ميحتاج تقرينه من هسه بعدين بالسادس تضبطينه ان شاء الله وبالتوفيق حَبيبتي❤
@@doktorfatm9619 فيزياء الفصل الاول والثاني اختي اقريهن شلون مجان وابدي الثالث والرابع والخ ضبطي فقططط فهمياتي فقط رياضيات يوم بيوم لا تقري بالعطله لان زلاطه بس ركزي تحضير يومي اذا موضوع فلت منج وما فهمتي وتراكم ودعي 😄💔 كيمياء الفصل الاول فلسي هو وحفضياته الفصل الثاني فقط فهمياته والاواصر اخذيلج فره عليهن والرنين والتهجين ومالته هذن حفظياتهن وفهمياتهن اقريهن وتمارين الكتاب اقريهن احياء ما ادري بس مدرستنه مصعبته بشكل ونبي الوزاري اسهل منه عند الفصل الاول شويتين مو صعب مطول عربي ابدي قصائد من هسه نصيحه الادب فلسي هو القواعد اربع مواضيع صعبه المبتداء والخبر كان وان واخواتهن والتوكيد والباقي مقبلات 😅 انكليزي كله على بعضه سهل 🙂✨🍃بس الادب في العراق شويتين ضبطيهن من هسه لان صعبات علم كاع لا تقري حاسوب همات لا تقري كردي اقري قواعده فقط اسلاميه السور وشرحهن اذا هاي كل يوميه ايه هيه وشرحها وموضوع لاخ بين قوسين اقري مشكل عبالك عندج مدرسه وبالتوفيق
اكثر مرحلة سختت بيها هية الخامس وحمدلله طلعت اعفاء عام بمعدل 92 انصحكم بالرفقة الصالحة واكعدوا بالرحلات الي بالمقدمة نصيحو مني الكم هالخطوتين ﭑهم من كل باقي الخطوات واذا دبرتوهن حتنسحبون تلقائيا لجو الشطارة والسچ النقطة الثانية ابد ابد لتقرون مواد خامس بالعطلة لان احتمال مدرسكم يحددلكم مادة ويترك اشياء ف تونسوا بالعطلة وكلشي بوقته حلو اكثر شي مفيد اني سويته من نجحت للخامس هو انو دخلت مادة سادس واحد فقط فادتني من ناحية تعرفت ؏ الاساتذة الي بمنطقتي واخذت فكرة عَن السادس ف اي انتو بعد شوفوا اليريحكم وسووه وبالتوفيق للجميع ❤
ممكن نصيحه اني خلصت رابع وطلعت اعفاء عام معدلي ٩٨ واريد بشهر السادس ادخل دورة عامه (يعني داخل مدرسه) للسادس تفيدني لو لا وشنو تكولين راح تأثر عليه بالخامس والخامس مرحله عاديه اكدر اعتبره حاله حال مراحل بقيه مجرد تحضير يومي؟؟
@@معدياسم-ذ2خ مبروك الاعفاء حبي، ادخلي عربي+رياضيات فقط لان هاي المواد تراكمية يحتاجلها اساس قوي ف انصحج تدخليهم اما باقي المواد اذا دخلتيها واجت المدرسة ف صراحة مراح تلحكين بين الخامس ومواد السادس واحتمال تخسرين اعفاء الخامس لاسامح الله كومة بنات جانو داخلين اكثر من مادة وتركوها كدما صار عليهم ضغط بالخامس وحتى تكوم تخبط عندج لاتورطين روحج وتدخلين اكثر من مادتين والخامس مرحلة جدا طبيعية حالها حال الرابع يعني تقرين وتجتهدين تنعفين متقرين اكيد م حتنعفين 👌🏽
@@zr6t وشلون تدرس العربي مال السادس وهيه ما دارسهه مال الخامس يعني الاستفهام والنفي يعتمد على انواع ما وانواع لا والمبتدأ والخبر وانواع اي وغيرها من المواضيع الي موجوده بالخامس وشلون تدرس رياضيات السادس وهيه ما دارسه مال الخامس لان اكو بالخامس فصل المشتقات مهم برياضيات السادس
شلون اكثر سنه سختت بيها والمعدل 92 والله عجيبه انتو اطلع من التعليقات احسن لان الي بالتعليقات عقلهم يختلف والله شو اني موتت نفسي وحتى لاعفاء وين واني وين
نزلت الفيديو حتى ارجع من انعفي من الخامس ان شاء الله يارب واطمح لمعدل ٩٩ ان شاء الله واريد اقره عربي اكيد كورس اول مع فيزيه ماده الشهريات والله كريم 🤗🫶🏻
نصيحه لطلاب الرابع الخامس لا صعب ولا سهل متوسط بس ٩٠% من الصعوبه والسهوله تعتمد على المدرسين والمدرسات الي يدرسون الماده اذا صعبين تضعب الماده سهلين تسهل الماده + لا تخافون من الفيزيه جنت انه وصديقاتي ندرس باليومي على علي السوداني وبالشهري احمد فيصل يسوي الماده ماي مال الفيزيه فنصيحه ادرسوا على احمد فيصل
@@mmaa254 اني علمي وانصحج تدرسين على الي تفهمين عليهم لان كل واحد واستيعابه وهاي المدرسين الي ادرس عليهم الكيمياء نور الدين الرياضيات حيدر وليد الفيزياء علي السوداني الانكليزي احمد فوزي الاحياء احمد الجاف و العربي هشام المعموري والباقيات مثل الحاسوب والكردي عل كتاب وعلى تاشير المدرسه وانصحج تقرين يومي ومتعوفي ولا تراكمي على نفسج حته تطلعين اعفاء عام بأذن الله
@@mmaa254الرابع انكليزي علي العكراوي كيمياء حسين الهاشمي فيزياء علي السوداني واكو واحد لابس شفقه شرحه للمسائل كلش حلوه عربي اقري انت احس احسن واسرع بس للتمارين عمار السلامي رياضيات بالبداية علي صادق وره نص السنه خالد جمال لحل التمارين بس محد مكمل منهج لذا انصحج غصبا ما عليج طلعي اعفاء فردي بالريضيات حتى ما تدوخين بعدين وخلص
اذا تريدين مساعدة من ناحية دراسة العلمي اني انصحج استمتعي بالرابع لان هذا اسهل مرحلة مريت بيها واقري على المدرسين الي تفهمين واذا تردين اني اكلج المدرسين الي درست عليهم وياج طالبة طلعت اعفاء الحمدالله والشكر واليوم الج ان شاء الله طلعين اعفاء
اي والله يا اختي حتى اني اصعب مرحله مريت بيها رغم اني زين والحمدلله نجحت بس مستحيل انسى الصعوبه والفيكات مالت الخامس. وهسه اني سادس تنصحيني اقرا يوتيوب لو معهد لأن يمتحنون الطالب ومدري ايش؟
💕اهلاً اني صرت خامس علمي وداومت اليوم بس حسيته صعب بسبب كلام المُدرسات، لكن هسة استوعبت أنُ احنا اللي نخلي صعب او سهل فـ اللي علينا نقرأ كُلش زين وننجح اليوم تاريخ 2024/9/23 بداية العام الدراسي ،، التوفيق من الله ، وأن شاء الله يَـا رب انجح بمعدل حَـلو وأفرح جدتي يلا باااي💕 .
@@استغفرالله-و1س1ج الرياضيات سهلللللل جداً لكن الفصل الثاني ممكن تواجه صعوبه بمواضيع موجودة بالصف السادس لان اول مره تمر عليك بس سهله جداً نصيحة اقره احياء فصل اول لان كلشششش مطول واقره فيزياء غيرهم لا تقره الباقي كله سهل
@@استغفرالله-و1س1ج لا مو صعبة هلكد رياضيات مادة حلوة فهمية اذا تراجع مواضيع يوم بيومه كلشي يسهل عليج بل شهري كلش . بل نسبة للمدرسين اني اعتمدت على مدرسين مدرستي بس اذا ماافتهمت موضوع مثلا جنت اقره من يوتيوب رياضيات فراس براق .وكيمياء حسين هاشمي وفيزياء علي سوداني. وعربي اكو قناة اسمها تدريس وتحفيز شرحها تجنن
ك تجربتي الخامس حيل صعب خاصه الفيزياء يعني ينرادله دراسه كلش زينه بليومي خاصه المواد كثيفه وهواي واغلبهن مالهن فايده مثل الكردي والحاسوب بس تعب ع طالب الرابع اسهل من الخامس 🥲✨
@@roq_q الإنكليزي قريته بوحدي ويا استاذي بالمدرسة وهو سهل خصوصاً اذا أساسك قوي ،العربي درسته ع استاذ مازن الهلالي ،الكيمياء دانيار الجاف ،رياضيات ع استاذ فراس براق ،الفيزياء شوي مزعجة قريتها ع هواي مُدرسين ،اما الأحياء مادة درخية اي ملزمة ادرسيها ،والخامس فقط حضري يومي وربي سهل حيل بس اكيد يحتاج تعب واكيد يختلف عن الرابع لأن كلما تتقدم المرحلة تزداد وتتوسع أفكارها و مواضيعها ،الله يوفقج وتطلعين إعفاء
انا طالب سادس والصراحة احس الخامس اصعب من السادس لكن احلا صف هو الخامس لان جان ممتع وتعرفت بي على هواي اصدقاء وعرفت حقيقة هواي ناس مصلحجية جنت اعتبرهم اخواني
طبعاً شكراً على هذا الفديو القيم اللي مليان نصائح المفروض كل الطلاب يعرفوها حتى يتفادون الاخطاء اللي خاف يوگعون بيها... الخامس ابد مو صعب مجرد تدرس و تشد حيلك و اعتبر نفسك طالب سادس يعني مثل اللي لازم تهيء نفسك للسادس.
نَصبحه من طالبه عدت مرحلة الخامس علمي وطلعت اعفاء عام ، شدو حيلكُم من البدايه ولتتوترون ولا تشوفون المواد صعبه اني مدرستي جانت تجيب كله اسئله خارجيه على الرغم من احنا مو وزاري وجانوا حيل معقدينا واني جنت ابجي بشكل يومي وعشت اكتئاب لهلسبب فف انتوا ليصير وياكم هيج لا اقروا واهم شي تحضير يومي واطلعوا اعفاء عام او فردي متعرفون شكد الراحه الي تحصلولها وكذلك اذا تتعودون ع الدراسه رح تكون الدراسه جزء من يومكم ومتتاكسلون حتا بالسادس ، بالتوفيق 🫂🤍.
@@user-Des-zahraa ءء لا مانصحج بس الي عليج وللي رح يفيدج اكثر مما تتخيلين ادرسين اساسيات المواد اذا جان اساسج ضعيف سواء كان عربي او رياضيات او انكليزي قوي انكليزيتج كُلششش هواي هلشي رح يفيدج مرح تتندمين ولتعبين وخلي هلفترا هي فترا توعيه لنفسج وتطوير وغيري نفستج حتا بعطله الخامس ان شاء الله تكون احلا 🫂.
@@AllahWithus-iz5wj اذا ادخلين معهد تقويه للغه الانكليزيه مو دراسه للخامسه فخطوه كلش حلوا ، اما الاحياء والرياضيات للخامس هو مو معقد وانما محتاج تحضير يومي وفهم لان ماده فهميه بحت وخاصه الاحياء بس الرياضيات فقط الفصل الرابع شويه لان يدخل بالسادس والباقي كلش سهل .
@@انتهواني-ك3ش إي السبب اني اكيد ، اول سنة اني سويت انتساب وسختت وهاي سنة هم سويت انتساب ولحد هل لحظة مفاتحة أي كتاب وجاي اسخت :) ، يعني من الاخير مناهج سادس مالها دخل بالنسبة الي مناهج الخامس معقدة اكثر من سادس لذلك لتخافين 3> .
@@Nareen-if9pu ليش لا إن شـاء اللّٰـه مدام عرفت النمط وشلون تكون دراستك وامتحاناتك وشنو الي لازم عليك تسوي مو بعيدة تطلع اعفاء عام و اكيد كدها انت وبطل 🌟
اصعب مرحله هي الخامس وجذاب الي يكلكم سهل لان يرادله التزام كلشش هواي وتركيز وهواي امور خاصه الرياضيات كلش صعب ويبقى حسب المدرس اما الكيميه سهله والغيزيه هم حسب المدرس وشنو يسهل الكم دا احجيلكم حسب تجربتي للخامس مع ضروفي الخاصه واليوم عندي امتحان رياضيات اخر سنه ولازم نوثق اللحضه … 2023/5/22 واخيرااا رح اخلص من الخامس شلع كلبي والله
بالنسبه الي نجحت للخامس ودادرس للخامس كاعد احسه اسهل من الرابع خاصه الكيمياء والرياضيات لان مال الرابع م مفهوم أبداً واني شكد احب الرياضيات بس بالرابع كرهته جان كلش مزعج بالنسبه الي فـ حسيت الخامس اسهل واكيد اعفاء انشالله بي
مرحبا انا يقين وهذا التعليق ذكرى مني انا الحمدلله طلعت اعفاء عام بلرابع بمعدل ٩٤ وحاليا مابقى لدوام الا شهر وكم يوم واتمنى الي يشوف الكومنت يدعيلي اطلع عفاء عام بلخامس بمعدل ٩٨ وان شاء الله اردلكم نتيحتي بعد الدوام ❤💚
لا يهمك كثافة المنهج وضيق الوقت وضغوط الدراسة ، أنسيت أن الله خلق فيك الصبر والقوة والإرادة ، لاتضيع جهدك بالتحسّر على كل فرصة ضائعة إغرس أقدامك في أرض العلم ستكون يومًا في الريادة ماكنت هشة لكسر أمام كل ريح عابرة، مهما كانت صعوبة البداية ستنجح وتفخر بنفسك بالنهاية💪👍 كونوا_أقوياء👩🏻🎓✌️👨🎓 ربي_يوفقكم_ياأبطال
بنسبه الي الخامس سهل بس اني ما شديت حيلي بل بدايه وطلعت إعفاء أسهل من الرابع رابع يسويلك سبرايز اكو مواضيع مماخذه وتجي كبل تأخذه اما الخامس بعض المواضيع ماخذه بالرابع والثالث
@@JasUro اك اني هم طلعت اعفاء بس بعده صعب بالنسبه الي وبالنسبه للخامس اكو مواضيع مو دارين عنها بغير صفوف اكثر جانت اكثر المواضيع جدد التهجين الرنين المعادلات بالفصل السادس واللوغ والاشتقاق والغاية والاستمرارية صح اغلبها سهلات بس معقد حسيته وهذا رأيي الشخصي
@@JasUro الرابع شبيه العضوية وبس رسميا المواضيع جانت كلها نفس المراحل الي قبلها حتى العضويه جنه ماخذين فكرة عنها واكو قانون جان حيل مشابه للمذيب والمذاب اما الرياضيات فحيل جان سهل
التعليقات صدك تحجون؟ هسه اني طالبه رابع وجاي امتحن وشفت هذا الفيديو صدفه وكلت اتعرف على الخامس كميه الطاقه السلبيه مو طبيعيه !!! حتى صارت بي خوفه من الخامس مع العلم اني رابع هسه قبل لا تعلقون اي شي تذكروا ان هواي ناس راح تشوف تعليقك وهواي ناس راح تهتم يمكن انت بكل بساطه تكول وهو ياهو راح يهتم لتعليقلي خليني احجي اني ماكول لا تحجون تجربتكم الحقيقيه بالعكس احجو نستفاد بس مو هيج بكميه طاقه سلبيه مو طبيعيه الخامس صعب ، خلينه واقعيين الخامس صعب صعب صعب، شني السالفه؟ حببوا الناس بالمرحله الي راح يروحله حتى لو بالجذب على الاقل نفسيتي راح ترتاح واكيد راح اقره وما عوف دروسي
@@q35_1 اكيد اكو عزم واصرار بس غير نتحفز علمود نتقدم اكثر واكثر واي شخص بالعالم اذا يريد يسوي شي يحب يعرف وجهه نظر الناس عن الشي الي راح يسويه علمود ينطي دافع قوي واني ردت دافع يحفزني للخامس بس من دخلت للتعليقات للصراحه انهبطت بس بعدين الحمدلله ذكرت ربي وكلت كل مرحله الشخص نفسه هوه بيده يخليه صعبه لو سهله
بنظام الكورسات والحذوفات جان سهل ما يرادله شي بس هسه بهاي السنه والجايات راح يكون صعب اذا ما تحضر كل شي بيومه فلازم كل درس تاخذه ادرسه وتجيكه بيومه حته يصير سهل وهسه اني متندم جي ما طبقت هاي الفكره 🙂💔
ما شاء الله كلامكم يرفع المعنويات كلششش والله يا الله (اسمعو يا عيني اليبجي بوجهك دائما ابتعد عنه والله ميفيدكم مو ايكولون اسأل مجرب هاي اني ما اخذ كلام شخص ليش لان اني رحت ثالث وكلولي صعب ولو تموتين مطلعين منه واول مره استلم النتيجه بثالث طلعت معدلات ب90 وهسه حاليا رحت خامس وشفت كلامكم وولا اهتميت بس ضايجه ع الطلاب الي راح يتأثرون خطيه بس شنسوي هذا تفكيركم محد يكدر ايغيره وكلامكم السلبي ((للاسف))
اني طلعت اعفاء هل سنه و. الخامس ما ابالغ لكن كان اسوء مرحله مرت عليه بحيث هدت حـيلي تعبت حيل بيها لسه احس بتعب منها حتى جاني خفقان بعد ما خلصت ، جان التعب النفسي و القلق حيل مأثر و خاصه نهايه هل فصل جان تراكم امتحانات مو طبيعي الاسبوع كله نمتحن لكن مرت الحمدلله و رغم صعوبتها ضليت اردد "لا يكلف الله نفساً الا وسعها" و اعتقد السبب بهل تعب انو ما متعودين ع نظام الفصلي بعد ما جنا كورسات ، و سالفه الاعفاء هم و الشي الاكبر انو احنه المرحله الوحيده الي تدرس ١٠ مواد بعد ما ضافولها علم الارض وي الكردي و الحاسوب لهذا تعبنا بهل سنه بالاضافه الى ان بعض المدرسات جانوا يصعبون علينا الوضع الله يهديهم لكن بأذن الله طلاب الي حـ يصيرو خامس حيشوفوها اسهل لان تعودو ع الفصلي و الحمدلله حصليت الي اريده من هل مرحله 🤎✨"طالبه علمي"
@@baneenali87 ابداً مو شرط تقرين بالعطلة المهم انو تكون ملتزم مع المدرسين وتحضر كل يوم بيومه راح يصير الخامس اسهل مرحله بالنسبه ليَ ما درست لا عطله ولا شي بس التزمت مع المدرسين والحمد لله طلعت اعفاء عام بمعدل 92 وحاليًا ادرس سادس علمي❤
اني هم ماطلعت اعفاء عام بالرابع بسبب الكيمياء بس نجحت الحمدلله درجات زينه وهسه جاي اقره رياضيات خامس علمي لان اريد اسيطر على المواد لاتقرين هواي كل ماده فقط فصلين احسلج حته تفتهمين احسن ولاتعبين نفسج لان هاي العطله الاخيره النه وبنفس الوقت خلينا نستفيد منضيعههه.
الخامس أسهل اسهل اسهل مرحله يمكن يمر عليك/ج حرفيآ لا يحتاج قرايه بالعطله. ابد بسَہ تحضير يومي خلال دوام وخلص نصيحه شد حيلك بدايه سنه. لحد نصف سنه وراها سهل.
نصيحة مني الكيمياء اقرو على مدرس حسين حمزة قريت عليه طلعت سعي 99 الفيزياء احفظوا الملاحظات وطبقوا على المسائل واقرو على علي الذهبي الانكلش احمد فوزي لان يختصر ، العربي>يعقوب يوسف رياضيات ، أحمد جليل او حيدر وليد
@@ميكائيلالشمري-ل5ي العربي + فيزياء+ رياضيات اقراهن بالعطلة اما الاحياء حظر يومي الانكليزي سهل، الكيمياء سهله اقرا على اي مدرس تفهم عليه بس انصحك بحسين حمزة
اخوان اني طالب سادس صح بعيداً عنكم راح امتحن سنة يعني دفعة 2023 نصيحة لوجة الله لا تمشون ورا صيت (شهرة) مال مدرس والله فلان يدرس ع كذا مدرس وطلع 100 بكذا مادة المدرس الي تعتمد حسب فهمك وشرحة للمادة وخصوصاً شفت هواي طلاب يردون مدرس فيزياء استاذ حسين محمد. صدك هذا مدرس عملاق وفد شي أمْ باقي المدرسين فتبقئ حسب فهمك الهم ونصيحة خلو دراستكم ضمن جدول بدون جدول مراح ضبط شي بحيث دراستك خلال فترة مدرسة (دوام) وبعطلة لازم تدرس 14 ساعة بس مو تقرون بمجرد عدد ساعات لا بس لازم بفهم وتركيز + تذكرو انو منهج رجع كامل الكم خلال هاي فترة يعني قبل مدخلون. بفترة سادس حقيقية حاولو تخلصون الأحياء. وبس لان تعبت كتبت هواي يارب توفيق الدفعة 2024 هسه نرجع نكمل رياضيات ❤🙏💗
بالنسبه إلي راح اقرة للخامس اعدادي بهاي العطلة حتى احاول قدر الامكان اطلع اعفاء بس بنفس الوقت مراح اضغط على نفسي يعني اقرة كل يوم من ساعتين _3ساعات و ابلش بالمواد اللي اني اعتبرهه صعبه و ما احبهه بالمقابل راح ارتاح تقريباً شهر السنه الجاية و نوب ابلش اداوم بمعهد ادرس للسادس و ﷲ يوفقني و يوفق الجميع
نخلي ذكرة بالصف الخامس كل متشوفون تعليقي ذكروني طالب خامس شوفو طلاب حبايب مهما واجهة ضروف بالدراسه لا تستسلم ابدا مهما كان وضعك وما بقه اله القليل ربي يوفق الجميع يارب
التعليقات كلهة تحجي الخامس صعب الخامس صعب تره ما بي شي وكش سهل والفيزيه اليخوفوكم منهة اسهل ماده اني ستوني طلعت منه والحمد الله بدرجات عاليه رغم اني مزوجه وعندي طفل وعيال بركبتي وارجع واكلكم سهل بس بشرط لليقرا يومي ❤❤
@@adiladnan6609 لا خويه ابدا لا تخاف راح تشوفيها بالبدايه معقده بس من تراجعها راح تكون سهله واهم شي بالنسبه للمسائل حاول تضبط القوانين كامله يله تبدي بيها واكو فصل بي افكار شوي يرادله بس مثل مكتلك بالتكرار كلشي يصير سهل واني درست ع استاذ علي السوداني وبعضها ع احمد فيصل وجبت ١٠٠ وانت اذا مدرسك محاضر فأكيد يدرس على مدرس حاول تعرفه وادرس عليه
الخامس فد صعب يعني انتم تكولون اقرأوا يوم بيومه انا جاي اقرأ يوم بيومه و مع ذلك هم صعب تخيلوا احنى عدنا عشر كتب و كل ماده اصعب من الثانيه انا ما يهمني الصعوبه بس الوقت مجاي يكفي اقرأ لان دوامي مسائي هو الواحد يرجع باليل انوب جم ساعه وين تكفي احس السادس اسهل لان راح ندرسه بالعطله بحيث بالدوام يكون اسهل
بلنسبه للي يدرس وشاطر ومتعود عله الدرجات العاليه الخامس حاله حال بقيه المراحل انه انعفيت من الخامس بمعدل ٩٩(ما شاء الله)ودرجاتي بلخامس اعله من درجاتي بلرابع الحمد الله يعني هوه مو صعب ولاسهل كلش بس اليدرس يصير سهل عنده
والله مدري شكول بس اني ماعندي طاقه ادرس الخامس احس نفس ابدد مو جاهزه ف ع حاول ادرس بس اريد تنصحوني وخايفه حيللل كله تكلي درسي بهي عطله الخامس يارب اطلع اعفاء عام ب خامس 😢
احس هوة الوحيد الي ماصعب الموضوع واول واحد يكول الخامس سهل لان ياهوة الاسأله يكلي صعب ومتكدريله وماعرف ايش وهواي يعضمون الامور ويخوفوني فشكرا لانك ماسويت هيج وخوفتنا من الخامس احس حتى ولو جانت المرحله الي طلعت من عدها صعبة مالازم انو نخوف الي مقبلين عليها لان اذا خوفناهم منها ماراح يكون الهم واهس لدراسة هاي المرحلة مرة ثانية شكرا لان سهلت الموضوع وشكرا عالنصائح المفيدة كولش🌼
نضمي وقتج وية الصلاة يعني كعدي وية صلاة الصبح وادرسي للدوام وارجعي ولصلاة الضهر ارتاحي ساعتين وبعدها ادرسي لصلاة المغرب ارتاحي للعشاء وبعدها نامي ٦_٨ساعات وكعدي درسي بس يومي تجيبين اعفاء عام
هم اني طالبة طلعت اعفاء عام معدل 96.5 وبلرابع هم جبت معدل 95.5اعفاء عام حمدالله ولشكر يارب يبقى مستواية هيج لحتة كون حقق حلم اهلي يالله بس لو هلخبر المحزن انو رح يغيرون مناهح سادس 😭
يا سهل انته الثاني؟؟ لا تصدكون ابد مو دا اخوفكم او توتر بس حرفيا اصعب مرحلة وحتى يكولون تقريبا ذاا خلصت خامس بدون حذف ف حيصير السادس سهل + بس حرفيا الخامس اصعب مرحلة حتشوفها خاصه كورس الثاني
