رمضان شهر كيفه كيف الأشهر الأخرى نطيبوا بدون مبالغة و الصيام تهذيب النفس باه نحسوا بالمحتاج. رانا بإذن الله نبداو صيام الأيام الأولى(10 أو 15 يوم من رجب) و كذلك 15 يوم الأولى من شعبان اللهم يتقبل منا و يبلغنا رمضان و هكذا كل عام .المهم لا تنسوا الصدقات و كما راكم تشروا ديروا سهم او قفة زايدة حق عائلة محتاجة و لكم الأجر .كونوا سباقين باه تذكروا متتبعاتكم كما راكم تنبهوهم على المشتريات حفزوهم على فعل الخير و لكم الأجر.🌹♥️🇩🇿🇵🇸
اكييد رمضان عبادة والسعي الي اندير فيه أصلا باه نتفرغو للعبادة اما الماكلة صراحة انا وزوجي تكفينا صحن شربة مع كسرة وحميص لكن اولادي صغار ماذنبهم اما الاكل مش عيب كي نجتهد فالطبخ اولادي علا العكس فيه اجر اما الصدقة نحب تكون سرية لكي لا ادخل في وضع الرياء وجزاكي الله الف خير اختي نورتي 🌹
يعطيك الصحة بردتيلي قلبي نحير فيهم تقول يوكلو غير في رمضان وهو شهر تع عبادة ورحمة انا بالنسبة ليا طاولة رمضان زايدة على تع لعام بطاجين لحلو وساعات نسخف عليه نديرو فالفطار
الله يهديكم يزينا من كذوبكن الفقير والغني من بكري تلقيهم يجهز لرمضان في مابالك في هالغلاء أولادنا يشهو ويقرو النهار كامل ونزيد مانوكلهمش شربة والكسرة العام كامل وهم ياكلو فها والحمد لله بصح رمضان يعاملهم شوية المشكلة ماعدتش شوق خلي الناس تاكل وللعلم الناس الكل مش ناسيين الصدقة بصح مش لازم تشهري بيها انا عندي عامين درت كرطونة رمضان والله العظيم غير هنتني بلمليح في أول رمضان بديت نلم لقش العيد وآلله المستعان
صراحة من بكري يوجدو لرمضان كلكم تعرفو الحكاية نتاع الراجل لي يقضي لمرتوا ويقلها خبي لرمضان مرة سمعت واحد اسمو رمضان عيطتلو قالتلو ارواح ادي حوايجك عطاتو القضية لجابها راجلها كي جاء قاتلو راهو جاء رمضان وعطيتو حوايجو حكمها قتلها بضرب ههههه مالا كاين منها هيا تشوفو خبوا لرمضان حوايجو
اسمحيلي ندخل بش نقلك العكس لي مدخولو ضعيف لي يحس ويبدأ يلايم يا لوكان بالكأس كل ما تشري حاجة نقصي منها شوي ومثلا الملح راه رخيس اشري وخبي والسكر ثان رخيس قصدي لمى الحوايج لي رخاس تلقاي روحك طميتي بركة وربي يرزقك من حيث لا تحتسبين اختي
انا دخل صعيف ودرتها من مصروف نتاع الشهر وبديتها في جويلية والحمد الله درت فيها كلش باقيلي فرماج فقط حتى مستلزمات حلويات العيد درتهم الحمد الله على النعمة
