وصفة تقليدية مستغانمية🇩🇿كعك المفتاح🗝️ او كعك المستغانمي بلا حليب و لا بيض❌منسم بالزرارع و ماء الزهر🤤 

خواتاتي انا كي درت هاد الوصفة برك باش نوصل المعلومة بكري كي كانو يديروه هنا في مستغانم و قصدي مشي حاجة وخدخرة لي راهم يقولولي هذا جهل و حرااام ... انا بروحي في الفيديو قتلكم بكري كانو على نيتهم و الفايدة كلشي على ربي سبحانه و الرزق على ربي سبحانه محال نأمنو بحاجة من غير الله تعالى.... كاين لي فهموني و فكرتهم بجدودهم و لي ما عاشوش هاد الصوالح ما ينجموش يفهموني قصدي ويراه... المهم ربي يعلم بالقلوب و الحمد لله ما هي كيما تقفلي بالمفتاح اقفليه بيدك و صاي غير كيفكيف ...و صحا فطوركم 😘😘😘

جمعة مباركة ليكم كاملين خياتي في الله هيا لبنات نديرو اليد في اليد ونوصلو حبيبتنا وين راهي حابة تستاهل كل خير والله العظيم وصفاتها ناجحة وشابة وبنينة وقاع شكاين😉👍مشاء الله عليها شكون لي تشاطرني الرأي

الله يبارك أم عبد النور احنا في معسكر تاني نديروه هكدا اللي من معسكر تضربها بجام

مين كنت صغيرة كانو صحباتي يجيبو الكعك في العيد يجي قاسي بصح بنين عيت في كبري نخدم كعك ميجنيش مثله كنت ساكنة في بشار نتمنا نلقا الوصفة اليوم راه عمري 42 ولازلت نتدكر طعمه الذيد

السلام ختي ام عبد النور ديرينا لميني كيش و لي كورني باش نخبوهم لرمضان ان شاء الله اللهم بلغنا صيامه وقيامه لا فاقدين ولا مفقودين لي معايا دير جام باش تشوف التعليق واشكرا.

كي صبحتي صبحت نقارع فالوصفة خاطرش انا نبغي الكحك بزاف جمعة مباركة يارب ولا تنسوني بالدعاء

راني معولة عليه اليوم نديره حبيبتي انا هذا هو الكعك لي نديره وصفة تاع ميمتي ربي يشفيها ويخليها لي يارب يعطيك الصحة ام عبد النور

وتاني درت الكعك وجا شباب وشعال من وصفة درتها وليوم درت مقرون دوبل صوص وجات تهبل ولادي لحسو طبصي ربي يخليك ويفرحك

انا في الكعك تبعت ميمتي ربي يرحمها لدروك نديروا بالمفتاح وشنان والجلجلان وحبة الحلاوة والله فكرتيني بيامات ميمتي وطاحت الدمعة

انا وهرانية بصح نبغي مستغانيم وناسها جداتي كانت من الحشم الله يرحمها وكنا نروحوا معاها العطل والاعراس والاعياد ناس كرمة ويكرموا الضيف الصغير والكبير ايييييه اليامات الشابين 😍💓💓💓💕

لي فرحتني بابوني ربي يفرحها بالشي لي تتمناه يا رب 🤲

تعرفي شحال نحب هدرتك ووصفاتك سيغتو كي راكي بنت بلادي مستغانمية وعايشة في تيارت وافتخر ببنات بلادي

الله يعطيك الصحة ، جربتو و خرجلي سنيما. المهم لما درت المقادير نتاعك جاني جاري زدت الفرينة ولكن خرجلي روعة. بارك الله فيك. خرجتلي 26 حبة . شكرا على ال صفة و البار طاج.❤😊🥰🙏🙏🙏🤲🤲🤲👍👍👍

هاد الوصفة انا تعلمتها على عجوزتي معسكرية انا وهرانية لكن هادا احسن كعك ونخلوه يخمر أربع مرات ونطيبوه بصح غي جربوه وما تخافوش بنيييين بزاااف

انا عاصمية ومتزوجة في مستغانم ومكاش لي وريلي تقاليدهم وشحال وانا نحوس على الوصفة الأصلية تاع الكعك بارك الله فيك ختي ربي يجازيك

كل يوم ديرلك جام حتى توصلي اعلى امتياز ان شاء الله 👏👏👏

عليه افضل الصلاة والسلام

اللهم صلي وسلم وبارك على سيدنا وحبيبنا محمد صلى الله عليه و سلم تسليما كثيرا مبارك ❤️🤲🏻🤲🏻

انا مريض وتوحشت كلشي ادعو لي بالشفا

يعطيك الصحة جربت اغلبية وصفاتك ناجحين راكي ادمان تحياتنا من تيسمسيلت من فضلك ديرلنا تدابيرات رمضان الي نقدرو نوجدوهم من دوكا ونكونجيلهم بحكم انا خدامة

راني جربته روعة روعة يعطيك الصحة لبنات غير جربوه درت نصف مقادير ذرك نيعثلك تطبيق وحطيه عندك في قناة. 😘😘😘🍩🍩🍩🍩

صبااااااااحو حبيبتي...راني بكرت عليك ليوم وحليت عينيا على الكعك ههههه جمعة مباركة معطرة بذكر الله ربي يحفظك ويخليك لينا

انا مستغالمية وساكنة في مسيلة والله الكعك لحقتني ريحتو حتى دمعة سبقتني توخشت ناسي وبلادي

ان شاءالله تطلع قناتك اكثر ماتتصوري تستاهلي كل خير وسلامي الحار لاهل مستغانم

ماشاءالله كعك مستغانم همة و شان وتراث جحدودنا سدي بلقاسم سدي لخضر ....الخ

مشاء الله عليك ختي انا هذا الكعك عمري منستغنى عليه متنسايش ديريلهم طعام التعمير المستغانمي وربي يجازيك الف خير

روعه روعه يارب احفظ ام عبد النور و احفظ هذوك ليدين نشالله 😍

اللهم صل و سلم على سيدنا محمد

تعجبني اللقطه كي تحطي لقهوه لعجوزتك

صباح النور هذا وين كملت المقيرط جا ولا أروع سنيما تاع العالم الله يفتح عليك ويفرحك ويكملك ما راكي متمنية

يعطيك الصحة على المعلومة الغني من تراثنا الأصيل يا ام عبدالنور أن شاء الله مزيد من الوصفات الجزائر ية القديمة .شكرا بالتوفيق عزيزتي.

درته اليوم يعطيك الصحة وربي يفرحك يارب يعطيك عمرة ان شاءالله 🤲🤲🤲🤲🤲🤲🤲

تستاهلي حبيبة ما اكثر ختيتو

الله الله على الكعك المستغانمي يعطيك الصحة يا بنت ولايتي فكرتيني فيما مضى😃🥰💗💗💗

عجبني لماشي مدهون خير لمحمر بعجينتوا يبان شباب خير نجربوا بإذن الله شهتني بارك الله فيك على الوصفة

صلى الله على سيدنا محمد وعلى اله وصحبه اجمعين جمعة مباركة يارب 🤲🤲💐🌹👍 يعطيك الصحة

انا بنت بلادك رجعتيني لعام 1996 قهوة تاع العصر كنت في سيزيوم فوت وربحت

كعك خمر وطيبتو ياختي جاني روعة الله يبارك فيك حبيبتي ربي يسترك ويفرحك🤲

شهاني سورتو كي بالزرارع نحوس على هاديك الشنان و نشريه لاااازم نطيب هاد الكعك هو بروحو صحي .. ام عبد النور ندعموك حتى توصلي المليون ان شا الله

سلام يعطيك العافية انا ام احمد من سطيف تعجبني بزاف نحبك ونحب تواظع نتاعك متفهمة كل طبقات وديري صفات في متناول الجميع ربي يحفظك ويسعدك ويوفقك ويوصلك لدرع الفضي ان شاء الله يا ربي

اللي دارت لي ابوني روحي يا أختي الله يخلي شملك مجموع وكلامك مسموع وين ما رحتي وربي يعطيك وقفة في مكة ويعطيك برنوس الستر ولهنا وصحة وسلامة يارب

عجوزتك باينة فرحت بيك وبيه 💝💝💝💖💖😍😍🤗🤗واك الكبار يموتوا على هاد الصوالح

جربته خرجلي رووعة يعطيك الصحة حبيبة ❤

ماشاءالله من مسرية ❤❤❤🎉

ام عبد النور ممكن وصفة قاطو هذاك اليابس مدور تاع تلمسان معروفين بيه يما تحبو وتبعك كل يوم تحطي راهي تتفرج وتفكيرك ودير جاااام وكمنتار متكتبش بصح دير قلب علبالي تشوفي كمنتار الله يعطيك الصحة

انا ندير غير الكعك تاعك لول جا شتانڨولك 😂🤤 لي ياكله يسقسيني على الوصفة ❤️ يعطيك الصحة ميما 💗💋 مستغانمية مرت من هنا ❤️‍🔥🙈

الله الله على الكعك مستغانمي تاع جدود هذا هوا جا يشهي يعطيك الصحة 😍♥

ام عبد نور حمبوك ديرلنا قاطو ولا حجا تقطع غايا باش تقعد نتقهواو بيها نشاله دريلنا لشتي تعلقي دريلي قلب باش نعرف ربي خليلك ولدك وراجلك نشاله ياربي

اللهم صلي وسلم على سيدنا محمد عليه افضل صلاة وسلام 🤲🤲🤲🤲🤲🤲🤲🤲

جربته خرجلي رووووووووعة 😍 الله يعطيك الصحة والهناء يارب 🤲

صباح الخير والخيرات والمسرات والبركات يعطيك الصحة اختي بينا الوصفة بنينة ومفيدة لصحة 😋😋😋⁦❤️⁩

جربته اول مرة خرجلي يهبل

ما هذا يا ام عبد النور الحجر لاينفع ولايضر. الدعاء عبادة ويحرم صرفها لغير الله

صباح الخير وجمعة طيبة يعطيك الصحة ام عبد النور والله وصفاتك دايمن ناجحين 💝والكعك راه يشهي الله يبارك

السلام عليكم جمعة مباركة طيبة للجميع بالتوفيق أم عبد النور صباحك حلو كما حلتيه بالكعك الزين 😋اللهم صلِّ وسلم على نبينا محمد وعلى آله وسلم 🏵

سلام ام عبدالنور انا مستغانمية و مازلنا نقفلو الكعك بالمفتاح هدي عدات الجدات والله يعطيك الصحة

والله الي تستاهلي مشي غير الواحد تهلاونا فيها هيا شيرات برطاجو

يعطيك الصحة اختي ام عبد النور كعك جا يهبل

صباح الخير ميمة 🌹😘 راهو يشهي فكرتيني في يامات شابين جوزتهم ثمة تحية لناس الغرب و كل الجزائر 🇩🇿 زريعة البسباس و حبة الحلاوة و الجلجلان كاين لكن الشنان قلبت العاصمة عليه ماكانش 👌🏻👍🏻😍 و نتمنى تجوزو عندي خياتي راني نوري كلللش من قلبي لكن مالقيتش الدعم للاسف و نصيحة خياتي ممكن تفيدكم في رمضان انا الكسرة و المبسس والمبرجة نديرها بالحليب و الله تجي تذوب في الفم و نديرها بالزيت برك بلا سمن و لا زبدة غير تجي تهبببل 🌹 السر في الحليب يعطي طراوة و لون شباب لان الحليب و مشتقاته كلهم عبارة عن خمائر طبيعية و مواد دسمة و تاني السميد لازم يكون متوسط باش تجي المبرجة مرملة نقدر نديرو بتاع المقروط او اللي اقل منه و الغرس نخدمه في الدار بالتمر المعسل نخدم كمية قيس العام و نديرها الفواح القرفة نجمة الارض الهيل حبة الحلاوة زريعة البسباس..و نطيب المبرجة في المقلة ثقيلة او في طاجين الحديد يكون مقلوب عندي طاجين تع جدة ربي يرحمها املس من الجهتين جهة نطيب عليها المحاجب و المتقبة المبرجة....و جهة للكسرة المطلوع...عندما نقلب الطاجين نخلي الحرارة تتوزع منيح معناها المبرجة تطيب بلا ما تتحرق و لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و نصيحة خياتي تحتاجوها في رمضان 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوشو مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار ماتراطوش

ماشاء الله روعه يعطيك الصحة والعافية فكرتنا بكري تفكر الجنة جزاكي الله كل خير بالتوفيق والمزيد من النجاح والتقدم شكرا

واه حبيبتي أم عبدالنور يعطيك الصحة راكي تشعبني احنا عندنا في بوسعادة نڨولو نڨرشوا من كلمة ڨرمشة كلاو الميم الفائدة والحاصول ربي يلحڨنا أنا وإياكم لرمضان نصوموه ونقوموه أن شالله

جمعة مباركة للجميع المسلمين والمسلمات

جمعة مباركة ختيربي يحفظك وبارك فيك❤😘

أول جام من ولاية سعيدة

كي شفت الصورة البارح تخيلته يخرج كما كعك تلمسان.. لكن التشابه برك فالشكل و الاسم اذا تقدري تحطيلنا وصفة كعك تلمسان مرة أخرى مشي لي يخمر.. انما السريع التحضير شكرا ام عبد النور و يعطيك الصحة

صباحك بالخير وجمعة مباركة ميمة يعطيك الصحة راهي يشهي مع صباح

حنا في غليزان نديروه بطريقة مختلفة شوية ، كانت امي الله يرحمها تحط الفرينة مع الزيت تبسسها شوية و تدوب السكر في الماء و ترون بيه و تعطره بقشور الشينة يابسين و مطحونين و تزيد الزرارع بدون جلجلان و تعجنه مليح .وتخليه يريح شوية و منبعد تقطعه و تشكله وتخليه يطلع مليح و في الاخير تدهنه بالبيض ،ربحته تشميها من البعيد.. .وشهية طيبة ، ربي يبارك فيك و يفرحك بوليداتك يا رب.

يامخلوقة والله منين نتفرجك وانا غير نضحك يعطيك الربح تضحكني هدرتك والله ....هههههههه تعجبني بزاف ربي يعاونك مشتركة جديدة من تمنراست نحييك

صباح خير اختي ام عبد نور ديريلنا مقادير نتاع رطل في التعليقات خصني ندير كمية قليلة وشكرا

صباح الخير شكون لي راهي قاعدا

أول تعليق متتبعة وفية

يعطيك صحة مستغانمية حرة تبارك الله انا راني جارتك من غليزان ان شاء الله تلحقي للواحد وM وقليلة في حقك تستحقي عشرة ملاين ❤️🥰😘

الله يعطيك الصحة❤️❤️❤️👍

حنا ثاني نديروه كيما هاك شاوالا نطيبو السكر في الماء ونزيدو فيه الرند والمنسمات ونرونو الفرينة بالسيرو أنا للآن ندير الكعك تاع زمان سيرتو الكعك القاصح تاع الحجاج عولة زمان يا حسراه كنا نفرشوه في الدار ونغطوه بالبورابح ويوم كامل وحنا نقارعو فيه يخمر ملاحظة الفرق بين هذا الكعك وكعك البيض والحليب هذا يشد مدة طويلة ما يخسرش حطيه في شكارة تاع كتان وبلعي عليه في قدرة تاع الماي تاع زمان الله يحفظك ويحفظلك عايلتك وصحتك وبمناسبة شهر شعبان نقولك صحا عواشيرك وعواشير كل المتتبعات ربي يتقبل منا صالح الأعمال

الله يفتح عليك والله يعطيك الصحة والعافية جربته وخرج شابا بزاف هايل جزاك الله خير الجزاء ووفقك الله

نشاله كيما فولتلينا علا المفتاح فال مليح نشاله ربي يفتحا علينا و يفك كربتنا نشاله ياربي 🌹😘🙏🤲

مشالله كعك وعليه الكلام 😋الله يعطيك الصحة ام عبد نور والله ينورك😘

Je ne l'ai jamais essayé mais comme j'aime tout ce qui est traditionnel de notre pays, je vais le faire et vous rendrai la réponse. Je n'ai aucun doute sur son goût, ça doit être cinima taa laalame😉Rabi yahafdake mima🥰Vous nous avez très bien gâtées avec tous ces partages, nous allons devenir expertes en cuisine 😆

انا من الشرق ومن متتبعاتك عمري ما سمعت بحكاية المفتاح من قبل لكن فهمت قصدك ووصلتني الفكرة ناس بكري كانوا بنيتهم وعاشوا في خير احسن منا وقررت نعيش النية تاع بكري ونصنع الكعك تاع ناس الغرب بالمفتاح والنية على ربي سبحانو حبيت نعيش الاجواء تاع بكري فقط لا غير

كنت نقارع فيه تقول ناكل منه نحب الكعك يا ام عبد النور و الله ما يخرجلي مليح كون جيتي جارتي نطل عليك كل صبيحة و ما تبخلي عليا بكعيكة يا العزيزة ربي يحفظك و يبارك فيك يا اختي مع اهلك

يعطيك الصحة راكي في القمة بصح انا من العاصمة وكاين الشنان انا شريتو ودرت به الكعك الاول لدرتيه وجاني روعة

جمعة مباركة للجميع المسقم راهو داير الفي فالكعك لي درته البارح جاه على خاطره و يعطيك الصحة على عاداتنا و تقاليدنا و هاد الوصفة تاع ليوم لي يجي نفس الشكل لكن رقيق و قاصح شوي يديروه ثاني فتلمسان لكن يعجبني لي طري احسن ها خيتك لا سنين لا والو 😌 و اكيد الزرارع لما تتحمص تطلق زيوتها الطيارة و تتعزز النكهة 👍 المرة الجاية باذن الله نجربها مشكورة حبيبة 🌹❤😘

انا نديره بهذه الطريقة انا من وهران يعطيك الصحة والعافية أنت فعلا بنت الغرب الجزائري ❤❤❤

يعطيك الصحة كعك وعليه كلام هاذا وين كملته جاني روعة 😘

من فظلك ام عبد النور بغيتك ديريلنا الكعك الوجدي تاع المغرب الشقيق. و شكرااااا

شانقولك ياميمتي هذا هو لي كنت نحوس عليه كعك نورمال تاع مستغانم بلا حليب يلا بيض الله يفتح عليك ويجمعك بلي تتمناي اي ميمة

مشاء الله شهيتيني غدوة ان شـــــــاء الله نديره

صباح النور والسرور صباح خير وخمير يعطيك الصحة حطيت لكم سوفلي عجينة تهبل خفيفة وحشوة بنة البنون جربوه متندموش اعتمد وصفة في رمضان بإذن الله متنساوش تدعم بنت الجزائر 🇩🇿 الله يرضى عليكم ويفتح عليكم

جمعة طيبة يا رب يا مليك يا مقتدر فرج هم المهمومين ونفس كرب المكروبين صحيتي ختي ربي يخليك

ياعمري على دعاوي الخير مع الصبح ❤️ ❤️ ❤️ اللهم امين

هايل ذوقتو يعني بنة بهذيك البنة تااااع الحبوب المعطرة عجبتني ناس زمان اللي كانوا يديروهاا تاع المفتاااح تاع الصح كانت النية الله يبارك

درته فالعيد جاني يهبل وغادي نعاوده اليوم نديه لميمتي ربي يحفظك ام عبد النور

الله الله. علي. كعكنا. ريحتو راهي في. نيفي. تنفنف. المطبخ المستغانمي. ما يعرفوهش بزاف. مادابيك. تفكرينا بيه. وتعرفيه. لكامل. الولايات. لانو. فعلا. بنين. باراك الله فيك. انشاء الله. تلحقي. وين. راكي. باغية. تستاهلي. عندك. النية. وتفهمي من قلبك. 🙏🏻❤️💕💕💕💕💕💕💕

صباحك برباحك يا حبيبتي ام عبد النور بكرت اليوم وقعدت نقارع حتى شفت فيديو نتاعك انا الاولى الله يعطيك الصحة ويفرحك بعبد النور ويعطيك ما تتمني واليوم الجمعة راكي رابحة.

الله يبارك على الكعك

يعطيك الصحة اختي على كل الوصفات وكلامك الحلو والجميل

انا كان في خاطري كعك تاع بكري توحشته حتى لقيت وصفة تاعك إن شاء الله نشري صوالحه ونصنعه

شكرآ حببتي ماما هاذا ما تبغي غادي ان شاءلله نستحفظ بالوصفة حتى العيد نخدمه و نديه ليها

يعطيك الصحة غدوا نجربه ونردلك الخبر وناس زمان عندهم ما خلاو الله يرحمهم اجمعين يارب العالمين

ىاني متمنية توصلي للمليون والله العظيم تعجبيني ووصفاتك قاع لي جربتهم ناجحين وزيديلنا وصفات رمضانية ربي يعطيك على حساب نيتك🤲🏻😍❣️🌺♥