ربنا يتم عليكي قسط التلاجه على خير بصي يا حبيبتي ربنا يكرمك وتجيبي الفريزر بس عارفه تعملي ايه بدل القسط زي ما قلتي كده اعملي جمعيه احسن وحاول تقبضها الأول أو التاني بالكتير بحيث توفري فرق القسط وتجيبي الفريزر فوري وتكون الجمعيه زي القسط من غير ما تدفعي الفرق بين القسط والفوري اتمنى تكون الفكره وصلتك
هى فكرة وانا الصراحة بفضل كدة بس على ما تعمل جمعية وتيجى تاخدها هيكون اللى ب 1000 بقى ب 2000 الدنيا بتغلى يوم عن يوم الا اذا قبضتها في الاول ربنا يجبرها ويجبرنا ياارب
انا محتاجه دعائكم لى جدا انا كان جوزى عنده مدرسه وكنا مبسوطين جدا ونعتبر من طبقة الأغنياء ما غنى الا الله وابن خال جوزى نصب علينا وهرب بعنا كل حاجه علشان نعيش ما بقاش عندنا غير الشقه إللى عايشين فيها وكمان احنا بعناشقتنا الغاليه إللى فى مكان راقى وخدوا شقه في مكان شعبى وده لأن جوزى كان مش بيرضى نشيل اى فلوس او حاجه للزمن كان مطمن اننا عندنا إللى يكفينا ويزيد لازم الواحد يعمل حساب الظروف
حبيبتي يافرح بجد ربنا ميحرمنيش منك انا بمجرد انى بسمع صوتك دة بالنسبة ليا السعادة كلها بحبك فى الله وتسلم ايدك على كل حاجه حبيبتي كنت عايزه طريقه الكرواسون بالله عليكي
تسلم ايدك بس انا عندي استفسار الاكله الحرشه اللي عملتيها بحس انها اتكلفت وخصوصا لو اولادك كبار شويه هتطري تضاعفي الكميات دي هل نفس مبلغ لو عملتي نص بانيه ومكرونه أو نص كبد وقوانص ومكرونه أو حتي صنيه مكرونه بشاميل بربع مفروم الاكل الارديحي بقي مكلف قوي ولا انا حسبتها غلط
بقولك يا مدام فرح انتى محتاجة كبة والخلاط اللى عندك مش قوى طب ما بدل ما تجيبى الكبة بس وترجعى تحتاجى خلاط طب ما تحوشى وتجيبى كيتشن ماشيين فيها كبة ما شاء الله قوية جداً وبيكون معاها ادوات للبشر والشرائح وللعصير والعجن وكمان معاها خلاط يعني ما شاء الله شاملة كل حاجه هى غالية شوية بس ارحم كتير من انك تجيبى كل جهاز لوحده ادعيلى اجيبه انا كمان 😂 ربنا يجبر بخاطرك يارب وخاطرنا كلنا ويعطينا كل ما نتمنى ❤