• ودع الكعبة | الليلة الثالثة من محرم الحرام 1445 هـ
• أداء | زكي العامر
• كلمات | ابو مظاهر الاحسائي
• حسينية المصطفى ﷺ بالمطيرفي
• تسجيل الصوت | باسم العبيدون
• مكساج | احمد البرمكي
• مخطوطة | عباس دشتي
• تصوير | عبدالمجيد الخويتم وحيدر البجحان وعلي البخيتان
• مونتاج | هاشم البخيتان
• اشراف عام | علي البخيتان
• شكر خاص | جميل البخيتان و يوسف النجاد
ــــــــــــــــــــــــــــــــــــــــــــــــــــــ
ودّع الكعبه اوحل من احرامه
اوصاح ابواليمه ابحزنه والامه
البيت بحفظ حرمته اوعالسفر مجبور
آنه حجّي ابكربلا والشهر عاشور
*******************
شابح اعلى الكعبه عينه احسين اوتجري دمعته
اومن يصدّق أبن حيدر ما يتمّم حجّته
واقف اومن حوله الناس تسأله عن نيّته
ابكربلا قال انه حجّي ألله شاءت حكمته
ابعاشر محرم موعدي من أوقف ابوسط الجمع
لله ألبّي ابمنحري اوصدري اودليلي المنشلع
يوم تضحيتي حدّده الهادي
اوكل مناسكنا ابغير هالوادي
اوشالّذي يجري عليه اهناك مذكور
آنه حجّي ابكربلا والشهر عاشور
*******************
جمّع اعياله اوحريمه اوكل بناته او عيلته
ساعه لن امحمد ايصيح خويه خويه ابحسرته
احسين أنتَ الحج الاكبر اوبيت ألله اوكعبته
أرجع ابخد امك اقسم يا حُسين اوسطرته
اسكون المدينه من بعد عينك يابواليمه صعب
وانه ابعذابي اوعلّتي أرجع بليّاكم غصب
قال يا خويه عالسّفر عازم
اوينسفك دمّي ابكربلا لازم
نوح يا خويه عليه وابچي معذور
آنه حجّي ابكربلا والشهر عاشور
*******************
جاله بن عباس ينعى والدمع عالخد يهل
يبن عمّي اتقول بالطف باچر انت تنقتل
ليش ماخذ زينب اوياك اوكل بناتك والطفل
قال ألله اعليها كاتب تركب اظهور الهزل
وارجالي كلها تنذبح اوعباسي جنب المشرعه
يبقى رميّه يا وسف واچفوفه منه امقطّعه
وابني عدالله ابينذبح ظامي
امه اتشوفه والنحر دامي
مو نحر واحد بقدّم لله انحور
آنه حجّي ابكربلا والشهر عاشور
*******************
وقف ما بين الهواشم اونادى لحسين ابقهر
يا علي الأكبر تكفّل اوراعي أمّك بالسفر
وانت يا جاسم يا ريحة خويه يا احزام الظهر
هالله هالله ابرمله أمك لا تحس ابأي خطر
اويوم الذي راعي الشيم أنوى يشد الراحله
جاب المحامل للحرم كل فرد وجه حيد إله
اوعالشمس نادى ردت يااخواني
اتضللّوا بالله على نسواني
عالستر والعز تربّوا وسط الخدور
آنه حجّي ابكربلا والشهر عاشور
*******************
راح للعباس شمّه اوقبّله في جبهته
اوضل يعاين على اچفوفه اويومي اعلى اوخيّته
هذا يا زينب كفيلچ وانتي والله ابذمّته
طلعت ابهيبه اوجلاله اوبالدرب من شيمته
كل ساعه عباس اونزل محمل الحره ايعدله
صد له لحسين اوناشده شنهي نزلتك بالفلا
قال انا زينب امدللّه عندي
خلني اخدمها وافي ابوعدي
والعذر لو طحت يم النهر مطبور
آنه حجّي ابكربلا والشهر عاشور
******************
ضم ابواليمه عضيده ابكل حنان اوعاطفه
اوصاح يالماكو مثيلك بالمراجل والوفا
أنت حارس خدر زينب اوعزمك الكل يعرفه
لچن موقف عندي خله ادموع عيني نازفه
ريتك يا عباس اتحظر حين اطلعت مه كربلا
سترت وجهها اچفوفها والدمعه عالخد سايله
اولو بچت أختك زجر يضربها
اوذاك يا خويه يوقف ايسبها
والحرم قامت عليها تلف وتدور
آنه حجّي ابكربلا والشهر عاشور
******************
سار ضعن احسين لاچن البيت حن لجله اونعى
أنت أعظم واعز واشرف واجل من طاف اوسعى
اوياحسافه تبقى جثّه بالسيوف امقطّعه
اوزينب ام الخدر تدخل على ايزيد امروّعه
بنت النجابه الطاهره ترباية المولى علي
ما اتصدّق اعقول البشر بعد المعزه تنولي
قال مو سهله تنسبي للشام
لاچن ابدمي بحفظ الإسلام
اويبقى أسمي ينذكر في كل العصور
آنه حجّي ابكربلا والشهر عاشور
*******************
20 сен 2024
