وجه القمر سافر يضوى شعاع ونور وافر يا بدر ساءلك جاوب ليش أخوك نافر ******** من حيو السباع تنتر ومن رمشو السهم طافر ريم يسحبلى سيف لحظو وآخر بالسلاح غافر يادمع ادفق ودع ياقلب سافر شوقي لي ضامر هل بى نظرتك اظفر يا من بى القلوب ظافر ********* كاحل طرفك الناعس والجيد بالاسيس غامر مجدولات اديك صدرك رجح طبق الضامر زيدنى من تيهك طائع ليك يا آمر زهرة السامر رفقا بمجنونك يا ليلة بنى عامر ********* اعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر ونورك يتوقد لي عيون الخلوق جاهر ظلمي شئ ظاهر وإشراق الفجر يشهد على طرفي العليل ساهر ************ في دولة صباك تايه يا الفى عشقي ماك فاكر أصبح مسكنك قلبي الفى كل ثانيه ليك ذاكر لو رأيت محيك يا البى نظرتك ماكر ليك أكون شاكر وأم الأفق بيك تقنع لا تولد شمس باكر ********* تنظر بانه تتمايل في ثياب لو قدم خاتر وتنظر كيف صدير يقلع تفاحو وردف ناتر وبين ناعساتو يضوى الصارم الباتر اللحاظ فاتر لامعه سيوفو تتبارق من كسراتو يا ساتر ********* عاشق محيك الضاوى وعاشق حسنك النادر تقبل لحظك يمرضني وانت على شفاى قادر في هواك قابل تنفيذ أمرك الصادر لي ليه غادر حلمك جود وأتعطف سارع بى لقاي بادر ********* وحيات طرفك الناعس وحيات حاجبك الداير وحيات خدك المجلى ومنظوم ثغرك الناير بى لقاك تسمح لو كان في المنام زاير فكرى فيك حاير كل ساعة جيش حبك يهجم في الصدر غاير
أنت رائع لأن هذا البيت لفت انتباهك هذا المعنى من أروع ما سمعت من الصور البلاغية: هو يصور الأفق بالرحم الذي يلد شمساً كل يوم جديد، ولكنه بشرطه الذي وضعه سيكون له شاكراً وسيكتفي رحم الأفق أن تخرج الشمس في اليوم التالي
@@abdalladidan8826 المعروف شنو ؟مسعد حنفي لانو مامشهور ف جا لابو صلاح لما اتغنت الكلمات الشعرا والفنانين اثنو على ابو صلاح فما قدر يتنازل وينسب القصيدة لشاعرا الحقيقي والمسكين حبيبي داك اكلا المعروف شنو جو ماشين شايلين ورق اتداقشو وكل منهم شال ورق التاني ؟
في شك بين الشاعرين لا يثبت تمامآ الكلام كثير هذه الاغنيه والناعسات عيونن والكلام كثير حول ذلك يرجو الاثبات أكثر للعلم وللجميع لامعرفه ونحن نرى الشاعربن العملاقين وذلك للتوضيح
فى لقاء فى برامج نسايم الليل على شمو وكابلى وتراسل مع أبراهيم عبدالكريم هذه الكوكب أكدو انو الأغنيه لمسعد حنفى وتراسل غناها وانا كنت مشاهد واتأكدت من شاعر الأغنيه هو مسعد حنفى