الله ينور يا عم منكش بس وصفت المكان مش واضحة زي كل مرة... يعني المرة اللي فاتت وضحتها بالتفصيل وقلت ادام مساكن ال ٢٦ وعلامات كمان زي المسجد و.... لكن المرة دي مفيش تفاصيل متبخلش علينا ودينا التفاصيل
سمك القراميط او " السلور " كإسم علمى او خنزير البحر كاسمه الدارج فهو فعليا محرم أكله .. بما أن العلم بيثبت الدين وليس العكس.. فمبدأيا هتكلم عن أضراره العلمية ومن ثم عن تحريمه .. سمك القرموط بيعيش ف القاع فقط او المصارف ويتغذي على أي شئ ويكبر ويرعي ف مياه الصرف الصحى بما فيها من عناصر ثقيلة او عناصر one way .. _يعنى ايه one way ؟ يعنى الل مبتخرجش من جسم الإنسان وكمان معظمهما بيقى Toxic و carcinogenic يعنى سام ومسبب السرطان زي عناصر الارزينك والرصاص وكمان العناصر المشعه .. _يعنى اكل السمك ده مسبب السرطانات المختلفه الل ممكن يتعرضلها الإنسان . _ بيسموه البعض خنزير البحر او سمك القمامه لأنه ببساطه بيتغذي ع اي حاجه سمك ميت اشطا، زباله وماله قاذورات وفراخ وفران ميضرش . _ سمك ليس له قشور ؟ طب وايه المشكله ! اثبت العلماء ان الأسماك التي تتغذي علي القاذورات والنجاسه ومياه الصرف الصحي قد تحمل السموم والبكتيريا _ بالإضافه انها تعد أسماك ملوثه وبتحمل كمية بكتيريا تقدر ب27 مليون للجرام الواحد . "الدين " _يعتبر السمك القراميط من " الجلالة " وقد نهى الرسول -صل الله عليه وسلم- عن أكل الجلالة _يعنى ايه جلالة ؟ يعنى السمك الذي يتغذي على النجاسه زى الاكل الميت والقاذورات الل هو السمك ده يعنى ويباح أكل الجلالة في حالة " إذا تغير لحمه وريحته وطعمه " وذلك بمنعه عن اكل النجاسه ووضعه ف مياه نظيفه تزيل أثر النجاسه لمده 3 أيام او أكثر .. _قال رسول الله صلى الله عليه وسلم " لا ضرر ولا ضرار " يعنى ايه ؟ يعنى الأكل كله مباح لو مبيأديش بضرر للإنسان أعتقد بعد ما قرينا الكلام ال فوق ده ..حتى لو منعناه من الاكل الميت والقاذورات فالبكتيريا لسه موجوده والعناصر one way والمشعه موجوده !! أضرار سمك القرموط - فيها نسبة زئبق، وتمثل خطر خاصة علي الحوامل في الأشهر الثلاثة الأولى. - كما تتغذي القراميط الكبيرة علي ديدان وحشرات وضفادع وجثث وكل ماهو بقاع المياه وتعتبر مخزن للأمراض الخطيرة حتي أن البعض يسمونها خنزير البحر. - يصُاب القرموط بنوع من الديدان تحت الجلد وخاصة في منطقة سلسلة الظهر بيكون لونها نفس لون اللحم. - تتغذي القراميط الصغيرعلي نباتات، ويكون بعيد عن أي جثث في القاع وكما أن لونه فاتح. حكم أكل سمك القراميط قالت دار الافتاء، إن أكل سمك القراميط الذي يعيش في المياة الملوثة حرامًا شرعًا، خاصة وأنه ترك أثر واضح في طعم لحمه أو رائحته أو لونه؛ حتى أن يُنقل إلى الماء الطاهر فيذهب عنه أثر النجاسة؛ وهذا ما نهى النبي صلى الله عليه وسلم عن (أكل الجلالة) رواه أبوداود. والجلالة: كل حيوان يأكل الجلة - أي النجاسة - حتى يتغير وصفه. ثانيا: أما إذا لم يؤثر الماء النجس في الأسماك التي تعيش فيه، فلا حرج في أكله؛ إذ الأصل فيه الإباحة، ولكن بشرط أن يؤمن ضرره على صحة الإنسان، فالدراسات العلمية تنذر بالخطر الذي تحمله الأسماك الملوثة بسبب ما تحمله من الطفيليات والبكتيريا الخطيرة على صحة الإنسان، والنبي صلى الله عليه وسلم يقول: (لا ضرر ولا ضرار) رواه ابن ماجة. والحل الوحيد لو موجود ف مزارع كويسه من البدايه ودى حاجه محدش متأكد منها اصلا ربنا يحفظنا جميعا