هل ممكن أترك الحشيش والماريحوانا للأبد ؟ 

ياحظك بالاجر ماشاءالله كم شخص بسببك ترك المخدرات ماشاءالله.

‎🛑 الطرق الفعالة للاقلاع عن المخدرات من مدمن سابق 🛑 ‎كلامي بيكون طويل شوي اعذروني لكن الكلام مهم جدا و راح انشر الطرق هذي في اكثر من مقطع علشان الكل يستفيد و لي تعليقات سابقة عن المخدرات لعلكم شفتوها ‎انا شاب عمري ٣١ سنه كنت مدمن على كل شي ممكن يخطر ببالك لمدة ١٠ سنوات و جتني امراض نفسية بسبب التعاطي لخبطت نفسيتي و لخبطت حياتي لكن الحمدلله الآن صارلي سنتين مبطل مخدرات و شراب و حتى الدخان و وضعي أفضل من أول بكثير الحمدلله الطريقة هي كالتالي أولا قبل لا تسوي أي شي لازم يكون عندك عزيمة لو ما عندك عزيمة مستحيل تبطل خذها مني اختصرها لك من هلحين فالعزيمه أول خطوة، للاسف بعض بعض الشباب ما يبطل الا اذا وصل للقاع او الحضيض وانا منهم و البعض ما شاء الله يلحق على نفسه من بدري يحاول و يحاول و يحاول يبطل لين ينجح انا اتمنى من الي يقرأ هالتعليق انه ما وصل للحضيض بسبب المخدرات و لو وصلت لهالمرحلة اقولك عادي تراك منتب لحالك انا سابقك بهالشيء و صفقتني الحياة تصفيق من سجون لمصحات لجنون لحوادث لتشرد لتظييع فرص وظيفية و دراسية لمحاولات انتحار و جرعات زايدة بغيت اموت فيها و انسرقت كثير وظيعت اغراضي و خسرت ناس طيبين بعت سيارتي بسبب المخدرات كانت وكالة اخر موديل و انضربت مرة خارج السعودية و انا متعاطي لدرجة جلست ساعات ما اعرف لا الزمان ولا المكان الممرضه في الطوارئ تقولي انت في المكان الفلاني و اليوم الفلاني تقولي كرر انا وش قلت لك اقولها مدري نسيت مع محاولات كثيرة و ملابسي كلها دم و خاطوني بكم غرزة هذي نبذة عن حضيضي و كثير وصلوا للحضيض لعلها خيرة خلتني ابطل و خلتكم انتم تنوون تبطلون،، المهم مالكم بالطويلة انا قلت قبل اول خطوة العزيمة لازم تكون موجودة علشان تبطل الشيء الثاني هو انك تحذف جميع ارقام البياعين و المتعاطين الي تعرفهم و (( تغير رقمك )) اذا ما سويت هالشي فأنت جالس تكذب على نفسك هالخطوة هذي اهم خطوة ضروري تسويها، طيب هلحين نجي للخطوة الثالثة و السؤال المهم الي الكثير يتسائل عنه هل تبطل من نفسك ولا تتعالج في مستشفى ؟ شوف هنا الوضع يختلف شباب كثير شدوا حيلهم و بطلوا بدون علاج و هنا اقولهم ما شاء الله الى الامام اذا قدرتوا استمروا اما العلاج في المستشفى او العيادة النفسية هذا اذا كان عندك امراض نفسية نتيجة التعاطي او غيرة يعني زي اذا عندك قلق او اكتآب او رهاب او وسواس او ارق او تقلبات في المزاج او عصبيه او ذهان يعني هلاوس او شكوك او اعراض انسحاب متعبه و من هذا القبيل هنا اقولك روح تعالج ضروري بعد خصوصا تحتاج علاج اذا كان لك سنوات طويلة تتعاطى و بكثرة او اذا كنت تأذي الاخرين او حتى تأذي نفسك هنا اقولك ضروري تتعالج عند مختصين سواء كان في مستشفى الأمل او في عيادة خاصة، طيب نجي هلحين نقول لو تلخبطت نفسيتك و جتك امراض نفسيه و قررت تتعالج في المستشفى انا انصحك تروح لمستشفى حكومي في بلدك زي عندنا في السعودية مستشفى الامل اكون صريح معاكم المستشفى مب ذيك الزود يعني مش حالك لكن ميزتهم انه كل شيء ببلاش ادوية ببلاش جلسات مع طبيب ببلاش و مع معالجين و مرشدين كله ببلاش بس لا تتحمس كثير لانهم عاديين مو كويسين ولا سيئيين، لو تبون نصيحتي روحوا لمستشفى الامل في الطواريء بيعطيك الطبيب دواء حق اسبوع واحد فقط ما راح يفيدك و ما انصحك تاخذة بعدها بيقول لك رح احجز موعد في العيادات الخارجية (( في وقت الدوام الرسمي )) بيقولون لك اقرب موعد بعد ٦ شهور المواعيد بعيدة هذي مشكلتهم قلهم اوك تمام احجزوا لي بعدها اطلع من عندهم و رح لعيادة خاصة عند اي طبيب يكون على نفس جنسيتك افضل علشان تفهمون لبعض و تعالج في العيادة الخاصه لين يجي موعدك في الحكومي و راجع في الحكومي اذا جا موعدك عندهم و اذا عندك واسطة تقدر تقرب موعدك في الحكومي يكون كويس مستشفى الامل عندنا كلها واسطات، فيه برضه عندهم تنويم ٢١ يوم هذا يسمونه سحب سموم يعني يبعدونك عن المخدرات يعزلونك هذا برضه يبيله واسطه للأسف فيه مستشفى دله عندهم تنويم لكن خاص بفلوس و فيه مركز اسمه قويم عندهم تنويم برضه بفلوس ذولا في مدينة الرياض هلحين بالسعودية صاروا يفتحون مراكز اعادة تأهيل خاص اول كان فيه بس مستشفى الامل فقط هلحين فيه مراكز خاصه كثيرة ابحثو في قوقل ان شاء الله تحصلون في مدينتكم لو حابين برضه سمعت قبل اسبوعين انهم بدوا يعالجون الادمان في المستشفيات العامه بحدود ٥٠ مستشفى حول السعودية لكن مدري اذا طبقوها ولا لسى و فيه منزل منتصف الطريق عبارة عن بيت تسكن فيه تابع لمستشفى الامل تجلس عندهم تتعالج لمدة ٦ شهور لكن ما يعزلونك تقدر تطلع تروح و تجي و هذا الطبيب يقرر اذا انت تحتاجه او لا في العيادات الخارجية،، اذا بديت تراجع في مستشفى او عيادة ضروري تراجع عند طبيب نفسي و هذا شغله فقط يصرفلك ادوية مو شغله يسمع لفضفضتك او يعطيك حلول او يرشدك هذا شغل الاخصائي النفسي يعالجك بدون ادوية ينصحك و يسمعلك و يحاول يساعدك معنويا انا برأيي انك تراجع عند اخصائي نفسي في البداية تستمر معاة فترة اذا حسيت انك استفدت فخلاص ما يحتاج طبيب اذا والله لسى تحس انك تعاني استمر مع الاخصائي و روح لطبيب برضه يصرفلك دواء يعني روح لهم كلهم اثنينهم الطبيب و الاخصائي لكن لا تروح للطبيب اول لانه على طول بيصرفلك دواء، و فيه الخطوة الاخيرة هذي لو كنت تتعالج في مستشفى او بنفسك عادي يصلح للكل فيه زماله اسمهم زمالة المدمنين المجهولين هذي زمالة تأسست عام ١٩٥٣ ميلادي موجودة في اغلب دول العالم حتى موجودة عندنا في السعودية من فوق ٣٠ سنه لكن للاسف القليل يعرفون عنهم الزمالة عبارة عن مجموعة مدمنين يعينون بعضهم لبعض للاقلاع عن المخدرات يسوون اجتماعات في مواقع مختلفة في بعض المدن و يسوون اجتماعات اون لاين في تطبيق زوم مرجعهم كتاب اسمه الكتاب الازرق فيه ١٢ خطوة تطبقها علشان تتعافى من الادمان و تبدا حياة جديدة خالية من المخدرات شرطهم الوحيد هو رغبتك في الامتناع عن التعاطي،، كل واحد حاب ينضم للزمالة او يبي ياخذ نظرة عنهم اكتب في قوقل زمالة المدمنين المجهولين و راح تحصلون روابط حاطين فيها ارقامهم و وسائل تواصل لهم اقروا عنهم في قوقل برضه لو حابين تعرفون اكثر عنهم، ولا ننسى الرياضة و الاكل الصحي و النوم الكافي و الاهم من هذا كله هو (( الصبر )) التعافي و العلاج و الاعراض الانسحابية كلها يبيلها صبر يا جماعة لا تستسلمون بتتحسن الاوضاع صدقوني عطوا نفسكم فرصة، يالله يا أحبابي ما تشوفون شر يا رب و اتمنى لكم حياة سعيدة خالية من المخدرات و انتم قدها بس يبيلكم تفتحون صفحة جديدة في حياتكم و تشدون حيلكم شوي و ترا محد بيقدر يساعدكم قد ما انتم تقدرون تساعدون نفسكم فمان الله يالغالين الملتقى الجنه بإذن الله🌹

الله يسعدك ويثبتك ويبعدك عن طريق الشيطان

الله يوفقك ويثبتك ويشفي جميع يارب

والله فيدوهات الي تنزلها ...ساعدتني كثير واتمنى تساعدني اكثر....

شكرا على الحلقة

صدق ايهام لما قال انو انت مميز عن التانين يلي بيحكو عن الاقلاع لانك تحكي عن تجربتك وواقع وهاد الشي حقيقي الله يبارك فيك

وانا كمان صار ماعي نفس الشي ....... الله يوفقك استاد سعد بالركة الله فيك

الله يثبتك

اللهم أغفر لنا و اعف عنا و ارحمنا يارب العالمين برحمتك و بفضلك ياكريم و الصلاة والسلام على سيدنا محمد وعلى آله وصحبه أجمعين عدد خلقه ورضا نفسه و زينة عرشه ومداد كلماته

الله يثبتك .

والله اني اتابع والصاروخ بيدي الله يعصمنا عن كل مكروه

شكرا استاد سعد

بالتوفيق ان شاء الله

الله يوفقك ويثبتك ويسرها معك يا رب❤ عاش وكفو وانت واحد زلمة ع اتخاذ قراراك 🎉👌🏻

اللهم طهر قلوبنا و استر عيوبنا و اغفر ذنوبنا و اشرح صدورنا و احفظ أحبتنا و اكفنا شر ما في الغيب و اختم بالباقيات الصالحات أعمالنا و أعمارنا ، اللهم صل وسلم على سيدنا و نبينا محمد .. ⚘️

السلام عليك اخي الطيب هل ممكن ان اتواصل معك جراك الله خير

سعد انا بضيع انا بنام أفكر في العاده السريه أقوم أفكر فيها بجد تعيبت انا وصلت لي حاله اني ولا شغال ولا بروح في حتا وحساس اني مش عارف اخروج من البيت سعدني يا سعد

ربنا.يهدينا.انشاءاللهً.وكلامك.كل.صح.وحتي.الترويج.عن.البنقو.وفهمك.للمخدر.دا.الطبيب.ذات.نفسه.لا.يشرح.لي.الي.بكل.الحكي.عموما.الله.يكرمك.وكثير.الشكر.الراستا.ايهاب.وان.شاءالله.النية.قادمة.للاغلاع.عنه.من.السودان.سلام.وكل.عام.وانتم.بي.صحة.جدا.يارب

ادعولي الله يثبتني

السلام عليكم اخي بدي مساعدتك

السلام عليكم

كنت wake and bake و لله الحمد السنة الخامسة بعد ادمان تقريبا ٧ سنين و الحمد لله الان كل مرة بدخن فيها نفس نفسين بتنكد بطلت احكي مع الشباب الي بدخن و الان الحمد لله صحي و و في check من الشغل 😅

انا محتجلك اوي انا انسان مدمر وحياتي مدمره بس بالله عليك انا تعبان نفسيا اتمنا ترد عليه دروري

انا تركت المهلوسات ياخي سعد عندي عشر سنوات وانا اتغطى ولاانا انا حبست عندي 40يوم ادعولي ما ارجع انا اعني من اكتاب لكن بدا يخف لكن لاانام

slm i need your help

انتا لما تتواصل مع اصحابك حرج عليهم ما حد يعرض عليك نهائي واللي بعرض علي دخان بزعلو وكون جدي معهم .

انا بطلت ليريكا وتدخين السجاير مزال ادمان الحشيش

الاخ سعد معليش عندي سؤال ( من الاساس ليش وكيف ومين يقدر يدخلني في المخدرات الا إذا انا اريدها )

انا كنت مدمنت حشيش

الاصبع كم قرام ؟ هل هو نفس اللي عندنا من ٧ الى ١٠ قرام تقريبا ؟

مدمن جديد ناوي يبطل

٤٠ سجاره يعني ٢٠ صاروخ لو انك بوب ههههههههههههههههههههههههههههههههههههههههههههههههههههههههههههههههههههههههههههههههههه .

باليوم خمسين ستين سجارة هذا واحد كذاب مع احترامي للجميع

هل طبيعي اتفرج وانا عم حشش 😢

ادخن مرجونا من عشر سنوات لليوم ماقدرت اوقفها ولايوم حتى مره صابتني كورونا وبقيت احشش

انا مولع الحشيش 😄

ضيفني

يا جماعة أرجوكم تفيدوني . أنا الآن أساعد شخص أقلع عن الحشيش ولكنه لا يأكل ولا يشرب . وأخاف عليه من عدم الأكل فماذا أفهل أرجوكم

ياخي تكفى غير نظارتك

إبن خالي مدمن مخدرات وألتجأ لي لأساعده ماديا لم أستطيع صده كان يبكي بشدة نظرا لوجوده وحده رغم إخوته فقدان والده ألمه كتيرا وإخوته لاعلاقة، ماذا أفعل أخي سعد قال لي أنت أمي وأبي مع العلم هو بلد وأنا في بلد شكرا.

اعوذ بالله حق راسك في اليوم الواحد اصبع !!! كارثه و مصيبه اجل الكيلوا مابيكمل معك ٣ اشهر ،

40 سيجارة كذاب متميز😂😂😂 قصدك 40 سيجارة عشب الاخضر للبقر هههه مو حشيش .. الحشيش يا بني ماتقدر تكملو يعني حتى وصرت مدمن ماراح تستطيع تجاوز 10 سجائر يوميا يا بني 😂لي