سلام عندي مدة نتبع في قناتك خاصة les vidéo s من هذ النوع اعجبتيني في انتقاءك للمواضيع وكيفية الطرح اللي تبين انك انسانة عميقة وفاهمة وفي نفس الوقت جمعت مابين تربيتك ماشاء الله الي باينة سوية وبين اطلاعك وثقافتك كا مراة ما هيش سطحية واشنو حبيت نقولك لاني مدركة تمام الادراك انه التصنيف الي ذكرتيه والاسقاط الي عملتيه ماراحش يلقى الفهم الوافي من المتتبعات ونضن راح يجيهم فلسفي بسبب التسميات ولانه اغلب النساء اليوم ومنهم انا تودرنا مع الخدمة والاولاد والمسؤوليات ويضا مجموعة اخرى مت النساء قاعدة في الدار سواء كانت قشرة رمانة اورمانة مبعثرة ...في نظري هم اصحاب فكر محدود للاسف انا نشوف انه لازم نفهموا جميعا هذ الفيديو مليييييح ونحاولو جميعا ننفضوا الغبار علينا ونحيييو انوثتنا .....ونوصلوا حتى وين نخليوا رجالنا يشفثوا علينا ويعاونونا في المسؤوليات ...لاولاد ...الاعمال المتزلية لما لا ....واهم شيء نوصلوا لهذ المستوى بدوووون عياط او زعييق ....لازم نوصلوا بانوثتنا واكيد عقولنا ...استسمحك في الحكم على المتتبعات هدي تبقى وجهة نظري فقط. سلام
يعيشك ختي انا راهي عياتني الدنيا وراني نحوي على وحدة نفرغلها قلبي راني هيئة ورجلي مفهمني همو في الدنيا هذي غير مو وخوتاتو انا ميدنقش في طول باه تنصحوني
@@kokodada4022 رمضان كريم ليك وللمسلمين جميعا....لانه عواشر قلت نرد عليك بالشيء الي انا مقتنعة بيه ...نقولك حاجة ديريها مليح في راسك ..اغلب الناس خاصة اليوم راهم في هم وغم ..وكل واحد كيفاش جاته ولا واحد لقاها كيما يحب ...اما بالنسبة لولد امه واش ديري معاه ...حاولي تصاحبي يماه قد ماقدرتي هذا اذا كامت انسانة مليحة راح تلين وخاصة اذا كنت انت المبادرة في الملاحة ...حاولي تدعي ربي يلين قلوبهم عجوزتك وخواتات راجلك والمهم ماتكونيش ظالمه والله مع الوقت راح تتبدل الامور صدقيني في هذ الدنيا كما تدين تدان ولو بعد حييين ...ربي الي يصلح الامور ما هوش حنا لذلك خلي ثقتك في ربي كبيييييييييييييييييرة وقدامك فرصة من ذهب في رمضان تصومي وتدععععععععععيى....وحاجة اخرى تجاهلي حاجة شفتيها وحاجة ما سمعتيها ......حتان يفرج ربي. نتمنى تكوني فهمتيني
يا ختي الانوثة معندها حتى علاقة بالوزن و الجمال الانوثة هي فطرة لازم تكون في كل نساء بصح بسبب التربية لتحمل داءما المراة المسؤولية بزايدة راحت، نعطيك مثال شفتي هذاك الراجل ليتزوج على مرتو بوحدة لا زين لا لاطاي لا والو و ديما نحصلو في كاشما دارتلو امالا هذا هو الجواب الانوثة فيها سحر كبير وراقبي لونتوراج تاعك تفهمي
نستعرف بيك اختي فطيمة 👏👏👏 والله ديري واش ديري أنا متزوجة خمس سنين مهندسة و نخدم و ثلاث وليدات أكبرهم أربع سنين و اصغرهم شهرين نسكن في ولايتو وحدي على خاطر هو في الجيش درتلو دار نبات نعس من الخوف على ولادي ندير في كل شي و في لخر يقول لي واااااش راكي ديري 🤐🤐🤐 نقطة إلى السطر
ههههههه ههههههههه تولي رجولة 😂😂😂😂 ربي يفرج عليك ختي صح كل واحد وظرفه ومشاكله كاين ناس مهنية وبزهرها الله يبارك وكاين ناس مصايب الدنيا فوق راسها من كل ناحية ربي يجيب الخير برك
كلامك صح يا امال بصح نقولك حاجا كل مرا وزهرها تكون تتهلا فروحها وطيح مع راجل يقدر هذا الشي تكمل هكذك واذا طاحت فواحد ميفهمش وزيد التربية والعايلة تطلق خلاص وتكره تولي شبه انثى
سلام ختي انا مين داك نتبع واش تحطي ماشي مشتركة لكن شفت الفيديو تاع داك النهار وهذا حبيت نقولك حاجة راكي تهدري على الظروف العادية وكي يكون الراجل نورمال لكن حنا مجتمعنا غير معظم الرجال معقدين موسوسين و مايحبوش نساهم يتفوقوا عليهم في اي مجال وخلي مساكن النسا لي دات واحد زاوالي تخمم في الخبز والحليب وين يا تروح للعطر ولي يضربها ولي يزطل ولي يسكر وخلي وخلي نصبحة ختي لي عطاه العاطي حتى الجبال طاطي واش راكي تهدري ماشي قاعدة عامة تطبق مع جميع الحالات وفي جميع الاحوال
اهدري شوية مع الرجال علميهم كيفاش كان الرسول عليه الصلاة و السلام يتعامل مع نساه كيفاش كان يغازلهم ماشي حنا نهار كامل وحنا مع الشغل التربية المسؤولية كل حاجة منين تجبد فيك و زيدي سقميلو روحك كي يدخل انتي ميتة بلعيا و لازم تضحكيلو و لازم ترضيه علاه هدا كامل نضرب عمارو بركلة نجيبو برا عاشور العاشر
تحياتي ياحبيبة كل واحد كيفاش عقليتو وتاني كثرة المشاكل تخلي كلش راح حتي وكنتي تحبيبه ويبادلك الشعور مي كتلقاي روحك وحدك مكاش اهتمام منو حتي تعملي واش يحب ومتلقايش دعم مثلا انا عندي 10سنين زواج معنديش ولاد كل نهار قاعدة وحدك وهو بري كي نطلب نخرج مكاش نخدم باه نفوت الوقت مكاش ندير مشروع في دار ميدعمنيش وكل خطرة ندابزو نورمالمو يحس بالفراغ الي تعيشو وها يخلي الراجل يلعب دور كبير هو يتهلا فيها يغزلها المرا تحب راجلها يشكرها يدعمها يكون كلش بانسبة ليها ختي الهدرة والعيش في الواقع مش كيف كيف
Mimo Linda واه اختيانا تاني راجلي مهبلني واناني ومكانش اهتمام الا خرجة لا مصروف لا كلام حلو .يهدم زوجته بتصرفاته وكلامه والمشاكل بزاف يقضو على الحب.الاخت امال وقيلة معندهاش عجوز وسلافات😕
امال راك غالطة موافقة تعجبيني ولكن في هذا المواضيع سامحيني لوكان عشت ظروف شي ناس تروحلك الأنوثة و الانسانية و الحياة كامل الله المستعان ممكن انت ظروفك احسن من ناس بزااااف علابيها تشوفي الدنيا هكدا و لكن راك غااااااااالطة
انا عندي عامين زواج و راجلي ماشي مقيمنب ماعلابالوش بيا يشوف فيا خدامتو برك و مانحكيلكمش على الظروف القاسية تع الضرب و الاهانة و تع دارهم و كل انوع الجرح و الكلام ، يعني هي هدي آمال مرتاحه ف دارها كاين حب و توافق بين بين زوجها ربي يكملها باسكو راجلها مليح و مش قاع رجال كيفكيف ، انا بعد ما تزوجت تقلب عليا قاع رغم انو ماخصني والو و صغيرة عليه ب 10 سنين و كلش و يزيد يخونني من فوق ، ايا وش تقولوا في حكايتي ، سمحولي بصح كي نشوفها تحكي هد المواضيع تغيضني عمري دوك نديزابوني من عندها ماشي باسكو حسدتها مي باسكو مانحملش ، ربي بوفقكم قاع
انا ياختي امولة كملت مع انوثة في شحاااال تزوجت زواج تقليدي و تبذلت حياتي الى الاسوء هملت روحي بعدما كنت نحب نلبس ونعيش تبذلت الراجل هو لي يحسك بهذ الشيء فالحشية انا راقده وهو يتفرج افلام +18 صاي كرهت كل حاجه فيا ماتت للأسف
Comme d'hab Amel je te jure que tu es une source de motivation et tes vidéos sont très utiles pour nous les filles et les dames merci et j'attends des vidéos avec une patience
مساء نور يا نور ربي يشافيك ويعافيك حنا الي رانا نحبوك رانة فهمين وش راكي تهكي وانا شخصيا راني نستفاد منك اما هذوك الي يحبو ينتاقد و لمجرد باه ينتاقدو متعيشلهمش. انا الباتنية.
سلام عليكم انا عندي 11 سنة زواج وما نعرف اذا هاد المدة كافية نمد نصيحة نعتمد على احترام نفسي بزاف ونبعد روحي من اي موقف يعرضني للاهانة ولا فيه احراج حتى لغيري ونفس الشيء حتى مع علاقتي باولادي وربي يدوم علينا الستر
شوفي اختي آمال انا من النوع الثالث بصح نحب روحي وعندي رغبات وكملت قرايتي وخدمت وجهزت روحي وتزوجت وجبت اولاد بصح كي وليت إمرأة فحلة وقفت مع زوجي بصح هو ملقدرش هاد الشئ بالعكس ولفني انا لي نضحي ونسوفري حتى طاحت صحتي بسبب المشاكل مع ماليه وااااااعرين المهم ولاو يعايروني علجال واقفة مع ولدهم الزاوالي كي يكريلي دار تكون اقسم بالله ڨربي حتى وليت نتخنق ضيق نفسي ودك وليت azmatik
Hamid. Hamid صباح الخير اختي انا ثاني كرهوني في ولدهم والله ندمت كي تزوجت بيه ولي يشوفو من الناس يخبط وجهو يقولولي علجال هادا راكي تسوفري نتي خير منو مليار مرة شكلا ومضمونا اقسم بالله العظيم ماكانش لي نقعد معاها ماتحبيميش وتمتم ندير اصدقاء ومحبي الناس نفرح نهار باب داري يدقدق بصح زهري معاهم الله غالب بصح بعدما عشرتهم وشفت الويلات منهم قتلولي ولادي واحد في كرشي ولاخر بعدما زاد وفرحت بيه دار في عمرو شهر مات طبيب شرعي قال لزوجي مات تسمم غذائي بصح انا ولدي رضع من صدري وحاجة مانمدهالو غير صدري ومعقم كي قاتلو واش فوت في فترة الحمل بيه من مشاكل هبلوني وكسرولي في باب شمبرتي وااااااعرين هبلو كي سمعو بيا بالحمل خاصة عجوزتي وبنتها لي متزوجا وعندها زوج دراري وربحت كونكور اساتذة ولات تقري وجابت راجلها من بلادو بعداتو على يماه وماليه وسكناتو في دارهم ولات هي لي تتحكم فينا كي متحملتش واعرتهم جابوها عڨابي وزوجي زاوالي والكراء بزااااف غالي حكايتي حكاية ماجا يخرجني من ثم خرج عمري ودك كرالي دار بعيدة كامل عليهم بلاد اخرى بصح ديما وحدي يجي غير في ويكاند وخطرة طاح علينا انا وولادي صقف تاع الدار والبارح زاد طاح علينا ديما تصرى بيا كوارث ونا وحدي حرام عليهم ولى راجلي مبعدني برك خايف عليا انا الحمد لله بعد ماتوفى ولدي خرجني من عندهم وولدت بطفلة وسميتها أميرة وماسك عوش بيا بعدما زادت وكبرت قاللهم هبلو واقلو ياحننانة مرتك وعارت ولات تهز الكرش بالسرقة قتلو على جايبتها بالحرام ؟!واختو لي قتلك عليها كي سمعت زربت هزت الكرش المهم منافسة معايا ههههه زعمة معلمة هههههه انا طبيبة نفسانية ماينفعش معاهم العلم لي فربتو ولاو يقولو عليا لدليلة ومن غيرتهم مني لاني ناجحة في خدمتي الحمد لله ماكانش لي يجي عندي ومايحسش بالراحة حتى الضياف برتاحو معايا لان قلبي اقسم بالله طيب وحنين بصح دك زمان علمني نعرف مع من نحن ومع من نكون طيبة اختي ارجو منك اسمحيلي طولت بكلامي هاد ودخلتك في همومي إدعيلي بسكنة وإدعيلي يهديلي زوجي راهم واعرين ماشي غير معايا حتى نسا خاوتهم لخرين هك ومايتحملوش يشوفونا متفاهمين يروحو لكل وحدة فينا ويفرقونا على بعض خطرة قلتهالهم عيب عليكم تفتنو مابين زوج حرام عليكم قالولي روحي نتي لي ماشي إجتماعية جاوبتهم قلتلهم مادامني معاكم راكم تفيقو بأي وحدة صاحبتها تروحولها تعمروها عليا حتان تجبد مخلوقة روحها نتوما مرضى مهابل روحو داوو رواحكم ضحكو بإستهزاء وخبطو الباب في وجهي بلعاني باش نبقى وحدي ونتوسوس وليت كي تعيطلي اختي في تيليفون ايييييه واش يصرى يهبلو ويغيرو يهجمو على شمبرتي باش يضربوني ونولي نترعد ونعيط لزوجي حتان وليت منقدرش نقعد في شمبرتي وهاد شي دارلي كوزينة ودوش وبابي لي نخرج منو وحدي بصح كي ولات دار باطيما يسمعوني حيط واحد يعني في وسطهم نسمعهم وگأني معاهم وهما كيف كيف شمبرتي في وسط دارهم
Hamid. Hamid ربي يجزيك أختي أمينة والله ريحتيني وانا أمنيتي نكمل ماجستير ودكتراه بصح زوجي وعدني كي نتزوجو نكملهم ومن بعد كذب عليا نكر قالي ماقتلكش ااااا انا دك عندي طفل وطفلة الطفل هو الكبير وأميرة هي الصغيرة بصح قاعد الخوف مرافقني خاصة وزوجي يفوت السمانة كامل عندهم ويجيني غير في ويكاند
Hamid. Hamid ايه أختي صح عندك مليون حق بصح الدار لي كاريينها ولينا في الخطر كل مرة سقف الدار يطيح علينا وانا ولى عندي اl'azme نعيا نتنفس كون مانديرش الفشفاشة ندوخ وولادي ينخلعو على هك غاضني الحال حابة يكون زوجي معايا فهمتيني قالي راني نحوس على دار قدام في البلاد لي يخدم فيها بصح مالقاش غااااليين قالي ومانقدرش نكري على هادي راني هك والله البارح زاد طاح السقف علينا وانا وولادي واقفين خبط في كتفي واميرة نلعب فيها في جعلولة نتاعها حماها ربي هي وولدي كان معاها يلعب
Hamid. Hamid ربي يحفظك ويجازيك ويعطيك على حساب قلبك كلمة هادي منك تسوى عندي دنيا و مافيها كون نلقى برك دار وين يخدم زوجي للكراء تكون دار نظيفة ندكو رسانا فيها تكون كراءها معتبر هاداماكن وربي يارب ينوب علينا بسكن يارب في أقرب وقت يارب والله تمرمدنا من الكراء غالي وفوقها نخلصو في الوقت وساعات قبل الوقت بأشهر نزيرو على رواحنا مهم نخلصو بصح زهنا ماعندناش ديما مول دار يستغل فرصة يخرجنا بكذبة يا رايح يبيع الدار حتان نسمعو بلي كراها لغيرنا وزاد في السومة الكراء ولى يقولنا اخرجولي من الدار لاني رايح نزوج ولدي وكيف كيف كي قلت لراجلي اكري في ديار سبيسيال للكراء قالي شهريتي ونزيد عليها باش نكريها وزيد والله طارو بيهم غاليين وماصحتلناش انا تعاركت معاه قتلو راك تخون فيا مالى عليها كل مرة تمدلي في الراشي قتلو كيفاه ورڤلة كامل ملقيتش الكراء قالي مانكريش في بلايص وخلاص قالي نحوس قدام خدمتي وقريبة على الاقل من خدمتي
Hamid. Hamid ربي يحفظك يارب والله انا دك نكتبلك اقسم بالله زاد طاح علينا السقف قلبي حبس ولدي بايت يحلم بالكوشمار يعيط من الخلعة هاد السقف راشي كل مرة يطيح مالف يطيح بصح يطول خطرة اخرى يطيح بصح البارح قعد كل مرة يطيح واليوم زاد طاح كل مرة يطيح طرف والله قلبي حبس انا اليوم في ليل زوجي يجي إنشاء الله يجيبو على خير انا بصح زعفانة بزاف منو حاسة ماهوش حاس بيا انا لي يطيح علينا السقف وهو ديما غايب سمانة هادي كامل ودموعي على خدي وزاد عليا الحال صدقيني ماكالة منيش قادرة تفوتلي نطيب اولادي أختي كيفاه تتصلي بيا كون زعمة تلقايلي دار للكراء بصح خايفة يصرالي كيما قبل يخرجنا مول الدار نحلفلك غير اقسم بالله غير نخلصو في الوقت اصلا زوجي يخاف من الدين وساعات يخلص à l'avance
ههههههه واش ريحتي من التعب تاع العرس هههههه لوكان ياحبوبة نقولك حاجة ماتأمنينيش علابالي يصح نقولهالك والله يالعزيزة صدقيني ثالمو ديما جابدا شعري ومفحفحة بالروايح والمكياج نحط حاجة خفييييييفة برك ونلبس الحطة ...راجلي رجع لوكان يصيب يشوفني ماش لابسة مليح وماش ماشطة وروماركيت عليه نهار مانلبسش ومانقدش روحي تلاقيه فرحان وعاجبو الحال هههههه نعرف دوك كامل مايأمنونيش بصح والله واش هدرت كامل اني صادقا فيه يسمى المشكل ماهوش كامل من المرأة الراجل تاني راهو داخل فالحكاية المهم ربي يسهل لكل وحدة 🍓🌺🌺💐💐
Chaima Mimita يااااه والله غير راجلك خو راااااجلي انا تاني توجوووووغ كلاس كي يشوفوني اناس يبقاو مخلوعين حتا يدربوني بعين صحيحة والله مراني نزيد عليك كل ما نمرض او يجو ناس يطلو عليا يقولولي بفمهم "ياختي نقصي شوية على عمرك نتي تاني كل خطرة نلقاوك بلون في شعرك كل خطرة كوب جديدة كل عرس بلبسة......راكي جيبي لعين لروحك"هادي هدرتهم او راجلي معلابالوش كاااامل او كي نروح نضيف في دارنا نشري لبسة جديدة او نروح للحفافة كي نولي نوووووورمال كشغل شئ عاااادي او نهار ليلت لعيد نكون مع لحلوى او لميناج او شعري مطموم يقولي دوك اجي ههههه انا صراحة قلتهالو قتلو تحب لعفن او تحب تمرميد قالي ايه نحبك هكا وسؤال يبقى مطروح؟؟؟؟؟؟؟؟؟؟؟؟ مامعنى هادا؟؟؟؟؟؟ واي فهمت تفهمني ...ههههه
حبيبتي آمال بارك الله فيك انشالله ربي يفرحك و يفرحنا زادة . أنا متابعة جديدة ليك فدتيني بزاف . و مزال انشالله نزيد نستشيرك في أمورات زوجية لأني عندي بعض المشاكل . نعاود نشكرك على معلوماتك
اختي امال كلامك مليح لكن صدقيني ما يصلحش مع جميع الرجال انا قبل ما نتزوج كنت نخمم كيفك اني نكون انثى مع راجلي ولكن الواقع ماشي كيما الخيال انت ربي رزقك برجل متفهم علا هاديك انت تهدري كيما هك كون طحتي في راجل صعيب و يتحكم في الصغيرة و الكبيرة كون كرهتي حياتك مالا احمدي ربي و خلينا احنا في خلينا
Merci bcp mes ces informations wlh ça m'a appris bcp de choses lah ybarek 3lik , pour remanat Mdr Ena romana kamila hamimra w dakhel m3amra b heb , bonne continuation :*
لما فتحت الفيديو سمعتك تكلمت على الفيديو السابق..رحت شفتو باش لما نشوف هذا نفهم على واش راكي تهدري..انا مشتركة جديدة في القناة..ادعو الله لك بالتوفيق..
سلام اختي انا كنت نماكيي نلبس ونتهلى في روحي لقيت راجلي ميقوليش راكي شابة هاذي جات عليك ميخزرش كامل فيا ايا وليت كامل منماكييش زيت مع المشاكل تاع العجايز ودراري نسيت وكرهت كل حاجة
ياودي مع الذراري ماكاين حتى انوثة 😂😂😅دخل راجي على غيلة لقاني دايرة حلة مع وليدي ،،،ابست في بلاصتي وهو يعكر😤فيا والله حشمت حتى بديت نتلفلو ونقولو زعفني زعفني قالي بالاكي ازيدي ترفعي صوتك 😑😭😂😂😂استغفر الله
شكراااا امولة والله صوتك مريح و كلامك مقنع و عندك حق في كل لي قلتيه و لي تحب تتاكد من صحة كلامك قلها تروح تبحث في قصة خلق رب العالمين لامنا حواء علاش خلقها اصلا راح تفهم كلامك واش معنتها انثى بالفطرة ... ربي يهنيك و في انتظار همسة جديدة تريح الاعصاب و تفيدنا و ربي يجازيك خيرا على كل نصائحك
