كنت اتصلت بالجهاز القومي لتنظيم الاتصالات 155 وف حل تاني تحرق قلبهم علي الخط وتحولو لشركة تانية بنفس الرقم بس لازم تكون مسدد لل عليه ولو عكسوك بتتصل ب155 ساعتها هيفرشولك الارض ورد ولو وقتك ضيق اعمل توكيل لشخص تثق فيه للخط يعملك كل اجرائاتك
لا لا لا مافيش الكلام ده ! حصل معايا مشكلة مع فودافون (( فجأة لقيت الخط بتاعى متسجل عندهم بإسم واحد تانى .. وهو معايا وشغاااااال عادى جداً !!!!!!!! )) ولجأت للجهاز ده .. وما وقفوش معايا خاااااالص .. ! وقالولى هات لنا صورة العقد بتاع خط الموبايل اللى يثبت انه بإسمك !!!!!!!!! اجيب صورة عقد خط الموبايل اللى فات عليه حوالى ٢٠ سنة وهو باسمى !! !!!!!! ؟؟ اتحدى ان يبقى فيه حد معاه صورة تعاقد لخط موبايل اشتراه من ٢٠ سنة !!؟؟؟!!!!!!!! •••. طبعاً اكيد هما عايزين يخدموا فودافون ((( اياً كان السبب ))). … لان فيه مليوووووون دليل يبين ان الخط ده بتاعى .. مش لازم صورة عقد !!! للأسففففف •••. ما بقاش فيه حد بيقوم بدوره …. كلها بقت مصالح متبادلة !!!! •••
الفيديو ده فيه كارثتين الكارثه الاولي بدي العسكري فلوس عشان اخد التليفون المفروض افراد الامن الي في المطار يبقوا واجهه حضاريه ومشرفه للبلد واموضوع انه ياخد فلوس دي حاجه مش مشرفه الكارثه الاكبر لما المواطن المصري ميركبش مصر للطيران عشان اغلي يبقي الاجنبي من باب اولي مش هيركب وده جرس انذار للشركه عشان تراجع اسعارها
فعلا فودا فون فاشلة والافضل ان الحكومة المصرية توافق على تاسيس شركتين او ثلاثة من شركات الاتصالات الجديدة حتى يكون فى منافسة كبيرة بين الشركات ويكون العميل هو المستفيد
منافسة ايه بس ،اذا كان كل قرار او عروض بتتعمل بتكون بموافقة الشركة الام (we) و بتكون ليها حدود بتلغي فكرة المنافسة بين الشركات لانهم بيتعاملوا كأنهم شركة واحدة لاكن بكذا اسم و كل دة بيكون ضد مصلحة المستهلك فب الاخر
عميل مين حضرتك... انت بالنسبة للبلد دي صيده... وبيفكروا ليل ونهار ازاي يقلبوك ويفتشوك... ولو جيبت الف شركة كلهم حيبقوا نفس الشيئ... الحكومة بتقلبهم وهما بيقلبوك بمعرفتهم
فودافون شركه مقرفه انا كان معايا خطين وبمجرد سافرت وكنت شاحن الخطوط تم الغاء الخط فيهم خط كان عملاء فودافون ون المميزين كنت وانا فى مصر مش بشحنه وقالولى وقتها هذا خطك مدى الحياه بعد ما سافرت فوجئت انه اتباع واتلغى من عندى فى داهيه عادى مش عايزين حاجه منهم وياريت مايعزوش حاجه مننا
المفروض ام اقفل خط هما يشيلوه من تحت اسمي اساسا مش مطالب اني اجري وراه مدي الحياه وحكاية نقل الرقم للاسف ما كانش فيه وقت وعرفت المعلومه دي من حضراتكم في التعليقات
فودافون صفت شغلها في كل العالم ما عدا انجلترا و الهند و جنوب أفريقيا. وكان المفروض تصفي شغلها في مصر لكن معرفتش تخرج من شراكتها مع المصرية للاتصالات فباعت حصتها لفودافون جنوب أفريقيا. يعني بيتعاملوا معاها علي انها سبوبة لغاية ما تتصفي من نفسها .
نفس اللي حصل معايه الخط معايه اكتر من 15 سنه وشغال في السعوديه من 2018 وكنت بشحنه كل شهر واعمل منه مكالمه وابعت رساله علشان ما يقف فجأه الخط وقف نزلت اجازه علشان ارجعه رد عليه الموظف قالي اتباع لواحد تاني شكرا فودافون
ربنا يكرمك لو فيه اى وسيلة تساعدنى بيها لدخول امريكا اكون شاكر لحضرتك ولو فيه اى مصاريف هتحملها كلها وهتكون ساعدت واحد واسرته كاملة وهيكون دا فى ميزان حسناتك
اولا ربنا يكتب لحضرتك الي فيه الخير بس اي حد يقول لحضرتك ان سفر امريكا بجنيه واحد ده نصاب امريكا مجانا والهجره هتفتح في شهر ١٠ان شاء الله لنص ١١ والاسبوع الجاي ان شاد الله هنزل فيديو علي القناه ازاي تقدم عليها
الله يسامحهم أو بالأحرى لا يسامحهم و يدخلهم .............!!! غرمت ذات مرة أكثر من 800 جنيه و فعلآ حولت الخط بنفس الرقم لشركه أخرى .. حسبنا الله و نعم الوكيل .
المشكله مش فودافون المشكله فى الخطوط البيزنس اللى على البطاقه الضريبيه حاجه زباله بصحيح طلعت منها بعد ٧شهور بالعافيه ودفع فلوس كتير لغاية ما رجعته افراد تانى حتى لما الباقه بتخلص منك مستحيل انك تجدد الباقه قبل معادها بساعه واحده حتى لو شحنت عشر مرات😅😅😅
انا موافق حضرتك تماما... لكن انا وجدت تقريبا نفس المعاملة مع اتصالات وبعد تواصل مرهق ومكلف على مدى اكثر من شهر وضياع الاجازة في الانتظار بمكاتب شركة اتصالات طلبت الغاء الخط بطلوع الروح وبرضه دفعت مبلغ لعمل الإلغاء!!!! برغم اني ماكانتش مدين لهم بمليم!!!! الغاء الخط بفلوووس وبقاؤه بفلوووس وزيارتك لهم بفلوووس
يا أستاذ يا محترم حضرتك شكلك لسا جديد في حوراتهم دي ،لو حضرتك معتقد فعلا ان المشكلة في فودافون خصوصا و فقط فأحب ابشرك ، كل الشركات في مصر نفس النصب دة و نفس الاستغلال ،وعلي رأسهم الشركة الام وي ،اللي هي مفيش اي حاجة بتعدي تحت ايديها لانها تعتبر الشركة المالكة ليهم او صاحب التوكيل في مصر كل الفلوس في الاخر معظمها بتروحلها ، وهي اللي بتوزع الادوار و القرارات و العروض بحيث ميبقاش في منافسة و المستهلك يجيب من كل شركة خط ،يعني مثلا لو عايز نت هتجيب اورانج ،عاوز شبكة و مكلمات هتجيب اتصالات ،عاوز نت واي فاي هتجيب فودافون ، و وي واخدة من كل واحدة شوية ،و كمان حضرتك طلعت من اكتر واحدة عندها خدمة عملاء محترمة بعض الشئ و داخل علي كابوس التجاهل و خدمة العملاء الزبالة اللي بنقابلها في باقي الشركات ، كلوا نصب في نصب و مفيش دولة في العالم بتعمل اللي بيتعمل في مصر من ساعت ما عملوا نظام الكوتة و محدش عارف يقفلهم ولا يعترض و هما سايقيين ودايسين علي وش الناس رايح جاي
حابب اوضح ليك ولكل الي هيشوف تعليقي نقطه اي شركات خدمات عامه في العالم زي التلفونات والخدمات الاخري بتبقا عقود ليها بنود وشروط متبادله بين المواطن والشركه لكن كل شركات المحمول في مصر عقود اذعاااان عقد من طرف واحد انت كمواطن ملكش اي حق والشركه مش مكلفه باي شي
حضرتك انا استحاله احذف تعليق بس عندي برنامج بالذكاء الاصطناعي بيحذف اتوماتيك اي تعليق بيكون فيه اي لينك خارجي او اي رد علي عضو غير مقبول وانا استبعد علي حضرتك انك ترد بطريقه غير مقبوله بدليل انك مجرد عرفتني الان انك لك تعليق محذوف بدون اي لفظ غير مقبول
مظبوط با افندم انا هنا في امريكا من ١١ سنه ولم اعمل تحديث بيانات اطلاقا حني البنك عامل لقريبي توكيل راح يسحب فلوس يسدد النقابه ماعرفش لان الحساب معلق بسبب تحديث بيانات وللاسف ما ينفعش يعمله بتوكيل لازم صاحب الشان
ا أنا عايز أقول لحضرتك إن للأسف فودافون أنضف شركة في الأربع شركات الحاجة التانية حضرتك نقلت رقمك على شركة تانية و الا جبت خط جديد لو جبت خط جديد و يهمك الرقم القديم حول لشركة تانية بنفس الرقم
اسمح لى بعد تجربة طويلة مع الشركات ان اغير الترتيب. ١ اورنج_٢ اتصالات_٣ we 15فودافون. على فكرة ان غيرت الخط بتاعى الى اورنج بعد معاناة مع فودافون من اكثر نت خمس سنوات
خطى 20 سنه موبينيل حولته إلى فودافون مع ربطه بالارضى لوحده النت ...ليبدأ النصب فى قيمه الفاتورة من عرض إلى الغائه إلى زيادة غير مبرره ومتتاليه شكوت لهم ولحمايه المستهلك وجهاز الاتصالات كله اعمى ...مما تركتهم
المشكلة ان ال3 شركات كلهم اغبي من بعض و كل دا بسبب احتكار الشركة الحكومية المصرية للاتصالات (وي) للانترنت و الاتصالات عامة ف دا قتل اي فرصة للمنافسة و بالتالي جودة الخدمات اللي بتقدمها الشركات قلت لعدم وجود بديل قوي من الاساس
كلامك منطقى جدا والله هو فعلا فى تطبيق اسمه my ntra بتنزله فى دقيقه مش اكتر بتكتب رقمك ورقمك القومى فى وهو بيدخلك ومن خلاله تقدر تشوف الخطوط اللى بأسمك تقدر تسحبها وتقفلها وتريح دماغك ده كلوا كان هياخد من وقتك ساعه بس. ولكن عموما شركات مصر نصابه فودافون شركه مش بتقدر تاخد حقق منها غير بصعوبه وعروضها ضعيفه جدا اورنج خدمه عملاء معدومه تقريبا ولكن عروضها قويه جدا وفى اخر فتره بدأت تطور من خدمه العملاء اتصالات شركه ال25 ميجا😂😂 وى شركه عروض الضعف ولكن ك شركه تابعه للدوله منصحكش بيها😂😂
انت عاوز الموظف يديك بينات عملاء ناس تانيين والله لو قتلته مش هيديك الخطوط التانية دا اسمه افشاء بيانات عملاء و الموظف هيترمن من شغله و يمشي.دا اسمه افشاء اسرار عملا و حتي لو حضرتك صاحب حق مش هينفع الموظف يديك بيانات. حتي هنا في امريكا حاول مع تي موبايل مثلا
المشكله ان حضرتك مش فاهم ان كلهم اسوء من بعض حرفياً المنافسه بينهم في الوساخه حرفياً مش ببالغ ازاي نهين العميل ونسرقه بلا خدمه يعني الشبكه الي انت روحتلها هتقابل معاها مشكله تانيه برضو ملهاش حل وفي الاخر هتلاقي نفسك ماشي ب 4 خطوط عشان الشبكه الي شغاله هنا مش شغاله هناك وهنا في نت في الشبكه دي بس مافيش مكالمات وخدمه العملاء معروفه فيهم كلهم شويه عيال صغيره معدومه الخبره والمهنيه لان الرواتب زهيده فا مش هتلاقي أكيد أي مهنيه وعاوز اقول لحضرتك بقوا بيدفعوا غرامات بالملايين على سوء الخدمه دي ولا فارق معاهم بيعتبروها زي دمغه في وسط المليارات الي بيكسبوها اما مصر للطياران فا دي عامله زي موظف الحكومه الي مالوش لازم بس راتبه عالي حتى بدون ما يشتغل فا فيها كميه موظفين مالهمش لازمه ورواتب فلكيه لانها قامت على الفساد وتعيين ابناء العاملين مجامله وواسط فا كل دا بيتحمل عليك كعميل
بص حضرتك كلامك مظبوط وانا من النوع الي مش بيسيب حقه حتي لو مليم لمجرد اني احس اني ما اتضحكش عليا بس للاسف الاجازه بتصفي ٤ ايام وبيكون في مشاكل واوراق حكوميه كتيير لازم اخلصها
@@americancodingcoffee1207 انت بتراسل الجهاز القومي لتنظيم الاتصالات علي الايميل عن طريق الجوميل من غير حتي إتصال حتي لو خارج مصر وحقك كان هيجيلك وموضوع أن ارقام تفضل سنوات بااسمك حتي لو فاتوره وهي اصلا موش معاك ولا بتستخدمها دي غريبه جدا للاان المفروض فتره سته اشهر علي ما اتذكر أو اكتر وبتقف الخطوط وتباع مره اخرى والارقام اللي حضرتك اللي كانت معاك اكيد شغال بيها ناس تانيه بااسم حضرتك لازم تروح فرع فودافون توقفهم ولو حضرتك موش موجود بمصر تشتكي في الجهاز القومي لتنظيم الاتصالات للاان لقدر الله لو حد عمل مصيبه برقم من أرقام القديمه لحضرتك اللي موش متذكرها هتبقي مشكله علي ما تثبت عدم ملكيته الارقام ليك
ياباشا انا كنت شغال في اورانج اقولك بيعملوا كده ليه عشان تشتري خط جديد جميع الشركات الاتصالات بتحقق ترجت من الخطوط الجديده الموظف مش لاقي شغل فمجبر يقلبوا العميل ويعصروه ومش بمذاج الاموظف دي عصابه من اول سياسة خدمة العملاء والاريا والاتش ار بيحصل ترقيات لهم من مص دم العميل وبجبر الموظف بتعليمات الكاش والخطوط الجديده والرواتر وبعض الموبايلات والاكسسوارات وعند شراء خط يقولك حظك حلو نزلك خط مجاني وطبعا انت بتفرح بالخط ولو قلت له مش عاوز الخط التاني يقولك خدوا لابنك اومراتك مش عاووز خده لحد من حبيبك المهم يزهئوك من خطك القديم ومش يرجعون ولا يوقفوه ولكن ممكن يوقفه بمزاجه لو قلت له انا هاخد خط جديد بس وقفلي ده في هذه الحالة سيوقفه هذا سياسية شركات الاتصالات بالقاهرة ومتزعلش ده شغل شحاته والة ادب كله بقي يبدع في النصب ولاكن صحتك بالدنيا كلهم امراض بيبتليهم ربنا من سرقة العملاء فلوسهم حرام وهما عارفين انهم شمال زي حكومة مصر
والله انا كان عندى خط فودافون .. وشغال عادى واكتشفت فجأة إنه متسجل باسم واحد تانى !!!!!! 😂 والخط معايا وشغااااال عادى !! لما اشتكيت لهم .. قالوا لا ده الخط ده تبع شركة !!! 😄😄😄 قلتلهم يا جماعة إزاى ده الخط ده بتاعى وباسمى من ٢٠١٠ !! ازاى اتغير ؟؟؟؟؟ …. ؟؟؟!! المهم حسيت ان عندهم غلطة كبيرة ومش عايزين يبينوها .. !!! !!!! اشتكيت للجهاز القومى للاتصالات اللى المفروض يدافع عننا ! قالولى .. هات لنا صورة من العقد اللى كنت بتمتلك بيه الخط !! 😂😂😂 يعنى اتحدى ان فيه حد يكون شايل صورة تعاقد شراء خط مربايل كان شاريه من ٢٠ سنة فاتت !!!!! طبعاً سبت الخط .. غار فى داهية وعرفت ان دى شركة مش مظبوطة ولا تصلح لاى حد !! لكن اللى فعلا زعلنى ان الجهاز القومى للاتصالات تجاهل الدفاع عننا .. والمفروض ان هو ده دوره الاساسى .!!! ••• لنا ولكم ربنا •••
بيقفلوا اي خطوط لا يثبت ملكيتها بأسمك و بطاقتك و دي سياسه النظام المصري ناس كتير بتشتكي الشكوة دي و دي الحقيقه😢 و بيزنس حضرتك مش محدث و دي تعليمات النظام المصري🎉
ياسيدي انا حصلي نفس الشي وبنزل اجازة مصر من كندا ٣ شهور الشتا في السنة وبدفع الاف الجنيهات المصرية ورجعت مرة وكنت بدفع ٤٠٠ جنيه سنويا وقفلوا الخط وكنت شاري الخط مميز ب٣٠٠٠ جنيه ولما قفلوا وحاولت استعيدوا دفعوني ١٥٠٠ جنيه استرجاع خط مميز وده علشان تحديث البيانات بلد وسخة وحكومتها وسخة ورئيسها شخص وسخ والله يعين اهلنا في مصر
انا مش عارف يامدير والله ، خط ايه اللي انت حارق دمك عليه ده ، يعني انت هاجرت وقاعد في امريكا وحارق دمك علي خط تليفون ، عملاء قدام احتمال ترجع مصر بعد ماقعدت ١٠ سنين بره !!!!!!!!!!!!!!!!
يا افندم اولا كل شغلي كان علي الرقم وده خلاني استحمل انا شغلي كانشغال لحد السنه الي فاتت وثانياانا اتعودت في امريكا اني ما اسيبش حقي في الصغيره قبل الكبيرهوالله العظيم يا افندم احيانا شركات هنا بتكلف نفسها بريد ب ١.٥$ علشانتبعتلي ٢ سنت
السلام عليكم .. مع إحترامي لحضرتك ،، فودافون بكل اللي فيها فهي أحسن شركة في م- ص- ر ،،، المشكبة اللي واجهت حضرتك مش مشكلة في الشركة أد ما هي مشكلة عامة في كل مناحي ال م - ح - ر - و - س - ة .... أنا سعيد لحضرتك أنك بالخارج ،، ربنا رضي عنك في الدنيا ، عليك بالسعي كي يرضى علنك في الآخرة أيضاً ، بالتوفيق و القبول....
متفق مع حضرتك ولكن عندي تحفظ صغير اطباء مصر ومستوي تعليمهم عالي جدا وافضل من اي طبيب عالمي ولكن في الاخر الطبيب العالمي هيتفوق علي المصري بمعدات وادويه متاحه وتكامل معدات في مكان واحد الطبيب المصري مظلوم بنقص الامكانيات