بصحتك ختي امال انا وياك بنينا في وقت واحد وكنت فرحانة وللاسف مات زوجي منذ أربعة أشهر لازلت تحت الصدمة ارجو من كل من رات تعليقي تدعي لزوجي بالمغفرة و الرحمة
الله يرحمه ويغفرله و يوسع عليه و يجعله من أهل الجنة، انا تاني توفى ابي في 18 جانفي 😢 الله يرحمه راني حزينة صعيب بزاف راني متوحشاته 😢،الله يصبرك ويصبرني الله يرحمهم ويرحم موتى المسلمين اجمعين.
انتي كبيرة في قلبي لخاطر ما نسيتيش اهل غزة الحبيبة اغلب اليوتيبورز ما ولاوش يهدرو عليهم لازم يوميا تهدرو عليهم لانكم انتوما راكم تمثلو نفوسكم وتمثلونا حنا ربات البيوت ربي ينصرهم ويفرج عليهم
مع ذكر المقاطعة لازم انا كل مانشوف واحد رافد كوكاكولا ولا بيبسي منتوج مقاطعة كنت نسكت نقولها في نفسي اما الان نخرجها لازم هويتحرج نقولو لو اذا كنت مسلم تحس بخوك مسلم وتبين كل واحد يتحاسب على قد مسؤليه وسلام
حاسة بيك اختي حتى انا عندي 11سنة والله تعبت وقلبي محروق عليهم يا ارضاء عليا يا من رزقت زكريا بيحي ومريم بعيسى بأمر من ارزقني وكل محروم اختي صبرا جميلا وربي فرج علينا وخلاص ج
سكنة الباطيمات سجن ماكانش كي سكنة لحواش تدرد الروح ماتحوسيش كامل تخرجي برا بصحتك اختي امال لكن تستطيعين غرس الورد لأنه يحب الشمس والما يتسقى خطرة في السمانة
اختي امال متتبعه من سطيف الفكره لي قلتي عليها. هايله خاصه في الصيف طيبواا ثم وتاكلوااا في الحوش الطبيعه. ربي يكمل. ويرزقني بسكن. يا لوكان. بيت وكووزينه
هاديك الشجرة تاع لاروكاريا اللي تشبه للصنوبر و مام ربحتها تاع ااصنوبر كتسقيها ما تديريش التيو فوقها وتسقي احكمي تاس ولا حاجة و لوحيلها ديراكت فالتراب الماء من فوق يديرلها واحد لا ملادي كشغل كوشني ولا ما عرفتش تولي كامل كحلة و قليل باش تعاود تولي لازملها دواوات املا ما تريسكيش كتكبر تعود شابة بالزاف سورتو كتكون سخانة بالزاف و تروحي تكبي الماء فوقها تمرض كطفل صغير المهم راني خبرتك لمهم كامل لي بلانت اللي عندك شوية ديريهم فالضل و شوية فالشميسة ما تخايهمش دايمن في جهة واحدة انا راجلي بالزاف يعرفلهم و تعلمت منو بالزاف صوالح
يا ختي انتيا دار باباك بسيف عليك تخدميها من قلبك بصح مرت خوك متخصهاش والا تخدمها باش انتي تجي تديها بساهل مع التالي ياو اتقي مولاك غدوة من غدوة انتيا تولي عروسة والا عجوزة وجيبي عروسة دير فيك هكا والله مفهمش علاش تحبو ديرو بنات الناس خدمات عندكم
@@beautygirlryma6086هي كي نطالب بحقها ربي دارهولها وعطاها حق فيه كيما خوها يعني هي أولى من زوجة الاخ لأن الاخ خز الي يطالب بحقو ماشي مرتو هذا اذا كان حي اما اذا مات اكيد زوجته عندها حق الي ربي عطاهولها اما من ناحية الشغل اذا خدمت العروسة في الدار الي راهي عايشة فيه ماتتسماش خديمة لأنها راهي تطيب وتمشي وتدخس وتوسخ شكون الي راح يجي ينيقلها؟ اكيد أيضا ماشي لوستها اتقوا الله وكل واحد يعرف حقوقو وايضا واجباتو كي اللوسة كي العروسة لازم على ناس البيت يديرو النية والعروسة كذلك يتفاهمو حتى يقدرو يتعايش لأنهم ماشي أعداء كاين راجل في الوسط لازم يعيش مهني مع مرتو ومع اهلو والله انا خطرات نزعف منهم لكن واجبه خاصة مع والديه لازم يديرو نعاونو على طاعة الولدين لأنها حاجة كبيرة بزاف الله يهدينا كامل
بصحتك ختي امال الله يبارك خرجلك روعة نشالله انا تاني نخدم حوشي في الصيف راني صبرت عليه شعال من عام وهو سيما وموضوع خوتنا في غزه راه يوجع 😢😢ما بيدنا حيلا ماعلينا سوى بالدعاء لإخواننا بالفرج القريب امين
بصحتك اختي و نصيحتي ابني كوانة كيما قلتي كشغل كوزينة تاع برا. صغيرة برك معليش. و ما تنسايش اخدمي فيها شميني تاع الشواء. بش تتهناي من الدخان تاع الشواء. و بصحتكم.و صح رمضانكم.
مبروك السكن الجديد بالنسبة لبناء البوتاجي في الساحة لا انصحك به حاليا لان البناء في طور الانجاز لان سوف تكون هناك افكار جديدة استعملي حاليا طابونة بللارجل على شكل طاولة الله يكون في العون
مليح بوتاجي صغير في الحوش أنا راني ساكنة في دار فيها البوتاجي في الحوش والله رحمة ربي خاصة نهار العيد الكبير هههه الدار مخماجتليش خلاص كلش في الحوش حتى الطياب والماكلة 😊 ديريها ومتخافيش
بصحتك تحبي راي مادامك راكي تبني كملي عليها وابني بوطاجي صغير كيما قلتي على الاقل تبقالك الكوزينة والدار نظيفة خاصة في العيد لكبير والا المناسبات والافراح ربي يكمل ان شاء الله
بصحتك والله لا فرحتلك تعبتي و تستاهلي هادي النتيجة اما عن تبني بوطاجي في الحوش نوافقك الرأي لاكن ديريه غي صغير باه يبقى الحوش في الصورة الباهية تاعو هادي
ااطابونة المتنقلة احسن تنقلها على حساب الفصل ..لما يكون مثلا لما يكون الصيف تحطيها وين كاين ااظل..واذا حبيتي تبني لازم تغطي المكان .متقدريش طيبي تحت الشمس او تحت المطر
راهم كامل يبنيو بوطاجي فلقراج ولا فلحويش كما دوارة نتاع العيد كما الحوت كما حوايج باش تبقى الكوزينا نقيا ومفيهاش ريحة وتسكنها بصحة ورحة وكما يقلو ناس بكري بلامة راسك وراس وليداتك
بصحتك ماشاء الله تبارك الرحمان، بلاكي تبني تندمي اشري طبونة فيها ىخامة وين عجبك دريها مثلا كاينة السمش تنحيها دريها في الظل وتغيريها من مكان الى مكان حنا نحبو التغيير ام مروان الجزائر
هذاك التراب اسمه البيتموس وهو عبارة عن دبال تقدري تخدميه في الدار وحدك عبارة عن فضلات الخضر والفواكه مع قشور البيض وكرطون البيض خليهم واحفري في الأرض وحطيهم وكل ثلاث ايام حركيه حتى يذبالوا كامل ويولو كي التراب
بصحتك ختي آمال، صح حتى تسكني باش تعرفي واش خصك بالضبط، حتى أنا سكنت ومازلت نسقم في داري بشوية وغيرت شحال من فكرة كانت في بالي، الله يكملك بالخير في أمان الله.
ديريه وكونك هانيا يهنيك في لعيد الكبير ولا حتى صيف تحبي تشوي تقلي حاجة ماتديرونجي بصحتك لعقيبة ليا ادعيو معايا كل من مرة على تعليقي يدعيلي ربي يسهلي في بنياني
مشاء الله ربي يزيدك ويبارك ننصحك تزيدي دار صغير un coin كيما قلتي لحوايج الاخرى زيت دخان الخ مام فالشتا تسكري وتطيب مشي ماشي كيما الصيف شفتها عند واحدة خدمتها بالالمنيوم فيها طبونة وقاز بالتوفيق دعوت الخير
اول مرة نشوفك مشاء الله عليك عاقلة و ناضجة ، عندك الحق أنا معك بناء كوزينة صغيرة تع السبك أو لعجينن،جيك هيلا تحت الدرج تع الساحة. بصح أو لهنة على الساحة العقيبة نهر تكملي كل الدار إن شاء الله . 😍
مليحة بزاف تبني في جيهة بوطاجي وتقلي تما وخاصة حاجات تع الشوى و الي تدير الشياط فالدار وتخلي ريحة مشاء الله عندك فرصة مليحة تطيبي تما وتاكلو تما والدار تقعد نقيا خاصة هاد اليامات تع الربيع يكون الجو صاحي
بصحتك حبيبة أنا راني في قنطة راني في عامين نبني ومزال مكملتش راكي عارفة لمصيات تاع دزاير تراب راني ناكل فيه ماكلة وساكنة في بيت وكزينة وذ4دراري الله يكون معانا
ماشاءالله بصحا وراحه وتتهناي في دا رك انشالله إيه فكره بواطاجي فكره عند اغلب امهتنا وحنا ديناها منهم مليحا بنيه وديري فوقو كشغل حوش صغير بلقرمود باش تغطي فوقك على شمس والغبار وشري او بني مكان لشواء قدامها ( ساحة كي تكمليها زيديلها فيونص في حيوط نصف خير .
ربي يكملك حبيبتي اللي في بالك ،مي رأيي عكس تماما انو الصالون والمطبخ هومااللي يكونوا لتحت يعني لإستقبال الضيوف ،أماالفوق غرف نوم فقط طبعاحمامات وممكن أيضا مطبخ والله أعلم
الله بارك لالا ماتبنيش بطالجي مع الوقت يطرطقلك السيمان مع الشتاء يتندالك جيبيها واجدا باش تحطي طابونا واللماعن اغسليهم في الدار عجوزتي بناتو في السحين تنحاتلو كامل لفايونس ولا ميسواش
أول مرة أشاهدک ودخلت الفيديو لأني احب نباتات ومتمنية ان اصبح مراحنا هك المهم بعد ما سمعت صوتك وطريقتك كلامك قلت في نفسي فعلا كل شيء مربوط بنفسية الشخص وعلى اساسها يفلح المرء من عدمه
فكرة شابة تع كوزينة صيفية cuisine d'été ننصحك بها انا عندي سحين و دايرا فيه بوطاجي صغير و كوشة و طابونة في الصيف نطيب برا و في العيد الكبير نواسو كلش برا نشوطو و نقيو كلش برا و نزيدو نفطرو برا في السحين ما شاء الله
ربي يوفقك و يخليلك صحتك نتي و مولا بيتك و يبعد عليك العين في نبرة صوتك تباني تحبي دارك و وليداتك و عندك قوة صبر و تفاؤل تتحسدي عليهم ربي يوصلك وينولك مرادك و يفرحك
الله يبارك فرحت بيها الساحة بلاك اكثر منك على خاطر عندي دار وعندي احلام كيما انت بصح عمل زوج خلاني مانيش مستقرة ان شاء الله هذا العام نستقرو ونحقق احلامي في داري يارب
