ي جماعه كيف يعني تخجلو من موضوع الاكل، دا حاجه طبيعية وفطرة في الانسان، زي ما هو محتاج ياكل انتي كمان نفس الشي، الاكل ما فيه خجل 😂 والا حتموتو بالجوع غايتو الحمد لله
والله ضحكتونا ظاهر عليك بت طيبه والله الراجل البخيل ماكويس ربنا ارزقك برجل كريم ان شاء الله واسعدك لكن تاني لو طلعت مع راجل اكلي اول شي واشبعي امشي زولة عصير
موتا من الضحك😂😂😂😂😂😂😂😂 ذكرتيني بواحد كدا كان اول مرة اشوفو لاقيتو الساعة 10 صباحا . قال لي نمشي كافيه مشينا محل نظام كافيه و فيها كافتيريا . قام طلب جبنة قبل ما يطلب الجبنة شاف المينو قال والله جبنتهم غالية ياخ ههههههه. قاعدين ساعتين ف الكافيه . قمت جبتا ليهو سيرة الفطور . قال لي والله انا ضربت لي فول قبل ما اطلع من البيت 😂😂😂😂😂 . انا الا ثبت نفسي بالفنكوش الكان مع الجبنة . لكن ديك كانت اول و اخر مرة اشوفو فيهو😂
اكرام المراه لايعني الاستغلال والسزاجه بقدر مايعني الوعي وحب الخير للغير شابه واضحه وصريحه اختياره ربما اختبار لك لمعرفة شخصيتك لاتحكم علي الكتاب من غلافه
انا اول لاقيت زوجي دا ، اول مره قلت لي نمشي مطعم قال لي انا كروتي حقت البنك ماشغاله وماشايل معاي كاش، قلت لي ولا يهمك ،،طلبتاا داك يالاكل ودفعتااا انا وحتي ما حسستو بي اي شي عادي بخت لي الشوك قدامو وكداا ، نظام المطعم دا تخدم نفسك ، جبت لي العصير ، تشرب شنو كداا، بعد داك اتزوجناا للان هو بصرف انا ماصرفت قرش تاني لللان ، الواحده ما تظهر نفسها جعانه للراجل، لازم توري انك مستغنيه وشبعانه، بعد تقبضي تاني شفشفي شفشفه الجنجويد للخرطوم 😅
انت حرئيه والله الله يهديك ويصلحك اعوذ بالله من المصخرة...اللهم احفظ بناتنا من جنس دا ...ما بتخافي انت يا بنت الله المستعان..انت بتشجعيها علي هذا الموقف ..كيف تحومي معاه الي نصف الليل ودائرة الغمته والكلام الفارغ الحرب حياتنا ساكت ..هيافه ولقافه...
غايتو يعني هسي انتي اتغربتي وتعبتي وشقيتي، عشان تستقلي في نفسك وتبني نفسك ولا تقعدي تتكلي على راجل ياكلك، انا كان اشتري ليه هو زاتو اكل واشوتو، ما ترخصو نفسكم يا بنات دا شنو دا
للاسف انا شوفت البنات السودانيات فى الغربة وفي دول كثيرة مشيت ليها ... لما نسلم عليهم بيصروا وجوهم ومابيردوا السلام خاااالص ماعارف ليه الحركة دي مع انو بتكون نيتنا صافية لوجه الله تعالي
السودانيات مواليد التسعينات ديل ما بنفعن للزواج نهائي ... ديل صعبات عديل كدة هههههههههههههههههههههههههه و مفتحات اكتر من اللازم هههههههههههههههههههههههههههه
بالمناسبه انتو الاتنين جعانين معليش يعني من طلعتي من بيتكم خاتة بالك مع الأكل شديد كان تلصقيها ليه وتعزميه انتي كان فهم حاجة مش تقعدي تنتظري انه يعزمك لانه من اول لحظه واضح انه ما ناوي وترجعي بيتكم وتقفلي بابه لانه شكله عموما عديم ذوق