الله يجزاك خير من عرفناك نعم الناصح ونعم الرجل الحر والذي لا يقبل ان يكون امعة او مخدوم بطريقة مستغله استفدت منك كثيرا واهم شي تعلمته منك ان احاول قدر الاستطاعه وان افكر قبل البداية واحاول ان ابحث حتى لا اقع في خلل او عيب وان استفيد من اي خبرة اكرر جزاك الله خير ورحم والديك ونفع بك
الف شكراًًًًً لك يا ابو فهد ، سنابه جداًًًً مميز و هادف للناس واتمنى ان يكون مشهوراًًًًً لان قاعد يخدم الناس واحسن من بعض مشاهير هالوقت الي مالهم فايده مستغلين الشهره عباره عن اعلانات واشياء ماديه ولايهمه خدمه الناس وفيهم من يغش الناس باعلان كاذب وخادع لاجل الحصول الى المال في ناس انغشو في بيوت وادوات تجميل ومحلات تقليد والى اخره ...، ويسمون " كلاب الشهره " وفقكم الله لما يحب ويرضى مع السلامه
بيض الله وجهك . ورحم والديك . والله ان هاذي العلوم التي تسر الصدر .... والله يكتب لك الاجر ... واسائل الله العلي القدير ان يعتقك من النار و يدخلك جنتة . وكل من يعز علينا و عليكم وكل من قراء ....
الله يرحم والديك ويبارك في صحتك وشبابك دائما تنفع اخوانك وتبسطلهم الامور انت من الطيبين اللي يدورون درب السهل في كل شيء واحتسب الاجر في امة محمد عندما تسهل لهم الامور واعلم انهم من كل اصقات الارض يشاهدونك ماشاء الله .
حول مصب المحبس او البازان الى رذاذ للوضوء اما يصب كذا يخلص الماء عليك وانت في البر .. والرذاذ يغطي وضوء جميع الاعضاء وهو المطلوب اما صب الماء بهالطريقة هدر وضاع نصفه بالشارع او اكثر .
ماشاءالله عليك وتسلم يمينك والله انك كفو من شفت تنكيست العقال وانا داري انك عبقري الله يبارك فيك ولك ... لو تحط سيلكون على الفتحه اللي حفرتها مخرج لي المويه من السياره او الربله اللي تقول فالجيب ... اوقات المطر لو تقطع مستنقع او شعيب او وسط البلد يمكن يخش مويه وتحوس لك السياره وفرشتها
جميل جداً. لو تضيف له كوع حق فلاتر الماء مكان الجخر عشان ما ينسفط لَيّ المويه مع الوقت والحراره . لكن ممكن ما يتسكر ديكور السياره او استخدام نحاس مكيفات عل شكل كوع
ياليته يفتح مصنع مو محل لا وكذلك الدولة تدعم رواد الاعمال ويوظف معه اللي لهم نفس هوايته ويبشر بإذن الله بالتجارة الرابحة ذمة وضمير وناصح للناس ولا نزكيه على الله ومايحتاج راع الأمانة بشره بالتوفيق.
الفكره ممتازه بارك الله فيك لاكن يا بعدي احتمال تلوث البزبوز كبير مره انا ضد فكره البزبوز الخارجي لو يوطا له مويه صرف صحي تكرمون بيرشق عليه ويتلوث هذا والله اعلم
الفكره جميله من شخص مبدع بارك الله فيه بس فيها مشكله وحده الي هو ان الحنفيه تتلوث من مياه الصرف الصحي والجيف المدهوسه على الطرق ارجو توخي الحذر بعد فتح الحنفيه وبعد اغلاقها
فكرتك حلوه بس ازيد على فكرتك حاجه بسيطه انك تركب فوق لي الماء البلاستيك تركب فوقه لي حديد متحرك زي حق دورات المياه الله يكرمكم عشان اذا صقع فيه حصا وحجران ماينقطع وتروح عليك المويه وشكراً
اولاً الله يجزاك خير الجزاء ويرحم والدينك على حرصك على نفع الناس والنبي صلى الله عليه وسلم قال ( خير الناس انفعهم للناس ) ثانياً المشكلة بالمطافش بالبيارات اللي سايحه بالشوارع يدخل بالبزبوز وتعال عقبها غسل منه☠️😷