اهلا بيك حالك هيكون فعلا افضل في التجارة بس محتاج في البداية تكتسب خبرة علشان تقدر تعمل شغل خاص بيك . قله البركة سببها انك بتسيب الظروف اللي تمشيك مش انت اللي بتمشيها يعني بتقول لنفسك دايما امشي يومي انهاردة وبكرة تفرج ده نمط يخلي حياتك واقفة علي اليوم بيومه . ركز علي ان الرزق اللي يجيلك يتقسم علي اربع اجزاء . 1- جزء منه لاحتياجاتك وتلزم نفسك ان ده فقط المتاح عندك وتمشي به 2- وجزء منه لالتزماتك 3- وجزء صدقة 4- وجزء منه متشال علي جنب ممنوع الاقتراب منه مهما حصل ويعتبر مش موجود هو فقط للمشروع الخاص لو رتبت نفسك علي كدة الرزق هيزيد والبركة هتشوفها في كل حاجة مش المال فقط وربنا ييسر لك امرك
ده راجع لوجود تعلق شديد بفكرة الملكية بشكل عام في حياتك بمعني : انك متعلقة انك لازم تنقلي للمكان الفلاني علشان حياتك تتحسن المكان طبعا جزء من التحسين ولكن التحسين بيبدء من جواكي الاول مش من المكان . ركزي علي انك تفكي اي تعلق باي شئ الملك كله لله واحنا كلنا ملك الله هتسألي نفسك انا لية متعلقة بانه لازم يكون عندي المكان ده او الحاجة دي ؟ اية سبب تعلقي ؟ بعد ما تجاوبي علي نفسك ادعي بسم الله الغني يغنيكي بفضله وابدئي بنية صادقة بفك اي تعلق وتعملي بالمتاح وفي محيطك تقبليه بدون ما تنظري اي نتيجة فقط استغني باللي في ايدك ومعاكي