@@aminaminousha8050 الروز حليتله مشكلته تا هو درت وحد الوصفة تع روز مجمر تع الشاف دحمان والله الحمد لله جا يهبل فالروز لازم يكون بسماتي باش يخرج على حبة دعواتنا لكل ولاد وبنات بلادنا ربي يهنيكم ويفرحكم بوليداتكم والإخوة والأخوات لي راهم يعلموا فينا الطياب في اليوتيوب ربي يجعلها في ميزان حسناتكم دعوة الفجر حموالديكم 🤲🇩🇿❤️
شوفي السباغيتي ديري باكي ولا نصف الكمية إذا عايلة ديري باكي المهم ديريه في ماء فيه شوي زيت و الملح و خليه يغلي و عسيه كل شوي طلي عليه ذوقيه إذا مزال يابس خليه يكمل يغلي المهم وما تخليهش يطيب بزاف حتى يولي معجن نتي ذوقي كل مرة و شوفي وكي يغلي نحيه ديريه في كسكاس و لوحي عليه الماء بارد (اغسليه شوي ماشي بزاف) باه ما يجيكش معجن وخليه. ومن جهة ديري في قدرة شوي سكالوب مقطع صغير قليه في شوي زيت و زبدة و ديري نص بصلة ولا حبة بصلة ما تكونش بزاف كبيرة و 5 حبيبات ثوم و نص حبة طماطم ( أرحيهم) قليهم مليح مع اسكالوب مبعد ديري زوج مغارف طماطم مصبرة( علبة)( وإذا درتي نص باكي تاع سباغيتي ديري مغرف وحدة برك طماطم) .ديري شوي ماء سخون معاهم نقصي شوي النار و خليها تتقلى مليح وحركيها مبعد ديري الملح فلفل أسود فلفل عكري فلفل حار مبعد امرقي ب 3 كيسان ماء ساخن ونقصي النار خليها متوسطة خلي تغلى شوي لا صوص 10 دقايق ( ملاحظة هذي نديرها زيادة برك إذا عندك كرام ليكيد ديري نص كأس ولا كأس و شوي فرماج يجي يهبل😍 وإذا ما عندكش عادي ما ديريهمش) المهم من بعد حطي السباغيتي ف لاصوص زيدي للنار. وابقاي خلطيه ب زوج فراشط🤣 حتى يهز لاصوص كامل خليه يشرب لاصوص مليح و بالصحة والهناء💋
اكيد تونسية ...عندنا في الجزائر كيما تسمعي عجة يعني تونس هي والكفتاجي و الروز الجربي و اليويو و اطباق اخرى...و حتى الجزائر عندنا الكثيير من الاطباق لي تميزنا...كان نيتك تعملي فتنة نقولك لااا حنا شعب واحد و اخوة و جامي نتمناو الضر لشعب تونس ولا اي شعب مسلم ابداا... كانوا عندنا جيران توانسة الله يذكرهم بالخير جااامي تخالفنا فرحهم فرحنا و قرحهم قرحنا..لقينا بعضانا في مواقف بزااف جامي حسسناهم لي راهم برانية علينا...تعلموا من عندنا حوايج و حنا كذلك والحمد لله عشرتنا طيبة الى اليوم رانا بديارنا و اولادنا و قريب نديروا احفاد و مزالنا على صلة طيبة بفضل ربي سبحانه
