هستناكم تعملو مشروع كحك بعد فيديو ده😍
كل سنة وانتم طيبين حبايب قلبي من جوة
اهم حاجة تقرئو كويس جدا الهكتبهولكم و نفذوه بالحرف و هتنبهرووووووو بالنتيجة
والله ما حد هيصدق انكم عاملينه في بيت 🙈
__
الكحك الناعم :
كيلو دقيق
٢٠٠ جم زبدة لورباك
٢٠٠ جم سمنة شيراتون
٢٠٠ جم سمنة بلدي مقدوحة مع ربع كوباية سمسم (٤٠ جم)
نص كوباية سكر بودر (٦٥ جم )
ملعقة و نص كبيرة باكنج بودر (٦ جم)
ملعقة و نص كبيرة لبن نيدو
ملعقة كبيرة ريحة كحك
ملعقة كبيرة فانيليا
نص كوباية لبن علي مياه
ملعقة خميرة
نص ملعقة صغيرة ملح
__
العجمية
ملعقة كبيرة سمنة بلدي
ملعقتين كبار دقيق
ملعقة و نص كبار سمسم
و رشة من ريحة الكحك
و رشة فانيليا
و كوباية عسل
هنقلب الدقيق مع السمنة و بعدين انزل السمسم و اقلب
و بعدين انزل بالعسل
و لازم افضل استمر في التقليب لحد ما يكون قوامه اني اقدر اعمله كور بعد ما يبرد
بس مش عايزين نطول في مرحلة دي عشان ميتبخرش كل السوائل الفيه و ساعتها مش هعرف اعمل منه كور ولا اي حاجة
و بعرف انه خلاص خلص
اما بحرك السباتولا من نص و بلاقيها بتعمل علامة كدة
__
* كحك حلو يعني نوع دقيق حلو ، و نوع سمنة حلو
الريحة الهتشموها في سمنة هي دي بالظبط الريحة الهتكون في كحك عشان كدة عملتلكم ميكس مش طبيعي في المادة الدهنية ودي طعم الكحك في حتة تانية خالص *
__
* ممكن نستعمل دقيق لجميع الاغراض او الاحسن اننا نستخدم دقيق كحك و بسكويت *
__
* مرحلة بس الدقيق مع السمنة هي اهم مرحلة في الكحك من غيرها كل حاجة هتبوظ لازم نفضل نبس في دقيق مع سمنة لحد ما نعمل اختبار العجينة و نلاقيها مش بتشقق*
_
* لو العجينة بتشقق يعني عايزة سمنة لسة ننزل ملعقة و نقلب و نجرب و هكذا لحد ما يظبط معانا لان نوع دقيق بيختلف عن التاني 👌🏻*
__
* التزموا بكمية الباكنج بودر عشان مهم و حطو ملعقة خميرة بتفرق جدا في الطعم و ريحة الكحك
يعني انا مش حاطة الخميرة عشان تخمر الكحك هي بس عشان بتدي طعم و ريحة الاصلية بتاعت الكحك لما بنحط خميرة *
__
* المش عايز الكحك يكون دايب اوي متحطوش نشا و التزموا بكينج السمنة انها تكون نص كمية الدقيق بالظبط يعني لو كيلو دقيق حطوا نص كيلو سمنة بس
النشا بتديني قرمشة بسيطة جدا و في نفس الوقت بتنعم الكحك خالص لكن برضه متزودوش الكمية 👌🏻*
لطبخ للجميع👌🏻
هعرفكم اد ايه الطبخ بجد حاجة سهلة جداااا محتاجة بس عدم اليأس و نجرب مرة و اتنين و عشرة وانتي نفسك هتتفأجي بالنتيجة 👌🏻
انا مكنتش بعرف اطبخ نهائي ولا كنت بدخل مطبخ اصلا
تابعوني و شوفو اد ايه الوصفات سهلة و جدا و نقدر نعمل كل حاجة في بيتنا واحنا واثقين في نظافتها و طعمها كمان تحفة 😍
تابعوني على
ـــــــــــــــــــــــــــــــــــــــــــــــ
صفحة فيسبوك | / eltabkhlelgamee3
حساب الانستجرام | / maimaher7
حساب تيك توك | / maimaherrr7
17 апр 2023
