ليتك يابوعطالله سلمت من كلمة المواضيع . صرااحه غريبه تجيب كلمه مثل هاذي وتعيدها الكلمه فالشطر الثاني بطريقه كارثيه لازم ياخذ اسبوع رااحه صراحه اشوفه اعاد كلمة الريع وهي سااريه
هذا مثل الماء ماتغطيه النثيلة ويحق لشاعر يوضفه او يجعله وصف متى ماشاء الشعر كله امثال وكلام من كلامنا اللي نتحدث به ماهو معجم او اختراعات خاصة بالاشخاص
@@user-rs3nx9wq4h نتكلم في الشعر فقط على كثر ما اسمع محاورات ماعمري شفت شاعر يجي بعد خصمه طوالي ويكرر نفس القافيه لو في اخر الطاروق تمشي لكن من بداية الطاروق تكرر القوافي مشكله
تركي الميزاني : سلامي يا اهل الوفا قدام نبدا فالمواضيع حِنّا مواضيعنا من بيننا ما هي قليله يا وصل فالطّايف المانوس يا كثر المشاريع لو انها كلها ما هي مشاريعٍ ثقيله وصل العطياني : يا مرحبا يا هلا ترحيبةٍ ما هي بـَ البيع من واجب الضيف ما فيها لا شكر ولا جميله الشيخ ابو مشلح وباكور واقف لك على الرّيع تزعل وترضىٰ ومِعوادك على شيخ القبيله تركي الميزاني : قنّاصة الصّيد ردّوها على صيد الجرابيع ما غير بـِ اِكبُوسهم بين الشّجَر في كلّ ليله يا ساري اللّيلِ عان الذيب واقف لك على الرّيع عن شوفة الذيب ما لك لا طريقُ ولا وسيله وصل العطياني : قنّاصة الصّيدِ تصبر بالشهور وبالاسابيع ويدسّمون البلاجيك القصيره والطّويله انِ كانِ وِدّك تِمَشّي لك قرار اِبدونِ توقيع لو ما هي اِبـْ مستحيله بنتِ عمّ المستحيله تركي الميزاني : لا والله الاّ جفافُ وشحّ واِبطونٍ مِجاويع ما عاد نسمع صهيل الخيل يا راعَ الاصيله انا قراري ما يبغىٰ منك توقيع الاصابيع اِلْيَا صدر يا ولد مشهور ما لِك فيه حِيله وصل العطياني : المشكله من كبار الروس خلّوها مِصاليع واللّي معه زندِ يتعب لين يلقىٰ له فتيله الدرب معروف واللّي يقتدي بالضّايع اِيضيع اَمّا الدّليله يدِلّ الدرب ما يبغىٰ دليله تركي الميزاني : يا وارد البير منتِ اِمحصّلٍ منها قراطيع اغوَوكِ مِن قالوا الما ما تغطّيهَ النّثيله البيطري بالجهاز يفتّش اِبطون المِضاريع والمشكله كلّها نفس الشّكل نفس الفصيله وصل العطياني : اِلْيَا لقيت الشّحَم لا عاد ترجع لـَ المراصيع واِن روّحت كلّها ما عاد فالدّعوىٰ عقيله الوقتِ لو كانِ ما طاوعكِ ما هو لازم اِطّيع والحِمْلِ حِمْلِك تِشِيلَ الحِمْلِ والاّ ما تِشِيله تركي الميزاني : ترىٰ حلالَ البدو ما يسمن الاّ فالمرابيع وانتم وحِنّا بدو ويشوقنا برق المِخِيله محدٍ يجي في مضيفٍ لا دِلالُ ولا مِقاديع والله ولا مَدّتٍ تاتي من الكفّ البخيله وصل العطياني : اِضحك ولو اِنّ كبدك فوقها مثل المَراقيع اللّي ما يشكي لـِ خلق الله ما حَدْ يعرف حصيله الجاهل اِلْيَا عرَف سِرّ اِشتغل مندوب توزيع يفرح لِيَا مِن لقىٰ له واحدٍ ينشِر غسيله
