هل امريكا بقت لا تطاق؟ رد على عبده التلاوي 

*تحديث: عبدة رجع امريكا بعد شهور قليلة قضاها فى مصر، مازلت أتمني له كل التوفيق فى مستقبلة.*

لأول مرة أسمع يوتبرز يتطرق الى جملة" انك تكون حاسس وعايش الغربة وإنت وسط أهلك وناسك"....حطيت إيدك على الجرح بالضبط

عبده انسان محترم جدا، و الحمدلله هو رجع امريكا و اخد القرار الصح.. و دى شجاعة منه.

أحب أقول لحضرتك إن عبدو رجع امريكا ثاني من شهر تقريبًا وعيلته كلها هناك معاه زي ما الجميع توقع. للأسف النوعية ديه منتشرة بكثرة تحبط في الشباب لأسباب شخصية و مزاجية ولكن بيكونوا مجهزين بلان B عكس اللي بيسمع لهم ويتأثر بيهم.

الله عليك يااستاذ اخوك من الجزائر شكرا بكل معنى الكلمة.

كلامك منطقي، الفرصة في أمريكا أحسن و الحياة أفضل.

والله يا استاذ محمود انت شخص رائع ومميز لانك بجد بتعطي الامل والتفاؤل للناس وانا متفق معاك قلبا وقالبا

الحمدالله انا في امريكا ولايه بنسلفانيا الحياه جميله جدا لما اجيت في البدايه كنت احس بملل وفراغ كبير وتوقعت اني ارجع لبلدي بس مثل ماتفضلت حضرتك لما تعرفت ع كثير اصدقاء وتعرفت ع ثقافتهم وسافرت ولايات كثيره الحمدالله انا احس اني جد في بلدي

اتفق معك بكل شي...و بالأخص الإحساس بالغربة داخل الوطن

مستر محمود تحياتى لحضرتك , بحب اسمع حضرتك علشان انسان ايجابي وصادق , تحياتى !

حضرتك يوتيوبر مصرى صادق ومحترم وكلامك صحيح جداً الف شكر لحضرتك

الحرية أهم شئ.. أنا نفسي اسافر لهذا السبب

فعلا فرق كبير بين الهجرة والغربة لازم تندمج مع الناس ويكون عندك فضول وحماس تتكلم معاهم وتعيش اسلوب حياتهم

انا طالب مغترب في مصر والحمدلله عائلتي قادرة توفر لي نفس جودة حياتي في السعودية من ناحية مصروف وكذا لكن مافي اي نوع من المتعة انك تكون قادر تصرف وصحابك واللي حولك طالع عينهم والتجربة دي وضحت لي ان حتى لوكنت مقتدر ماليا مش حتكون سعيد وانت في مجتمع فقير وبرضو في نقطة ثانية وهي حتى لو معاك فلوس مش حتعرف توفر بعض الحاجات زي النت الممتاز مثلا او نظافة الشوارع او حتى تصميمها اللي بتخليك مخنوق ومحاط بالخرسانة في كل مكان ومفيش حتى نبتة وحدة ربنا يكتبلنا هجرة لامريكا ويصلح حال مصر بلدي الثانية لان فعلا هذا الشعب الطيب اللي احتواني كأني واحد منهم لايستحق ما يحدث له

كلام منطقي جدا واتفق مع حضرتك في كل كلمة ربنا يوفقك ويسعدك ويحفظك من كل سوء ❤

دا اول تعليق ليا عندك يااستاذ محمود انتا راجل محترم وصادق ميه فالميه وسامحني عبدو دا واضح من اول فيديو ليه وهو إنسان كسول جدا وش بتاع شغل ولا طموح والفيديو بتاعه قنبله احباط لأي حد طموح بيدور ع فرصه كويسه بره يعيش بيها ك إنسان ع الأقل

الفيديو ده يتبروز لانه وضح كل حاجة وجاب من الاخر👌 💚 شكرا جدا علي جرعة الوعي اللي بتزيد مع كل فيديو❤

الفيديو داه درس في التنمية البشرية.

كلامك وابتسامتك مطمئنين ومشجعنى

كلامك المنطقي وأسلوب الأداء البسيط والواضح حاسه إني بديت اقبل للحياة بنظرة جديدة بسببه الله يمتعك بالصحه والراحه ولا تحرمنا من نصائحك وفيديوهاتك الهااااادفه مفروض تكون شخصية مؤثرة بالفعل

15:15 اقسم بالله حقيقي جدا جدا انا قريبي مسافر السعوديه من ١٥ سنه وبينزل كل سنتين او تلاته كل ما ينزل يقول كده يقول انه بقي حاسس انه غريب انه مش عارف يتعامل مع الناس حاسس ان البلد اتغيرت

كلام رائع ومنطقي......البعض يتكلم عن سلبيات فقط.....

You have touched the wound and pain it's very logical

عندك حق في كل كلمه مصرستان الحياه معاناه التعليم والصحه زفت المرور زفتين الاوراق و التراخيص تضييع وقت رهيب مفيش حريات ومن يعترض الحبس والتجديد بدون محاكمه الخ

والله كلامك صحيح انا من سوريا ومقيم بمصر من 9سنوات والله مش حاسس نفسي بحرية متل ماتكلمة حضرتك

الاستاذ محمود ..ربنا معاك

الحمد لله كنت في دبي و استقلت وجيت لكندا والحمد لله احسن قرار خدته. حضرتك فين في امريكا اتمنى نتقابل في يوم من الايام

و الله عشان تعيش فى مصر مش اقل من 6 الاف جنية ... دروس و علاج و مواصلات و اكل و شرب .... دا غير فواتير الكهرباء و الماء و الغاز طبعا من غير ترقية ...... استاذ محمود كبر راسك من الناس دى. رب يبارك فيك يكرمك.... أنا عايز اهاجر عشان اسثثمر فى اولادى و فى الباقى من طاقتى

انا تونسي في اوروبا كنت على قاب قوسين من الغاء الهجرة بعد فيديو عبدو قلاوي ، احبطني جدا ، شكرا على التوضيح

اهو عامل فيديو النهاردة و بيشرح فيه كل المساوئ اللى عاشها فى ال 9 شهور دول . بس بجد فعلا عنده موضوعية حتى لو كان أخطأ فى اختيار العودة . احترمنا قراره بالاول واحترمنا ارائه بالاخير . وربنا يوفق الجميع

مشاء الله عليك بجد ، اسلوب ورقى وتعامل وثقافة واحترام بجد انتا شخص عظيم والله ، اهم حاجة انا لحظتها فيك انك مش مهتم لكلام او رأي الناس فيك طلاما انتا ماشي صح بجد شخصيتك روعة❤

ما شاء الله عليك كلام مظبوط

شكرا جزيلا على الكلام الدقيق وشكرا جزيلا على عمق التفكير وعمق الثقافه وعمق المحتوى ... شكرا جزيلا لشخصك المحترم ❤🌹

أول مرة أشوف حضرتك واحترمتك جدا جدا ومتابع حضرتك من اليوم اشكرك على كلامك لانه من القلب وبيوصل للقلب والعقل اشكرك

كلام صح مائةبالمئة.

بارك الله فيك على هذا الفديو.. انا واسرتي مقبلين على الهجرة لامريكا ولكن الفديوهات الاخيرة للاشخاص الي ذكرتهم حضرتك احبطتني كثيرا وكنت خايف جدا ولكن كلامك ريحني وخفف من قلقي . ربي يوفقك ويسعدك ويريح بالك

6:00 والله انا عايش مع اهلي 27 سنه قهراً؛ وحاسس بتوهان وغربه مقحِمه لابعد الحدود... دعواتكم💔

عبدو انسان جميل انا متابعو هو مهاجر مع والدته ووالده .وعلى ما فهمت والده ووالدته متاقلمين وحابين البلد وهو كمان .اظن سبب الفديو عمل بوم ومشاهدات لان عنوانه جزاب طبعا وممكن سبب اخر ان عند ا عبدو بعض المشاكل فى الكريديت اسكور بتاعو حصلت فى البدايات .اتمنى لك ا محمود وله كل التوفيق

بصراحة انا مسمعتش عنه غير ف قناتك دلوقت ياهندسة.

انت من كتر الاحترام اللى انت فية الواحد مش بيقدر يوجة لحضرتك اى نقض

الفلوس ما هي الا وسيلة الاهم عقلك و روحك و تجاربك ف الحياة الناس فاكرة التجارب يبقى كلام عن الشغل او انه قابل مصايب و مشاكل و و وووو انما التجارب هي ناس جديدة من ثقافات مختلفة التجارب هي اماكن جديدة تستكشفها وعايز اقول لحضرتك انت لو عايز تتفسح و تروح كامبينج و تخوض تجربة التعرف ع ثقافات جديدة و تجرب سيلينج و اوفرلاندينج و بوتينج و سولو سيرفيفال ف جزيرة مع نفسك و تعمل اللي انت عايزه و تستكشف المحميات براحتك عندك يولوستون و عندك .....مش عارف اقول ايه و لا ايه

بصراحة انا شايف مصر أفضل و بتتحسن و كفاية إنها بلدنا و ثقافتنا و حضارتنا العربية الإسلامية

الله يصلح حالك محتواك محترم استفادت منه كتير خصوصا في ملئ استمارة اللوتري

يا أستاذ محمود كل كلامك فوق الصح انا بنتي مريضه مرض نادر جدا ومش عرفه اعالجها عشان الفقير ف مصر بيموت من المرض والجوع الواحد فعلا غريب وفي غربه ف بلده للاسف الشديد

والله بنتعلم منك كتير .. ربنا يثبت المعلومات دي في دماغنا على طول ♥️♥️

أنت محترم والله أنا بحبك والله أنت مصطفى الحسيني وأيمن بيومي ربنا يبارك فيك ويحفظك

بجد قناة محترمة جدا جدا.. كفاية ذوق حضرتك و اخلاقك..

منطقي وتعيش بسلام مع ذاتك ولا يشبهك أحد ممن يلعب دور الضحيه 🌿✨ وهذا الشي يلي اشبهك بيه 🤝💕 أن شاء اكون ممن يهاجرون لامريكاو بحب للحياة

عبده التلاوي انسان محبط ولا يحب الخير للآخرين

يا اخي والله انا بقلب بصدقه في اليوت يوب شوفت فديوهات حضرتك انا لم بتفرج عليك واشوفك بتتكلم بحس براحه نفسيه والله ابن ملوك أو برنس بيتكلم وحضرتك عندك حق انا مبسوط انني اتفرجت علي حضرتك

انا مش عارف ازاي معرفتش حضرتك ولا شوفتلك فيديو قبل كدا تحياتي لحضرتك❤️ واضيف لكلامك ان كل كلامك صحيح عن المقارنه بين الحياه في مصر وامريكا صحيح 100٪

عنك حق اعلي مرتب ٤٠٠٠و٥٠٠٠ في الغلاء ده لو بطولك بتصرف4000بالعافيه

ما شاء الله حضرتك عندك بعد نظر الفكره وكل كلامك حقيقي

السلام عليكم أستاذ محمود أنا شخص إنطوائي جدا في بلدي وناسي فعلا بحس بالغربة وعاوزة أعالج المشكلة دي، فيا ريت حضرتك تعمل فيديو عن كيفية الإنفتاح على المجتمع وأن تكون شخصية إجتماعية بعلاقات جيدة ، وشكرا جدا لحضرتك

12:20👌👌♥️ كلامك صح جدا رغم ان حضرتك مش في مصر

استاذي المحترم المثقف الي بنتعلم منه ❤️❤️ والفاهم كويس

كلام فوق الممتاز من حد مطلع و فاهم .. شكرا ليك

كلامك رائع دخلت قناتك مش عارفه اخرج نلتقى قريبا اخى العزيز

طريقة تفكيرك حلوه جدا والكلام بطريقة منظمة ومنطقية استمر .

انت شخص محترم و فيديوهاتك جميلة استمر

كلام جميل بأسلوب سلس وطلاقة، الله يزيدك يا استاذ.، الله يفتح عليك.

والله يا استاذ محمود مهما اقول كلام حلو ف حقك بعد الفيديو ده مش هوفييك حقك بردو..ع كلامك العقلاني جدااا ده وابتسامتك واسلوبك ف الحوار.. وكل اللي حضرتك قولتو انا بعاني منه ف المجتمع المصري وعمري ماسمعت حد اتكلم فيه كده بالتفاصيل دي...الف شكر لحضرتك وربنا بتووب علينا عن قرييب ان شاء الله ❤🤲🤲

والله كلامك ينطبق علي تماما انا اريد اهاجر لسبب الحرية لفهم نفسي انا عايش 23 سنة في الجزائر و انا مافاهمش انا عايز اييه

انا كنت بتابع عبده ولكن ما عجبني افكاره وعموما ربنا يوفقه ولكن المهم انه اخذ الجنسية ومن الممكن بعد شوبة برجع تاني وده اكيد بس لما يشوف الحال وصل لفين ومنها يركب الترند بالرجوع تاني

على فكرة عايز اقول لحضرتك عن تجربة من حد ثقة ابسط حاجة انت لو عايز تعيش و تاكل اكل صحي فقط فقط شوف هتدفع كام ف الاكل بس ده لو هتجيبه مفهوش هرمونات ووووو

ياعم محمود، انا كتبتله تعليق لازع شويه من اسبوع وقولتله انه مواطن مأنتخ. هو من الاخر محوش بتاع 10 تلاف دولار يعني 150 الف جنيه مثلا، يقولك اصرف في الشهر 3000 -4000 جنيه في مصر يعني في السنه يصرفله بتاع 30k-40K يقعدله 3-4 سنين في مصر ملك عما الفلوس تخلص منه يرجع تاني امريكا يغسل صحون في نيويورك. واهو استريح من طحنه الشغل، لا في دماغه مزاكره ولا يعمل كارير ولا يطور مهاراته. عامل زي الي اخدله باسبور امريكي يطنطط بيه علي اصحابه والشقه بتاعته والده سايبهاله فامبيدفعش ايجار ويحول الدولار لجنيه وخلاص أنا كدا ملك ومبسوط، نظره سطحيه جدا يعني. المهم انت فديوهاتك فوووق ❤️❤️

والله انت قولت كل الي في نفسي فيديو فوق الرائع👌

ربنا يزيدك من نعيمه و فضله وكرمه وأتمنى الهجرة إلى أمريكا من زمان ، وبالذات من بعد ما تابعت قناتك ومحتواك زادت لهفتي للهجره ، أمانه عليك تدعي لي أفوز باللوتري عشان أحضى بمقابلتك يا بش مهندس يا أبو ضحكه جنان ..متابعك من اليمن 🇾🇪🇺🇲💖🌹😘🙋💐

مكتبة جميلة ماشاء الله ♥️ واللوحة برضو الكتابة سليمة، عقلك زي العضلات لما تدربه يصبح اقوي ♥️ انت شخص مثقف جدا ومحتواك مفيد 💙

Iam really glad that I came across this video and it’s crazy how the age gap between us and still the same I feel as you everything u talked about it feels like iam talking myself thank u for sharing this with us

تحية لك اخي محمود لقد تعرفت على قناتك منذ مدة قصيرة و قد سعدت بك و بالمواضيع التي تطرحها بل اوافق فيما طرحته . وأصدقك الحديث كلما استمع اليك اشعر انك تلامس أفكاري وحلمي في الهجرة إلى امريكا. وانا الذي تجاوزت العقد الخامس.تحية مرة ثانية لك اخي محمود . اخوك فارس ايوب من الجزائر

ااكد لك ان الوضع مماثل في كل بلد عربي.

You are good man

أولا أنا بحييك جدا علي كلامك مش عارف أقولك أيه ثانيا أنا أشتغلت في قطر فترة ١٢ سنة و النتيجة أنهم رموني فجآة وراحت كل حاجة و مخدتش لا أقامة و لا باسبور ينفع عيالي ثالثا بعد تجربة زيارة ٢٠ دولة منهم أمريكا في عمل و سياحة لفترات قصيرة أقدر أقول بكل أرتياح أن أمريكا مازالت أرض الأحلام و الفرص و الأن أنا في مصر بقالي حوالي ثلاث سنين تلات أرباع الوقت بدون شغل و ضاعت كل مدخراتي علشان بس البنتين الي حيلتي يعيشوا نوعا ما زي بره ( بالكذب طبعا) و أملي أهاجر بالذات لو أمريكا دعواتكم ليا يارب و كلامك صح في كل حاجة و الله و الله و الله أن كل كلمة حضرتك قلتها صح مليون في الميه مرة تانية دعواتكم ليه بتحقيق حلمي و شكا ليك ووعد لو أتحقق حلمي و هاجرت لأمريكا هجيلك مخصوص أزورك و أبوس دماغك

الفديو دا هادف جدآ استمر انا بحبك ❤️

أسلوب راقي ومحترم فى توصيل المعلومات

18:07 😭😭 😭😭😭😭😭😭 لله الامر.

استاذ محمود العزيز .. شكراً لك على وجهة نظرك وخبرتك التي لا تبخل بها على أحد ، وجودك واستقرارك في أمريكا لسنوات طويلة كفيل بتقديم المعلومات القيمة والنصائح السليمة للجميع لأنها نتيجة تجارب وخبرات طويلة، فآراء الناس تختلف في كثير من أمور الحياة نظراً لظروفها وواقعها ، ولكني أؤيد كلامك وأشكرك على ما قدمته سابقاً. أنا سبق وتواصلت معك منذ فترة قصيرة وأشكرك على ما نصحتني به في ذلك الوقت.

تحياتي القلبية سيد محمود سعيد .... من ليبيا فيدواتك محتواها جيدة جدا. أستمر

كلام مظبوط انا عايش باطراف نيورك تامين صحي بلاش ولا دولار بندفع ومدارس كويزه حسب المناطق والعمل متوفر بتحير أي عمل بتعمل

كل كلامك صح ياريت لو الواحد لاقي كل المميزات ف بلده لان اصعب ما ف الهجره البعد عن الأب والأم والأخوات هم النفس والأمان 💔

اذا كنت تريد الحياة الدنيا فهى امريكا و إن كان لك أهداف فى الدنيا و الآخرة فى فى اى دولة عربية إسلامية الوضع الان ليس على ما يرام ولكن دو ام الحال من المحال

استاذ محمود كل انسان ليه different standards for quality of life , انا معاك في اغلب ارائك عن امريكا بل انا ممكن اكون اكثر تعصبا واقولك ان السبب الاساسي لاني صعب جدا جدا ارجع مصر وهو سبب في نظر الكثيرين ممكن يكون تافه جدا هو الطبيعة , ايوا بس الطبيعة الجميلة الي موجوده في امريكا من اماكن خضراء وغابات وجبال وبحيرات وانهار واشجار , الاكسجين النضيف الي بشمه ده عندي بالدنيا كلها. هل الكلام ده استاندرد لاي شخص بالتأكيد لأ, حضرتك بتقارن الحياه بين مصر وامريكا apple to apple وده مع كامل احترامي لحضرتك مقارنه ممكن متكونش مظبوطه, الي بيحب يعيش في مصر شخصيته واهدافه وقياسة مختلف تماما عن الي عايش في امريكا , مبقولش حد احسن من حد , ده نمط حياه مختلف بالكامل , انت في امريكا عندك مشكلة بتكلم الشرطه علطول , في مصر عندك مشكلة بتكلم عزوتك اهلك واصحابك يجيبولك حقك , في امريكا ممكن جدا اصحابك يكونوا مختلفين عنك تماما دين وهوية وجنسية ومعتقدات , في مصر محدش بيصاحب الا الي شبهه بالضبط , في امريكا كل واحد في حاله , في مصر البلد كلها باصه عليك وعلي اهلك من اول البواب لحد جيرانك , في امريكا بتبعت مسج لاي حد قبل ماتكلمه , في مصر الناس بتطب فجاءه وتلاقيه علي باب البيت . هل امريكا احسن ولا مصر , it depends, الانسان الهادي المنطوي المنظم الي بيستمد طاقته كلها في التفكير والقراءه والرياضة والتعلم المستمر والعلاقات الانسانية واحترام الاختلاف بين البشر , امريكا هتكون ليه جنه وهينتج اكتر جدا في امريكا. الانسان الاجتماعي صاحب العزوه والنفوذ والمعارف الي كل افكاره وقناعاته وسلوكياته متوافقة تماما مع المجتمع المصري وكل الي حواليه شبهه بالضبط , هتلاقيه منتج جدا في مصر وحياته رائعة وبالتاكيد امريكا ختكون جحيم بالنسبة له. .تحياتي من سكرامنتو كاليفورنيا,باستمتع جدا بفديوهاتك أستمر.

حبيبى يابشمهندس والله كلامك كله دخل قلبى وشجعنى اكتر باستمرارى فى طريق الهجرة 👍

كل سنه وحضرتك طيب و رمضان كريم ..محتوي رائع وكلامك كله سليم

كلامك صحيح. ربنا يوفقك

كلام معقول ومنطقي جزاك الله خيرا

شوقتني .. كانسان عربي .. حر في بلدي.. يعني .. اتقابل معاك في الشارع و اشوفك كنت عامل ازاي قبل ما تهاجر بسنة واحدة.. ،😁.. خصوصا التاتو انت مابتخبهش و دا يعني انك بدون عقد سواء كنت راضي بيه او لا. الحياة تستمر مع الحرية .. محدش لوه عندك حاجة .. و داه ابسط تعريف للحرية .. ،🤠

انت دكتور جراح مش مهندس ده تشريح تفصيلى دقيق جدا للوضع فى مصر و خصوصا للسلوكيات الاجتماعية . تحياتى يا دكتور محمود مع العلم انى متابع برضو ل عبده على قناته هو انسان جدع برضو زيك يا بشمهندس محمود وبيحاول يوصل المعلومات للناس شكرا ليك وشكرا ليه وطالما الموضوعية هى اللغة السائدة ف الاختلاف في الرأي لا يفسد للود قضية .

14:00 quality 👌♥️

والله فيديو تحفيزي و ايجابي جدا شكرا كثير 👍

تقبل تحياتي كلام من ذهب

المواصلات غير ادميه زحمه وزق وفرم ولو معااك اركب مكيف أو اشترى عربيه تحتاج مرتب تانى عشان بنزينها

تعرف يا استاذ محمود ان الشخص الي رديت عليه في الفيديو رجع امريكا بعد الفيديو بتاع حظرتك ب8 شهور ، وعمل فيديو و في اول الفيديو قال انا رجعت بلدي سبحان الله توقعك كان صحيح جداً

لي يلوم عليه يروح يكرب ويشوف

انت حرفيا قولت كل اللي في قلبي ربنا يسعدك ❤️ وبإذن الله مسافر امريكا لو معرفتش هروح اوروبا وكده كده كلهم بلاد جميلة ومتنوعة الثقافات مبتحجرش على حد

ماشاء الله حضرتك راجل محترم و كلامك صحيح ممكن تتكلم عن الدراسة في community college و الدراسة عموماً

ان شاء الله الواحد لما يبدا يستقر و يعدي الفترة الاولى السنتين دول هيتنقل للكامبرفان و يشتغل ريموتلي هحاول اقضي 6 شهور في كل ولاية استكشف طبيعتها و ناسها و طريقة الحياة فيها و بعد الخمسة و عشرين سنة ان شاء الله هنقل للقوارب و ربنا يكرم ممكن اكنسل الولايات الشمالية لاني مش فان اوي بمناظر التلج و السقعة و كده ممكن تبقى بس تجربة سريعة شهر كده لكل ولاية منهم و خلاص و برضوا خلينا نشوف ما يمكن انا اتغير و احب التلج يلا..... بعد كده ممكن الواحد ينقل للسايلينج بس ربنا يستر.....

والله انا مش عارف اشكرك ازاي يمكن انت الوحيد اللى طلعت كل حاجة بصراحة وبدقة والجزء الخاص بالراتب ولو سنك صغير وكده والله والله والله دلوقتي مفيش فرق كبير او لا انا 23سنه ومش عارف اعمل اي حاجة حرفيا لنفسي وفعلا انا هنا متغرب والاسم في بلدي ،والله كلام كتير جدا بس ربنا شايف وان شاء الله خير ، اتمني حلمي أن شاء الله لو اتحقق اتمني اني اقابلك لانك سبب في حاجات كتيييير جدا وافكار اكتر ،حابب اشكر حضرتك و هشكر حضرتك تاني أن شاء الله لما اقابلك ولك كل تحياتي♥️ بجد شكرا ليك وكل سنه وانت بخير

كلام ممتاز وسليم ١٠٠٪؜ ان دل فيدل علي خبرة كبيرة في الحياة وتجربة تحترم. اتابعك من اونتاريو وسأتتي الي نيويورك الاسبوع القادم ان شاء الله.