مو الا طب المقصود اي شي يخص الطب وحياة الناس سواء صيدلة او اسنان او تقنيات الطب او المعاهد الطبية.. واضح انك طالب في كلية اهلية ومادام ماعرفت المقصود فماشاء الله كلش تفتهم وهنيال الناس الي راح اتداويهم ههههه
@@onepiece-cf6mg لا والله بس القصد العراقيين ميكدرون ع السياسين لي فتحوها يروحون ع طلاب مبارك عليكم تروحون طبيب ليش ماكو دوا ومن يجي وزير صحه كل تاخذ صوره وياه شعب طايح حضه
ترا طلاب الكليات الاهلية لسة ممتعينين والطب الي بالعميد والكفيل الواحد يبوس اديه عليه وجه وكفة اذا عالجة طبيب متخرج منهم باقي الكليات الاهلية بس صيدلة واسنان بيها والقصة مو قصة اهلي وحكومي هو البلد كله وضعة غلط لانضام ولا احترام الواحد هيج عايش شيصير خلي يصير هو هنا المشكلة لو تشوفين امريكا الحياة نضام والناس تتسابق ومحد ملحك على شي وكلمن همة شغله مو مثل وضعنا هنا
@@milviii7 وين ينقذون حجي دراما تركيا مدينه الطب ياهوا الي يدخلها يكتبوله ادويه الالتهابات الي مداولة باستهلاك بجرعات قوية توكف الكلى لان ماعدهم خبرة ولاتشخيص ماشين بنمط معين وبعدها يموت المريض ولا يمهم السالفه اهم شي عدهم الشكليات والفلوس ماكو ذرة مهنية كل الدكاترة دخولهم لسلك الطبي علمود كرف الفلوس من التعيين والعيادات وتجارتهم ويا الصيدليات وتجاره وياالمستشفيات الاهلية بحياتي ماشفت طبيب ينصح مريض بعملية اذا ماينطي موعد بمستشفى اهلية وويسويها على ايديه هذا اذا كان عنده خدمه وخبرة لحتى يقفص براحته على حساب حياة المريض لان الروح عند اطباء العراق مقابيلها الفلوس اما الي متخرجين حديث تخريجهم على اساس غير الاستخفاف همهم صور الاستغرام من كوفي مطاعم وشايل فيب ويستعرض حركات تجي تساله بمواضيع طبية لو جوابه غبي ماله دخل لان معلوماته هربجيه لويعوج حلكه تحسه دثو لايهم ولايحس ولاينش طبعا كلامي للجنسين اما البنات همهم الستايل والاستعراض ماكو اي خلق مهنية ولاشرف حيائي واجب ولانكزة ضمير
@@milviii7 لين الطباء اصبحو شياطين الله على الرض جزارين حراميه الحرامي مو شرط يصطو على البيوت او المحلات او المصارف اكو انواع السرقات مره اخذت ابني الا احد الطباء اخذ الكشفيه مني وسجلي صابونه عاديه وسعره 750دينار يعني سعر الكشفيه مالته اجيب بيها 40صابونه عمي الطباء حرامي يتخرج من كليت الطب حرامي مو طبيب شيطان
بالعكس الحكومة مالها دخل هذا برلماني يعني جهه تشريعية ورقابية أما هذا الموضوع فإنه يدل على عدم جهوزية الجهاز الصحي في العراق وهذا تقصير من الحكومة طبيب مايعرف أسماء العلاجات وما الفرق بين نوعين من الأدوية !!!!!؟ هذا إجرام بحق حياة الإنسان.
@@moe_iq اهووو انت من هذا النوع، راح الخصها الك من الاخير ولو صعب تفهم بس انحاول، هذا صيدلاني خريج معهد سنتين يداوم بالصيدلية الي بالمستشفى ينطي المريض العلاج الموجود بالورقة ما اعتقد راح يكله المريض دكتور ممكن تشرحلي عن مكونات العلاج. وإذا ما فهمت ان شاء الله يجي احد غيري يفهمك احسن تحياتي.
@@MuStAfA24. الله وكيلك حتى الوصفة تلگيه مايعرف يقرأها.. ولو تسأله كلمة كلمتين بالإنجليزي يبقى يفر بأذنه. تمنيت هذا هنا بأمريكا والله چان يشوون على أذانه بصل ، بس غير بالعراق كله كلاوات وكلك.. حقك تحچي هيچ ، لو طالع وشايف التدريس بالخارج چان سكتت.. المهم الله يكون بعونكم على هيچ طب ، وأطباء، وهيچ مستقبل
المشكلة ليست في طبيب الخفر ( المتدرب) كون اكمال التدريب تحت اشراف الطبيب الاقدم واجراء الاختبار واجتيازه بنجاح هو من مسؤلية إدارة القسم وإدارة المستشفى ولا يجوز تسليم مسؤلية خفارة المستشفى لطبيب جديد ولكن يبدو أن سياقات العمل الادارية قد فقدت خلال ال 20 سنه الماضية وهذا بدوره تتحمله الحكومة و الكلام كثير
هو الحساب يجب أن يكون على وزير الصحة الذي ترك الأطباء الاختصاص بدون حساب حيث أن اسمائهم في الخفارات وهم في عياداتهم بعد ذلك البرلماني خليه يؤدي عمله في البرلمان اذا كان حريص
اي لان هذا دراسته كلها ادويه طبعا يعني يعرف شنو هالمنطق الطبيب دراسته تختلف والتشخيص بكليه الطب هو الي ياخذ القسم الاكبر باخر سنين وهي اساسا دراسة الكلية مو نفس من واحد يداوم بالمستشفى اول ما يجي دائما ينصدم ويشوف شي مختلف تماما هو ليش لعد سووها تدرج مقيم دوري ومقيم اقدم المقيم الدوري جاي يتدرب ترا مو المفروض هو الي علي المسؤولية هي على المقيم الاقدم @@user-yi7kj2jr5r
والله العظيم أنا ذهبت إلى مستشفى في بغداد وبصحبتي والدي دخلت على الطوارئ وكان فيها ثلاث أطباء في هذه الأثناء جاء أحد الممرضين وقال للدكتورة المريضة بدأت تتقيء قالت الدكتور للدكتور شنو انطيته علاج قال كذا وصرخت الدكتورة يا عز هاي شسويت مو هذا العلاج هذا جانب والجانب الآخر وفي مستشفى مدينة الطب أيضاً كان والدي مريض وتم تحويله إلى غازي الحريري والله كانت الخدمة التي قام بها الدكتور المقيم والممرضين روعة وكانت التكاليف مناسبة جداً تحياتي المستشفى مدينة الطب غازي الحريري الطابق التاسع وللممرضين والعاملين فيها
يوجد مأسي في ردهات الطوارئ ، اتذكر مرة اخذت والدي رحمه الله تعالى ، كلن ضغطه ٢٤ ، فحصته طبيبة الطوارئ فصرفتله مغذي مالح ( مياه مالحة) والمضمد بده يشدة بالوريد ، فآني انتبهت واخذتة ورحعت بي للطبيبة ، كان جوابها ( ها والله كنت ممركزة بالحالة ) !!!!!!! وللعلم هذه الحالة وأمثالها تتكرر يوميا عشرات المرات في ردهات الطوارئ ، وعشرات الوفيات يتسبب بها أطباء غير اكفاء
النائب طبيب وهو مسؤول في وزارة الصحة لكن الناس طشت بالنائب بعد ان كان هادي وهو يحاور موظف بوزارة الصحة وذلك الشخص قال انا لا اطبق قوانين وزارة الصحة بدات الناس تراقبه
حجي اني جاي احجي وياك معاون طبي خدمتي ١٠ سنوات والله العظيم أطباء الطوارئ حرامات يسموهم أطباء حاط السماعة ومصور نفسه نهاية الدنيا وهو مايعرف t من d شنو مخلص ٥ سنوات طب مايعرف السفترياكزون وين افرازه والله جريمه
ترى عادي هو متدرب وجديد ليش هل تهجم علي على الأساس انتم علماء هسه اني من الناس خطأ مره وياي دكتور وانطاني علاج خطأ لانو مجان لازم يكتبه بدون ميسويله اختبار تحسس لان خطير ووصلني للموت بيني وبين الموت جان مجرد دقايق بس رب العالمين نجاني وكتبلي عمر و د. جان متعين جديد بعدين هو مو نبي لو معصوم جلى من لايخطأ رجع وانطاني علاجات وسيطر على الوضع بعد مااكدر شصار والحمدلله رب العالمين لا حجينا عليه ولا سقطنا بي بعد ما رجعت تمام تشكرنا منا وطلعنا وهاي هي فليش هل حجي والتسقيط باخوكم وابن بلدكم اتمنى كل واحد يراجع نفسه قبل لايحجي
عزيزي اليوم انا من اخليك تتعين بشغله غير يرادلك ممارسه حتى تتعلم كل هلامور وتحفظ اسماء الادويه العلمي والتجاري هم اطباء متعيين جديد اكيد بعدهم وذول مو شغلتهم ينطون علاجات وانما هنالك مقيم و مقيم اقدم المفروض يكونون متواجدين في الطوارئ والنائب من غير الصحيح ان يسأل شخص تعين جديد عن مثل هكذا امور ولا تتصور ان حفظ الادويه باسماءها التجاريه والعلمية امر سهل فضلاً عن ان النائب سئل عن ما الفرق وكيفيه الاستخدام وما الى ذلك الطبيب العام لا ياخذ ماده الفارما اقصيد العلاجات الا في المرحلة الثالثه اعتقد. على عكس الصيدلاني ، فلا تاخذك العاطفه في مثل هكذا الامور ولا تصدق كل شيء تراه
ما هذه الفديوهات...العتب على من....القناة..النائب.. هل القصد منكم تصوير الواقع العراقي بأسوأ صوره.. أن كنتم حريصين على تصحيح السلبيات فلا يكون باهانة الانسان الذي هو عماد بناء المجتمع..
ما يحتاج تصوير الواقع بأسوأ صورة ،، هو الواقع واصل أسوأ ما يكون في الكرة الأرضية في كل شيء الصحة والتعليم والقضاء والخدمات و و و ...الخ وهذا كله في ظل الحكومة الايرانية الرشيدة
مع احترامي انت كاعد تمظرط هو مجرد اختبار سفهي وطلع الدكتور الجديد مثل الحمار لا يهش ولا ينس وهذا هو بالفعل الوضع العراقي وضع العراق ماخذ راحته وياهو اليجي يريحه اخر راحه.
المفروض كل سنة دراسية من المرحلة الأولى إلى نهاية المرحلة الرابعة في كلية الطب اوكلية الصيدلة اكو تطبيق في المستشفيات تحت إشراف دكاترة (أطباء قدماء ذووا خبرة قديمة)
ترا نفس الشي هسه تلكا هذا متخرج من جامعة حكومية اغلب الجامعات تنطي العلم بس تضل على الطالب مسؤلية حفظه وعدم نسيانه وهذا يتطلب مراجعه مستمرة وممارسة لان الادوية مو واحد لو اثنين
للي يگولون ليش المقيم ما يعرف طريقة تخلص الجسم من الدواء ترا الولد حقه لأن بالطب مادة الأدوية يندرس بالمرحلة الثالثة فقط وبيها هالتفاصيل أما بقية المراحل فقط ياخذون أسم الدواء الي يعالج المشكلة لذلك غالبا ينسى هالمعلومات الدقيقة بآلية تخلص الجسم من الدواء وغيرها وهو ببداية مهنته ومع مرور الوقت والممارسة راح يتعلم هالشغلات وبعدها ياخذ أختصاص وذاك الوكت يسيطر على مادة أختصاصو.
يخوي اللي يسمعك يكول هو سائله عن شي محد يعرفه الا الفلاسفه هو سأله عن اشياء بديهيات المفروض يعرفهن ابسط صيدلاني او طبيب او مساعد صيدلي حتى اسم الكلافوران العلمي ما عرفه مبين طبيب مطفي ونجح بالكلاوات وهاي الزيارة تمخضت عن فضيحة كبيرة لوزارة الصحة وكليات الطب.
@@ismailaliraqi1393 صح كلامك أخي بس يمكن الولد أرتبك أو توتر فنسى اني ردت اشوية ادافعلو لان الولد إذا شاف تعليقات الناس راح يتحطم نفسيتو فكما قيل ( التمس لأخيك سبعين عذراً) فخلي نشجعوا على اتقان عمله أحسن ما نتنمر عليه ونفضحوا ، نسأل الله أن يوفق هذا الطبيب وجميع أطبائنا وأن ينجزوا ما أؤتمنوا عليه في مهنتهم بأتم وجه ، تحياتي لك 🌷
@@ismailaliraqi1393 أولاً : أخي لا تعمم كلامك على كل الأطباء. ثانياً: الولد يمكن أرتبك أو توتر فنسى واني ردت اشوية أدافع عنه لأن إذا شاف التعليقات راح يتحطم نفسيتو فبدال ما نتنمر عليه ونفضحوا خلي نشجعوا وننصحوا وكما قيل ( ألتمس لأخيك سبعين عذراً ) ، نسأل الله أن يوفق هذا الطبيب وجميع أطبائنا وأن ينجزوا ما أؤتمنوا عليه بأتم وجه. أحترم رأيك وتحياتي لك 🌷
@@ahmed_khalid9 حبيبي الغالي اني ما عممت بس هاي ارواح ناس مو لعبة لازم كل شي يصير مضبوط مثل ميل الساعة بربك انت مستعد تروح لمستشفى وبيها طبيب ما يعرف اسمه الكلافوران سيفوتاكسيم وما يعرف السفترياكسون هيباتك سكريشن لو رينال سكريشن ؟! اللي هي ابسط اساسيات واوليات الطبابة اللي لازم يكون مفروغ منها من اول يوم بالكلية !!! اخي الفاضل بعيدا عن مسألة التنمر من عدمها القضية تمخضت عن فضيحة كبيرة ويجب التحقيق في اغلب او كل شهادات الطب التي تمنح في العراق للتاكد من اهلية اصحابها بعد هذه الحقائق التي كانت مخفية .تحية لك صديقي.
الطبيب الدوري يعني متخرج حديثا ومن الطبيعي ان لايكون على علم بكافة الادويه والمفروض يتم اولا عمله في الطواريء مع المقيم الاقدم ليتعلم الاساسيات في مهنة الطب ومن ثم عمله مع الاستشاريين وبعد مضي مده يتم عمله في الردهات بعد اكتسابه الخبره اللازمه ....النائب كانت محاورته للطبيب الجديد استفزازيه والمفروض به كنائب واحتما مهنته طبيب ان يعرف ذلك جيدا لانه مر بهذه المرحله بدلا من الاستهزاء والتنمر على الطبيب الجديد
عمي ما تسكتون ماعدكم شغل وعمل كلشي ما تعرفون عن الموضوع وجايين كل واحد يتفلسف على الولد هذا مقيم دوري يعني بعده يعتبر جاي يتدرب يعني ماسمعتوا شنو كله لو طرشان ؟؟ الدراسة بكلية الطب شي واول ما يتخرج الطالب ويصير مقيم شي ثاني الموضوع يحتاج تدريب وممارسة مثل ما ضربله مثال هو الواحد من يقرا كتاب كيف تتعلم السباحة انوب يجي يجفت بالماي يعرف يسبح ؟؟ افتهموا شوي .. المسوؤلية ما تكون على المقيم الدوري هذا الي توه متخرج المسؤولية على المقيم الاقدم والاختصاص لعد المن حطوا التدرج ؟؟ خو تعال وصير اختصاص كبل ؟؟لو عبالكم لعبة السالفة ؟ هو انتو بالمستشفى حتى الطالب بعده يدرس بالكلية وجاي يتدرب ما تفكونه من لساناتكم ! كل شوي سامعلة حجاية وماخذله خزره محضرينها على طرف لسانكم ماتصدكون الدكتور هيج والدكتور هيج ويعا
هذا مثل واحد حفظ جدول الضرب و راح يسأل غيره ، يعني يصير اسألك عن مدى و سبب فسادكم و نهبكم للشعب لو لا ، و هذا المسكين ارتبك مو لان ميعرف بس اكو هوااااااي شغلات تروح لان محد يحتاجها بالطوارئ ، وبالاخير اذا تنتقد النتيجه فالسبب انت و حكوماتكم و ادارتكم للوزارات و الكليات الاهليه و الموازي و الشهداء و البطيخ و تريد نتائج ممتازه ، روح احلم بعيد
روحوا ع الصيدليات الخارجية كلها ممرضين ومهندسين وناس لا تقره ولا تعرف شي اكو ومجرد بس يعرفون يبيعون و كلشي ما يفتهمون بالصيدلية مو ارواح عالم هم هاي !!!
قبل ما تسقطون بواحد اعرفوا اساسا شنو معنى طبيب مقيم دوري بعدين احجو عليه بس شعب يحب بس يسقط ويكمش سالفه عل واحد اساسا لو هو هيج مثل ما تفكرون كان نائب هذا طرده من عمله او رسبه ما كان كله تابع زملاء الأقدم منك والاخصائين كان رزله كان حمله مسؤلية قابل ما يفتهم النائب لدرجة امام الكاميرا يكله تابع ويه زملاء الاقدم منك وبس...، بس هو الواحد وين ينطي وجه بوجود ناس مثلكم هيج تحب بس سقط بغيرها لا شغل ولا عمل
سواء النائب تصرفه صحيح اوغلط ليش جاملون على حساب حياة الناس جاي اشوف باالتعليقات ناس دافع عن الصيدلاني اللي كلشي مايفهم وين دارس هذا هيه لعبه حياة الناس اتقو الله تخيل ابوك أو امك اوشخص عزيز عليك يوكع بيد هذا الطبيب ويصرفله علاج غلط شنو موقفك ذيج الساعه هم تكول قليل خبره
يا استاذ تعال لمستشفى القلب ذي قار اطباء اصغار ماكو اطباء اكبار هذا قلب مولعبه اما مستشفى الحسين حدث ولاحرج كلشي مايعرفون ذابين المرضى عالسسترات النساء والرجال والقذاره والأهمال يموتون باليوم بالجمله بمستشفى الحسين أخطاء طبيبه واجهزه الصغط والسكر كلها عاطله تنطي قراءت غلط المريض يروح بيها
الخلل بدراسة الجامعة ماكو شي عملي يهيئ الطالب لسوق العمل او للشغل الفعلي لازم من السنة الاولى دروس واقعية لكيفية العمل بعد التخرج مو المهم النجاح والدرجة و فقط احفظوا بدون فهم المهم هو كيفية العمل على ارض الواقع ولو يتبدل التعليم كله بالجامعات على اساس العمل الواقعي افضل بهواية وراح نشوف جيل واعي اكثر ومستقبل البلد يتطور بهذا التغيير
عيني تره بعده جديد ديكول طبيب مقيم دوري هالسنه تعين بعد ماعنده خبره تعال بعد شهر وشوفه اشلون اكتسب الخبرة مو بس هو كل الاطباء الجديد هيج والله ابني جان خايف اول سنه تعالوا شوفوا ما شاء الله خبره ويدرس بورد اتمنوله النجاح فدوه
ألعتب مو على الطبيب أو الصيدلاني بل العتب على الدوله التي لاتتعب عليهم وتدربهم ليش العراق اليوم لو البارحة بيه أطباء ..قبل كل الدول العربيه كان أطباء العراق والصيادله مفخره أمام العالم ..
اخوان عاطفتك خليه ببطنك حبيبي باجر من تجي على علاج لو يكلك شتري من بره لو ينطيك غلط المجال الصحي مابي عاطفة ولعب ارجوكم حاولوا تشجعون هيج كفائات اول مره تشوف نائب عندة هيج ثقافة صراحة مستغربين وجديده علينه
95% من أطباء المتخرجين من جامعات الأهلية لا يعرفون ضرب الإبر في جسد المريض فكيف تريده يعرف اسم العلاج كذلك شهادات العليا من إيران ولبنان هاي كارثة أخرى لا مثيل لها وطامه الكبرى سوف يتم تعيينهم في التعليم العالي أستاذ جامعي هههههههه هزلت ورب الكعبه
مع الأسف الشديد هناك حملة على الاطباء في العراق ومصر من شركات تدعي صنع أدوية لو كان كذلك فلماذا لا تشتري وزارة الصحة هذه العلاجات وتوزعها على المشافي ومراكز صحية
أنا أتعجب ألا يتم اختبار هؤلاء الموظفين عند تعيينهم؟؟ قبل فترة في دائرة النفوس ضابط لا يجيد الإملاء أقسم بالله وحتى عندما أخذت رقمه لغرض معين ظهر لي اسمه على الانستغرام مكتوب خطأ !!!!
اذا كانت رأس السمكة تالفة فلا تمني نفسك بأكل ذيلها. والعاقل يفهم ،والبركة في الأمريكان والإيرانيين وذيولهم الخبراء في السرقة والفساد ،ويا محلى النصر بعون الله
أول أكو حكومة حتى يتحاسب الطبيب ؟! يعني واقفة على هالشي بس !!!!! والدنيا كلها خربانه ! لا صحه لا تعليم لا خدمات لا أمن لا كهرباء لا ماي ! بلد يعمه الفساد والفوضى بكل المجالات !
داكافي وين مااروح الگيكم ناشريه ترا بعده طبيب دوري يعني ستوة متعين فاكيد بعده مو كل الادوية متقنها واصلا هذا شغل الصيدلي وهو من اسمة طبيب دوري يعني شوي شوي يبدأ يتقن عملة وكافي ترا مصختوها
نعرف تعين جديد بس ماكو دكتور خفر لو يظل المريض لصبح حتى 8يجي دكتور شوف المستشفى العلاجات شوفو وضع المرضى والعلاج من داخل المستشفى لو من برا يشتري المريض الاسعار دبل طبعاً صيدلية وهيه دولة كلها من تلزك منين ما تجي تعبانه
والله مستشفى مدينة الطب ينراد الهم كلهم فرز اغلبهم بلا علم وفهم دخلنا والدي للطوارئ وطلع من يمهم بعد مكام يمشي بسبب العلاج الخاطئ اللي انطوه اله وشهرين وتوفى حسبي الله ونعم الوكيل بيهم اجمعين كلمن تسبب بوفاة والدي والحمد لله والشكر ع كل حال
اي عود لمن تموت بسبب أن انطك دواء غلط و حكومه ما تحاسبه علمود تعين جديد ماعليه عتاب بعد صغير !!! واين لكيها هذا سالفه ترا دكتور ست سنين جامعه و سنتين مادري شكد مقيم بالمستشفى ومتوضف مادري سنه او شهر صارليه وماعرف فرق بين علاجات ؟!
كلش طبيعي في هذا الوقت لان الهدف تدمير العراق..ففي احدى كليات طب الاسنان الاهليه في البصرة يقوم عميد الكليه بتسريب اسئله الامتحانات لجميع الدروس وتسليمها لابنه وهو طالب مرحله رابعه والذي بدوره يوزعها على اصدقائه وخصوصا صديقاته علما بان مستواهم متدني جدا .
كافي روح ابني مستشفى جديد بدال ما تخلون أخطائكم بالاطباء نفس المدارس مدارس تعبانه ودوام ثلاثي والحر كاتلنا ويجون يسوون حركات وفعاليات وهو راتب المعلم مايسوة
حقه النائب يسأل هيج اسأله لان اذا ميعرف شلون قبلو بالطوارئ يعني ارواح الناس مو لعبه بديهم طبعا اكثر من مره نروح للمستشفى اله يستعين ويتصل بالطبيب لان يعرف شلون يصرف
رحت قبل اسبوعين سويت تحليل الدم وضاىف الكلى والكبد في إحدى المستشفيات مااريد أكول اسمها وبعد ماطلع التحليل رجعت لطبيب شاف التحليل كالي انتي عجز كلوي انصدمت وكمت ابجي عفتهم ورحت لطبيب اخصائي على حسابي سوالي تحاليل طلعت كل شيء مابيية مجرد تعب بسيط 😂لعد شكد راحو ناس من وره تحاليلهم الغلط😢 الله يكون بعون الفقراء
هذا هو التفتيش يدورون على اتفه الامور .ولا يقبلون اي واحد يشكو من اي نقوصات بالمستشفى . طيح الله حظكم وحظ تفتيشكم .والان دا تحرج الطبيب المقيم الدوري .لك هو دوري الان دا يتعلم .وانت حافظ كم كلمة داتطبقها على المقيم الدوري .طيح الله حظك وحظ الي دزك يامفتش ..ودا تحرج الطبيب وانت تعرف ان الناس ماتعرق مامعنى مقيم دوري ومقيم اقدم واختصاص .روح ارفع عضلاتك على مرتك 😂
