والي الأغواط في أول زيارة له لبلدية أفلو: "مدرسة رقمية دون أنترنيت.. هذا غير معقول"! 

اقطن في بلدية عصفور دائرة البسباس ولاية الطارف، حوالي 20 الف نسمة، حولي 2000 نسة في حي سكناي، لا يوجد اشارة هاتف حتى تكون انترنيت. حسبى الله ونعم الوكيل.

رانا في ديارنا ومكاش الانترنيت مؤسسة اتصالات الجزائر في آفلوا فاشلة جدا وكل سكان افلوا يعانوا منها الله لا تربحكم

الله يكثر الرجال الي يحبو يخدمو الشعب و البلاد

الله يكثر من امثال هذا الرجل المثالي يهضرها في الوجه ويقصح لهؤلاء الاوغاد وخاصة من يقوله دبر راسك ماتقوليش كذا وكذا اخدم ولا كابتك ودارك

ان شاء الله كامل الولاة يكونو رجال كيما هذا لوالي

الكثير من المدارس بدون انترنت.

لا تنسوا قراءة سورة الكهف اليوم الجمعة قبل آذان المغرب وكثرة الصلاة والسلام على النبي صلى الله عليه و سلم اتكون

الجزائر كامل هاكا زيارة واحدة في العام و بعدين يرجع كلش كيما كان عشت فيها و نعرفها

اول مرة الاغواط يجيها والي يخدمها من قلبو صح ولاية كبيرة كيما الاغواط و تلقاها ناااقصة ومهملة من كلش النظافة التهيئة .....ان شاء الله ربي يوفقوا هذا الوالي لما هو خير للولاية و ان شاء برك ما يطيروش بيه ثم ثم لولاية واحد اخرى حتى يخدم الاغواط

رجل حر و غيور على بلد ....ربي يقدرك و بارك الله فيك

هذه هي حال الإدارة في كامل الجزائر

الله يصلح احوالنا و احوال المسلمين

والله هاد الوالي يخدم من قلبو وراني متبعو بزاف هاد نقدر نقول والي حتي كلامك ممتاز يعطيك الصحا مبقاش اللعب نتمني يكونو الولاة بحالو

الله يكثر من امثالك يا سيدي الوالي بىافووووو عليك بلادهم بحبووو يخليكو بلادنا كل مسؤول صغير لازم له مسؤول اكبر عيب ورب العالمين راهو يشوف دائما وأبدا سبحانه الذي لا يسهل ولا ينام مشفتوش من عقاب رب العالمين جاك عقاب من عند عبد مثلك لكنه راجل عليك

كلمةحق لابد منها والي الاغواط عاش وترعرع في مجتمع بسيط منذ الصغر تقلد عدة مناصب في المنظمات الشبانيه و سياسية ذو كفاءة وتجربة كبيرة في تسيير ويحب الطبقة البسيطة ويشجعهم في جميع إمكانياته بالاضافة الى ذلك انسان طيب ومتخلق يحترم جميع الناس بدون استثناء ربي ايوفقوا في مسيرته ان شاء الله

لازم تكون فيه محاسبة و مراقبة مكانش ڨاع لي راه يخدم خدمته نيشان على بيها ڨعدنا التوالا عباد يتمشو غير بالنقيز

شكرا كثرا سيدي الولي

هذه الخرجات تبشر بالخير ان شاء الله. كل واحد يخذ.مسؤوليته هكذا نعرف من يعمل و.من ينام

أكبر المسرح في العالم هو للجزائر أذرع مكسورة

هكذا الرجال وإلا فلا....

يا الوالي ربي معاك و يعلي شانك

الله يطوال في عمرك السيد الوالي

يزوقو غير وين يشوف السي احمد حاوز يا الوالي كاين شباب خدام و يحب البلاد👍👍👍

لازم قانون يجرم تقصير ويكون قاسي

الولاة في وقت مضى كانو ينهبون اما في وقت الرئيس تبون اخدم ولا نرسلك للحراش عاد وقت الرئيس الراحل هواري بومدين

الله يعاونك

في رايكم هذا يالي إقول المسؤل قل منو دبر راسك دبر راسك عندنا في الجزائر غطي حاجة بحاجة يعني المسؤل الأقل لازم يكذب على المواطن

الوالي لازم يكون في الميدان باش يتحرك

مزال راني مفهمتش امر في اشخاص لماذا يبحثون عن مناصب عمل في الادارة او الدوله و بعدها يتكاسلون و يبدؤون في عرقلة مشاغل الناس و نسو انه لو لا الناس الذين ياتون لمكاتبهم لما وجدو لقمة العيش

بارك الله فيك وربي يعاونك ياوالي الاغواط المسؤولين بقاو يتقاعسو وأنت راك ضربت بيد من حديد ربي يعاونك وبارك الله فيك

انا في برج الكيفان 26 كم عن العاصمة ماعنديش انترنات. تهدرلي على منطقة في الاغواط. بركاونا من التمسخير.

والله العجب كل العجب عديمي. المسؤولية

وماذا تقولون عن مدرسة في وهران غير بعيدة عن مقر البلدية تلاميذها دون مطعم لحد الساعة باب المدرسة مكسر طاولات مهترئة قديمة تعاني الاكتظاظ لا ادراج لتخفيف ثقل المحفظة الكتب لم يتم توفيرها بعد و.....

كي جات المطرقة من فوق من عند سيد الرئيس تبون ربي يحفظو ويطول في عمرو عدنا نشوفو في الولات يخرجو ويتفقدو ويبينو في رواحهم او بالأحرى يحافظو عل مكانتهم. مهم يحيا تبون ويحيا الخدام ومحب لوطنه وين مكان

والي فحل...اللله يبارك

Bravo Mr le Wali il faut taper fort pour remettre les pendules à l'heure c'est des hommes comme vous qu'il faut partout sur les terrains

ومن بعد يطلب السماح من المدير

عجبني رئيس البلدية هاز الورقة تع الطلب،في يدو ، حاب يقول انا خاطي،درت الطلب

هدا الناس مشي قد المسؤولية لا مدير مدرسة ولا رئيس بلدية مليح هدا الزيارات المفاجئة من طرف الولات .في الميادين باش يشفوا الواقع .انا بالنسبة لي هدوا خاصهم الطرد .

رانا في وسط البليدة بعض الأماكن نعانو من ضعف شبكة الهاتف النقال التغطية من سيء لأسوء الهاتف النقال في بداياتو كان أحسن من الوقت الحالي

أين هي الانترنت. انا شخصيا ادفع شهريا 2600 دج للاتصالات الجزائر مقابل 20ميقا. الا ان التدفق لا يصل إلى 10ميقا.... و أؤكد لكم ان المعنيين يتعمدون تخفيض التدفق. حسبي الله ونعم الوكيل فيهم.

هل هذا الوالي صاحب الكرافاطا و كوستيم العرس الذي تخرج من مدرسة الإدارة بحيدرة التي أخرجت الكثير من المسؤولين اللصوص ، هل يعلم أم يستهبل عقول المواطنين ، الإنترنت غير متوفرة في مطار الجزائر الدولي فكيف تكون متوفرة في مناطق الظل؟؟؟ عندما تدخل إلى مقرات اتصالات الجزائر لدفع فاتورة يقولون لك إرجع مرة أخرى لا يتوفر الريزو وفروا المرقة الحامية و التدفئة في المدارس ثم تكلموا عن أشياء أخرى

كان بالاحرى تسال عن المورد البشري من اين اتى و كيف وصل الى هذا المنصب فلو وضعتم من هم اهل لهذه المناصب لما راينا هذه المهازل

تحير في بلاد العجائب إحنا الشعب مالقاش واش ياكل لا سكن لا عمل لا معيشة وانتم تحوسو الإنترنت في المدارس؟!! والمواطن ماقدرش يشري أدوات مدرسية،، شبعتونا خورطي وتفلسيف بركونا من العاطفة

انا من العاصمة خدمت في مؤسسة جي تي بي في حاسي رمل واسوء شي حدث لي في حياتي المهنية انني اضعت مستقبل الدراسي لابنائي عندما جلبتهم معي هناك للدراسة ، مستوى تمدرس ضعيف وامكانيات زيرو وزيد على هذا العنصرية الله ياخد الحق فيكم .

الله اکون فی عونک یا سدی الوالی المراقبة المستمرة لیخدم شجعوه والعکس صحیح

عندو الحق مسؤول دبر راسك ماشي تقضي صوالحي. و تربح في الكرسي

مكانش الانترنت لان الولاية و معها الوزارة لم توفر الإنترنت و لا اي شيء آخر سوى الكلام الفارغ

هدا الشيء لي وقع جد خطير في الاخير يقولوا الرئيس ماشي مليح

اكبر مشكل فالجزائر هوما رئساء البلديات

اتمنيكو بالمسلمين اتمنيكو حنا الي منحبوش البلاد

مدير مديرية التربية هو ايضا يجب على الوالي معاقبته وليس مدراء المدارس هم وحدهم فقط اذا كان رب والبيت للدف ضاربا ... فشيمة اهل البيت كلهم الرقص.

في العاصمة مدارس رقمية دون انترنات

Braveaux m le Wali

ان شاء الله تتحقق

سيدي الوالي ،اعطيه تعلمات في ورقة ،والجواب في النصف الأخر ،بعد اسبوع ،أش دار فيها.

اتقول راه الثلج راه يصب على حساب بوشاشية

مشكل مشي نتعهم مشكل الولي لا يوجد رقبة نطلب من رئيس الجمهورية خروج الولات من بيروت

ههههههه خدمت شفت كوارث برتوكلات وخلاص شبعنا منهم

باغي تهبلني كيفاش تاع لي يطفي النار لاسق فالحديد تع التاقة حلل و ناقش

C’est pas normal que les Wali doivent maintenant faire un travaille de police. Nos wali devraient avoir des inspections qui font le suivi et des rapports. Les États Unis d’Algérie ne peuvent pas être géré de cette façon. Le Wali devrait comme président de sa wilaya pouvoir avoir toute l’information correcte et récente de tout état de lieu. Une des solutions est la démocratie participative. Si les citoyens avait le droit de décider de l’utilisation d’e 40 pour cent du budget de chaque daïra et circonscription, ils deviennent de ce fait les garant du bon usage. Ils peuvent suggérer des projets, voter et décider, faire le suivi et voir le résultat. Si j’ai dans mon douar un grand besoin de route, l’administration ne peut pas ignorer ça et commencer à construire un parc.

من فضلكم هل لكل استاذ فاللابتدائي الحق فالانترنات تاع المدرسة

رئيس بلادية يجلغم من وره؟ حسبي الله ونعم الوكيل فيكم يا مسؤولين البلاد

المشكل راه ف المدراء والموظفين لانهم الله مات ضميرهم يعرفو غير السرقة والرشوة .لازم سياسة الردع

الانترنت راح يخلو التعليم و يقعدو يكوناكتو،بمعنى حتا يكون عندنا برامج مدروسة فما يخصص التعليم ،بعدها نفكرو في تعميم الانترنت في المدارس

سلام.....ياو ماتحزروش يا سيادة والي ...اضرب بيد من حديد ...مليناهم كل واحد يدير دولة وحدو ...ديما يكدبو ويحوسو على مصالحهم

قالو قضينا على مناطق الضل ههههه مناطق الشمس ومقضاوش عليهاهههه

قالك الانترنت 🤣🤣🤣🤣🤣🤣

مول بوني لكحل قالو تيليفوني راني نفليكسي فيه هههههه سما كي يدخلولك انترنت متفليكسيش 😂😂

غير لكدوب وتبلعيط مكان لا لوحة رقمية ولا شيء حنا في بلدية بطيوى ومزال معندناش هدا اللوحة

المسرح مزال خدام

هاكذا باغين الولات يكونو

غير راحو يلعب فيها في المدينة مكانش انترنت

شكرا سيد الوالي جميل ان يكون النات في المؤسسات لكن الاهم هو وجودالماء في المراحض..المنتخبين المحلين يخافون الوالي ولا يخافون رب الو الي لاحولةولاقوة الا بالله

أقربكم الى الأرض أشدكم بلاء( الغليزاني 💸 )

يا سيد الوالي ارواح تشوف في الأغواط مدرسة في وسط الولاية ومافيهاش أنترنيت البلدية ما خلصتش وتلكوم ماحبتش تمشيها حتى تخلص البلدية الديون تاعها والمدير يدور بيناتهم .

هههههه مدرسة رقمية بدون انترنت

و زيد يبالط فيه،...ااااه نصرفق نعجة نطيحها

هذه القضية منذ 2016 ...اي 8سنوات في جميع الابتدائيات ما يعرف ب salles d'informatiques..وتكلفة الواحدة 200مليون......لكن لا محاسبة لا مراقبة....🤔🤔🤔

لازم تحاسبوهم وكل واحد يسرق ولا يحڨر الشعب لازم السجن

لازم الي يغلط يخرج المسؤولية تكليف ماهيش تشريف يحوس على الشهرية برك اين هو اتقان العمل الي وصنا عليه ربي و الأمانة و الحفاظ عليها معظم المدارس في حالة مزرية بكري كانت المدرسة يعاد تأهيلها في العطلة و تكون نظيفة ضرك يدخلوا بعشرين يوم قبل التلاميذ و ما يديرو والو

هذه الامور لا تتطلب حضوري اعلامي وتتبختر أمام الجميع واتخذ إجراءاتصارمة في حقك ،من تكون ومن انتخبك لتولي هذا المنصب

القوة الضاربة هههه

لبدا من آفلو ان تكون ولاية ليست بلدية افلو منذ أزل وهي تعاني افلو مناخيا واستراتجيا ليست تابعه للاغواط وبعيدة كل البعد عليها للأسف

الولاة ابداو اديرو الا الخلايع، مكان والو

الوالي هو الذي يجب ان يحاسب لأن مصالحه و منها البلدية مهملة للمدارس و مهمتها التجهيز و ليست مهام المدير .

مازال الديماغوجية لها مكانة كبيرة في المجتمع الجزائري

ارواح تشوف بسكرة

حنا في قصر البخاري في عجلانة القديمة مكاش انترنت في المدرسة الابتدائية

رئيس بلدية مايقدرش يوقف على خدمتو وميكونش صارم مانسحقوهش ملخر

محڨورين في المناطق النائية

يبدو أن السيد الوالي لا يعرف دور مدير مدرسة ابتدائية كما أنه نسي أن ثمن الوجبة يساوي 45 دينار في حين أن حبة بيض تشترى اليوم ب 20.دينار كما أنه هو من يمون المطاعم فما عليه سوى رفع قيمة الوجبة

مشكل مش تجهيزات مشكل محاربة رشوة ومحسوبية........كاينة حاجة اسمهانعرفك نقضيلك مانعرفشك اقعد كيما راك سيدي رئيس كاين ادراة معروفة يحبس راسك من رشوة والعرف فيها هنا في الاغواط الصحة تربية وتشغيل من فضلك مراقبة ربي يحفظك

الفصل يا شيخ الوالي الهضره هذه سمعناها من الاستقلال

والله لا يريدون العمل.الاضراب.كي الاداري كي المعلم.يا جماعة لماذا الكذب اغلبية المدارس الجزائرية كما هذه في الشريط.وكلمة الحق تقال كذلك نقص عمال التنظيف في المؤسسات التربوية.كيفاش عامل واحد يتكفل ب الحراسة التنظيف و اشياء اخرى ل 230 تلميذ.على الاقل 3 عمال و حاسب ثم طرد.

سيادة الوالي لازم صرامة والفوا الرقاد والدراهم

للمفسدين على دراية كاملة بما تقوله يا سيادة الوالي المشكل على الدولة أن تأتي با قانون الإعدام le problème sera réglé

واش كاين

الانترنيت ديما مقطوع وهذه حقيقة تسلط إتاصالات الجزائر واليم من منتصف النهار الى السادسة باش تحرك بشكل متذبذب وكل مؤسسة عمومية تدير رايها وديما عنها الحق وهذا يسمى ارهاب المؤسسات العمومية

هذا هو الوالي الحقيقي في مكان الرئيس