بموضوع التعليقات، حق الناس تعطي رأيها بأي شي حدا بيقدمه على يوتيوب وغيره، انت عم تعرض العمل للناس فبدك تتقبل رأيهم، ورأيهم مش دايما بده يكون على هواك. بس اكيد الرأي لازم يكون موضوعي، يعني اكيد مش متل تبع " رصاصة بقلبك " ولا اهانات شخصية موضوع البنت اللي بحجاب مش متل اي بنت تانية، يعني البنت الكوميديانة شو ما كان دينها هي بنت والحكم بين الناس وبينها هو النكت والهضامة، متلها متل اي كوميديان رجل. بس لما انسان رجل او امرأة يلبسوا لباس ديني بدهم يحترموه، يعني لو انسان لابس ثياب شيخ او خوري وطلع مكان هالبنت وعمل ستاند آب كمان الناس ما بتتقبل لإن بدهم يحسوا بإهانة لمعتقدهم، لذلك ربط رفض الناس للكومديانات البنات بحادثة البنت المحجبة ظلم للناس، لإن الموضوعين مختلفين كتير. كمان فيه مشكلة كبيرة عنا بلبنان بمعظم الستاند آب بغض النظر مين عم يقولهم بنات او رجال، الاستسهال وانه الناس يروحوا للقصص الجنسية، وهون مش قاصد انك تسب او تربط احيانا اشياء سياسية او حياتية بالجنس، هيدا طبيعي، الاي مش طبيعي حدا بده يضحكنا لإن هو بيحب الشباب وبده يضحكنا لإن بيحب ينام مع شباب مش بنات، او وحدة تمسك صدرها على المسرح لإن اللي عم يبيعها سوتيان عطاها قياس اصغر. مش طالب من الكوميديان يحللي مشاكلي بس يحترم عقلي وحدا لازم يعمل ورش لتعليم الكوميديانات شو هو الستاند آب، او يحضروا حسين قاووق ونور وشاكر والاشقر وكتير غيرهم ويتعلموا شو يعني ستاند آب انا وكتير متلي من اللبنانيين منحكي اقل شي 3 لغات، عربي وفرنسي وانجليزي، بس انا متحيز للعربي، سؤال ليش كتران الحكي بالانجليزي بالمقابلات بشكل عام؟ مش غلط بس غريبة شوي لا؟ أخيراً وأولاً تحية لسلام و وسام الحلقة كانت حلوة ، ورزق الله على الشي ان ان وال بي بي شي
هيدي تالت مره بجرب احضر مقابلة مع السيد كمال، ولا تالت مرة ما بئدر كفيا. درجة التوتر عند هلزلمي كتير مضرة للسمع. نصيحه ، جرب المعالجة النفسية أو الحبة الكحلية.
