يا معاذ انا متابعك لي سنين وربنا يوفقك ويسعدك يارب عندي سؤال خاص وما عندي وسيلة تواصل معاك غير التعليق هنا ف يا ريت تقدر تفيدني عندي صديقة في أمريكا وعايزة تجيبني هناك وما عارفين نعمل شنو وناووين الزواج ممكن تفيدني؟
اعتقد اللعبة اتغيرت حاليا وانو المحتوى السوداني اصبح افضل حاليا بغض النظر اذا كان بودكاست او اي نوع اخر من المحتوى. ونحن كفريق (لما) فخورين اننا فريق سوداني بالكامل ما بنقدم بودكاست ولكن ان شاءالله نكون واحد من اللي ممكن يغيرو هذه اللعبة.
للصدفة الغريبة امبارح كنت في تسجيل بودكاست "العودة للاصل" ، حلقة كاملة عن اليوتيوب السوداني تحديدا واسباب زوال المحتوى السوداني ، وفعلا اغلبا بكون الناس متوقعة وصول معين ولمن ما يلقوا الحاجة دي التوقعات دي بيصابوا بالإحباط + الناس في فترة معينة اتوجهت للمحتوى القصير و الريلز للرواج الشديد وسهولتها ، عشان المردود يكون قريب من المجهود شوية.
الفيديو مهم شديد، ومشكلة الاستمرارية فعلاً حاصلة عندنا في المحتوى السوداني ومافي صبر طويل للمحاولة والنظرة بعيدة المدى كثر لينا من الفيديوهات دي يامعاذ وشكرا للإفادة🤍✨️
والله ي جماعه الزول ده بتفائل بي وشو اقسم بالله... بتذكر او مره بديت اشوفه لما البشير سقط تقريبا.. شفت كم فديو.. هسي اول فديو يظهر لي ❤️😭المهم ❤️❤️❤️❤️❤️❤️❤️
حمدا لله على العودة واضافة لكلامك يا معاذ برضو من ناحية الجمهور ، الشعب السوداني كمستهلككوما عنده ثقافة اليوتيوب كمحتوى ( ولنفترض قبل الاحداث الحالية في السودان) حتى الشخص المستهلك للمحتوى معظمهم بتوجهوا للفيس بوك (لايفات او مقاطع متوسطة المدة) او تيك توك اضافة لي دا البنية التحتية بتلعب اهم دور(صيغة الانترنت المحدود) واللي هو اكبر عامل كان في السودان يعني مثلا انا في دائرتي الشخصية اكتر زول بستهلك المحتوى بين عائلتي في الففترة الكنت فيها في السودان وكنت بصرف قرابة 50 قيقا في الشهر في محتوى يوتيوب لكن معظم الناس ما بتفضل تصرف الصرف دا في منتج سوداني ممكن يلقى نفس جودته في الفيسبوك مثلا لكن في دولة زي السعودية مثلا اهم مصدر ترفيه مرئي عند جميع الفئات العمرية هو اليوتيوب، بعديه بجي المصادر التانية زي شاهد وكدا ونقطة اخيرة : معظم البتوجه لصناعة المحتوى اليوتيوبي في الفترة الاخيرة حتى لو كان بنتج حاجة بحبها فهدفه الرئيسي انو يربح (وانت عارف انو الشي دا صعب بالذات في البدايات) وزخمه بقل لما ما يلقى نفس المردود المادي انت رأيك شنو؟ ونتأسف عالاطالة 😅 وتحياتي
كل العالم بقى بيستهلك التيك-توك وانستقرام اكثر من اي شيء تاني ، عشان كدا يوتيوب ذاتهم بدوا ينافسوا وعملوا اليوتيوب شورتس. بس النقطة هي: في جمهور كبير سوداني قاعد في يوتيوب ، انت كيف تصل ليهم بس؟ هنا النقطة الناس عاوزا الفيديوهات في يوتيوب ، لانو أغلب المستهلكين المحتوى ديل هم المغتربين. ربك يسهل على كل مجتهد
والله انا عن نفسي كنت بنزعج لمن ابحث عن قصة او حاجة مثلا و ما القى لي يوتيوبر سوداني بقدم الحاجة دي لكن في النقيض الآخر بفرح شديد لمن الاقوني صناع محتوى بقدموا حاجة مفيدة في المنصحة (زي امثالكم وقت الحفر الصح, وان شاء نشوفك اكتر تاني ببرامج جبارة).. المهم فقلت ادخل المنصحة بشغف صناعة شئ افتخر به لاحقا وابقى من صناع المحتوى السودانيين المؤثرين بطريقة ما.. لكن محتواي ما بودكاست عشان م اكون عملت ترويج لنفسي وكدا.. وكل الحب يا معاذ عثمان ❤❤
السلام عليكم يا معاذ . ياخ ممكن تتكلم لينا عن بدايتك مع شغل الedit وكيف شغله هناك في نيويورك وتجربتك مع freelancing كونك انت زول خبره يعني . ما اظن في ناس كتار مهتمين بالمجال ده . لكن انا حابي استفيد منك كونك انت قدرت توصل لي مرحلة انا حابي لوصل ليها . وشكرا ❤
@@Mu3azOsman ان شاء الله بس اخلص من شغلي دا فاضل كلها ايام بس ان شاء الله خلال شهرين بكون نزلت اكثر من 5 فيديوهات طويلة ومفيدة لي البلد بإذن الله تعالى
بالجد يا معاذ انا كنت بفكر في موضوع صناع المحتوى السودانيين مع انه في ناس عندها افكار حلوة لكن يمكن عدم الاستمرارية بجي من الإحباط وصناع المحتوى السودانيين مافي زول قاعد يدعمهم بالذات البيقدموا محتوى هادف الناس ماشة ورا الفارغة
والله الدعم في ياحاج حتى ولو كان محدود، بس ماتقارن بالبلاد التانية. احتمال عندنا مشكلة كمستهلكين سلبيين جدا ومابننشر إلا المحتوى البنكرهو والبنتضايق منو. عشان كدا كل السوشيال ميديا حقتنا ردم وشتم
لو قارنا بالبلاد التانية احتمال نكون احسن منهم نحن عندنا ناس ممكن يقدموا محتوى مفيد اكتر لكن ثقافة صناعة المحتوى في السودان انتشرت قريب فصعب انه الواحد يهتم بصناعة المحتوى شديد لكن برضو مبسوطة بمحتوى السودانين البيتعبوا في صناعة محتوى ولسة مستمرين، بالجد قناتك بتكون من اول الترشيحات لو كنا بنتكلم عن اشخاص بيعملو فيديوهات جميلة و ممتعة كل الدعم لك متابعتك من زمان أماني 😁
معاذ ابتعدت كتير عن الفيديوهات المهمة لينا كشعب سوداني. بتذكر فيديوهاتك ايام الثورة كانت رهيبة شديد ومفيدة توري العالم لكن هسي ماعندك محتوى عن الحرب خاااالص ف اغلبية متابعينك سودانيين وعايزين نشوف فيديوهات ظابطة نقدر نشيرها للناس البتسال الخاصل ف السودان شنو من خشمنا نحن. حاليا اببيهمنا كشعب هو موضوع الحرب ف بتلقى كل القنوات ف اليوتيوب الماشة ياهو كلامهم عن الحرب وبيدونا ابديت اول بي اول و بيفضحو التمرد وغيرو ، حاليا ماف زول شغال كتير بي شي تاني لانو ماعندنا نفس خالص الا البلد ترجع واهلنا كلهم يرجعو بيتهم معانا
كلامك صحيح وحاصل لكن انا شايف المشكله من جهلنا في السودان بالميديا كتير الحمد لله بقينا نخش في العولمه والميديا كتير والحاجه دي ملاحظه جدا من ارقام المشاهدات في كل المنصات زادت زيادة محترمة جدا لسع ما بتتقارن مع المحتوى الاجنبي والعربي عموما لكن ماشين كويس + في ناس بقت تسوي محتوى والبودكاسات بقت تكتر فا ممكن نقول الامور ماشه كويس وبإذن الله + أي صح اغلب المشاهدين السودانين متواجدين في الفيسبوك والتيك توك واليوتيوب المشاهدات فيهو ضعيفه وغير دا الناس بقت تهتم بالفارغة والمحتوى الكوميدي البقا الواجهه حقت محتوانا في السودان لكن برضو الحاجه دي حتتغير لكن في ناس اللهم بارك شغالين فيديوهات جامدة وبإذن الله أولهم انا + انا بتمنى وبنبسط شديد اذا المحتوى السوداني انتعش وانت رجعت ليهو بصورة اكبر ونشوف محتواك القديم + اخر حاجه عاوز اقولها داير اديك شويه تحضرهم : 1- شباب حلوين (شوف اخر سلسلة عملوها والإنتاج الرهيب الفيها) 2-بودكاست السودان بودكاست(حلقة مع مستنفر مع أحمد دين) 3-بودكاست مع الخال تبع Lq media وبس الجاي احسن ان شاء الله والتغير جاي جاي
يا معاذ انا متابعك لي سنين وربنا يوفقك ويسعدك يارب عندي سؤال خاص وما عندي وسيلة تواصل معاك غير التعليق هنا ف يا ريت تقدر تفيدني عندي صديقة في أمريكا وعايزة تجيبني هناك وما عارفين نعمل شنو وناووين الزواج ممكن تفيدني؟
والله النوته عندي ، ملياااانه داتا واسكربتات قريب 30 فديو مبدئياً وكل يوم بطلع بي فكرة جديدة وبسجلها في النوتة ، مواضيعي tech ، ممكن إهتماماتي ما بتناسب الأغلبية والله أعلم بس مشكلتي رغم أنو عملتا قناتين وحدة تعتبر تخصصية أكتر في مجالات معينة وصفحة شخصية المشكلة غبية ممكن تقول ، أني ما لاقي إستيكر لتلفوني لأنو الإستيكر الحالي مخزن هوا في حتة الكاميرا بس 😂 التقول عارفني ، وغير كدا أنا قاعد في مصر والوضع الإقتصادي مشي الحال ، فالمروحة العندي مزعجة شدييد ، فلازم أنتظر يخش الشتاء كويس عشان أسجل بدون إزعاج لأنو أهم عنصر عندي الصوت غير كدا أنا زول إنطوائي ، ف متخوف من الشهرة دي أصلاً ، وما عارف هل بتغيرني لزول أكعب ولا لا ، وما عارف هل بتعمل spot أو scar في حياتي ، بتكون مضرة ولا كيف ، الله أعلم ، ربنا يكتب لينا التوفيق ولكل المسلمين إستمر يا معلم
والله الكلمات دي بتمر علينا مرور الكرام ، والواحد بتجاوزها لأنو ما فاهمها ، زي كلام حمدوك كدا البعرفو أنو إسم وظيفي في الدوائر الحكومية ، لكن في أرض الواقع كان قال ليك أنا "صانع محتوى" ، حتقول ليهو يعني شنو 😂 ، لو ما عارف ولو عارف لأنو كلمة عامة كدا ، زي البقول ليك "حِرفي" أو "صاحب حِرفة" حتقول ليهو يعني شنو ، نجار حداد كهربائي ، شنو إنتا 😂
كل مرة أسمع "المجد والخلود لشهداء ثورة ديسمبر المجيدة" بقعد أنطط عيني كدا ، وبقول اللهم إن كان سحراً فأبطله 😂😂 طلعهم شهداء كيف ، والكلمات الما معروف كيف طبزها مع بعض ، والكلام البتصفق ليهو وإنتا ما فاهم حاجة ، وكان داير يآكل صحن الفته بعمل فيها لبق ومهذب والسلغفة بتاعة الغرب دي وأنو الفته دي تتأكل بالشوكة والسكينة والمنديل البلفو في الرقبة داك زي توم وجيري 🤣 الصحن دا مفروض تنزل عليهو هجوم ، الواحد معقد الأمور كدا مالو داير يعمل القنبلة الفرتكانية ، الزول داير ياكل بس ، يقومو يعملو ليهو مانوال ولا كتالوج عشان يعرف ياكل ، أصلو شنو ، تديها كدا وتقطع ليك كوز محترم وتديها الصوت بتاع الإكتفاء داك ، وتحمد ربنا على النعمة دي ، وتديها وضعية الدون لمن يكون داير بيلنتي 😂 😂 ، مالنا ومال الكلام الفاضي ليه لازم نصيغ ثقافتنا عشان نرضى أذواق الناس الموالين للغرب في بلدنا المخططة تجيب الغرب عندنا ، خصوصاً حقوق المرأة وحقوق الفطيس والفسيخ ، اليمشو الغرب هناك ، الغزو الفكري الغير قائم على الدين ومبني عكس الدين بشكل مبطن دا ما بخارج معانا المفروض الثقافة حقتنا هي البتناسبنا ، ما شعب الثقافة دي المفروض يتعود عليها ، المسألة دي تكون مساعد مش عائق
