حفل زواج محمد بن ربيعان آل منيس الغثيمي المعاوي
كلمات الشاعر / ناصر بن جاري المعاوي
أداء المنشد / علي الواهبي
الكلمات -
الثناء والشكر لله رب العالمين
ينحمد عند المضره وعند المنفعه
دايماً لأحتجت للعون قلت الله يعين
من مع الله وين ما كان كان الله معه
ودي اليا ضاق صدري وشفت اني حزين
معي جيب توه موردٍ من مصنعه
ما يهم يكون شكله يسر الناظرين
المهم انه يكون اربعه ضرب اربعه
يالله انك لا تنقدني مع الطيبين
الوفا من يدركه والعذر من يسمعه
من جعل كل المواقف بعينه فرض عين
بكره يعرف انه في ضيق والدنيا سعه
يا محمد كلنا لجل عينك حاضرين
اشر ما ودك وما ودك تبيعه بعه
ألفت جموع تسوق الوفا في كل حين
كل رجل طيب راسه وطيبك يدفعه
تستحق النعم والطيب يا جزل اليمين
يا ولد من حط فوق النوايف موقعه
ربعان ابن محمد عشير الغانمين
بن منيس اللي عزيز وعريب منبعه
.. يا ضيوف الحفل للضيف مقدارٍ ثمين
بالكرم والود نستقبله ونودعه
باسم قيف معاويه حرز جرعات الحنين
مرحبا وصدورنا للضيوف مشرعه ..
ربعي اللي مثل ضلعٍ على مر السنين
في محله والنوايب ماهيب تزعزعه
وسط بيشه يوم وجه الزمان الشين شين
ضيفنا يامن بنا والمعادي نردعه
قلتها والرابح اللي جمع دنيا و دين
ما تردى دون دينه وداره وسنعه
الثناء والشكر لله رب العالمين
ينحمد عند المضره وعند المنفعه
22 сен 2024
