أول شي موفقين يارب بكل خطواتكن تاني شي لو سمحت يزن تنزل عن الادب الانكليزي شو درست و شو تعلمت وشو الفرص الموجودة بكندا لمدرسين اللغة انا دارس أدب انكليزي و عبدرّس حاليا وبدي اعرف اذا فيني سافر على كندا من خلال دراستي شو الطريقة و شو هيي فرص العمل هل في عقود عمل او برامج هجرة بتساعدني بمجالي عفواً عالإطالة و شكرا مسبقاً موفقين يا حبايب ❤️❤️❤️❤️
تسلم يا رب أخي مجد بعد ما وصلت على كندا، سجلت دبلوم دراسات عليا لتدريس اللغة الانجليزية لغير الناطقين فيها، بالنسبة لأي شخص بده يمارس هالمهنة في كندا، لازم يكون عنده بكالوريوس، و شهادة الدبلوم اللي عملتها، ومعدل شهادته حتى يكون مرخص إنه يمارس مهنة التدريس بمراكز اللغة الخاصة للقادمين الجدد إلى كندا اللي ما بيعرفه انجليزي، او للطلاب الدوليين اللي جايين يدرسوا بكندا و عندهم أول سنة دراسة للغة الانجليزية. بالنسبة لعقود العمل، فهاد شي شبه مستحيل، بالنسبة لبرامج الهجرة، فعندك اما الاكسبريس انتري اللي عملنا عنها فيديو كامل، أو هجرة المقاطعات اللي صراحة ما عندي خبرة فيها، بس ممكن تقرأ عنها أكتر. متل ما حكيت بالفيديو، انه كل شي عملته برا كندا ما عطاني اي افضلية، مشان هيك رجعت بدأت من الصفر. بالتوفيق يا رب و ان شاء الله أحلامك دايماً محققة
السلام عليكم شكرا على هذه الفيديوات الجميلة والمفيدة. سؤال: هل يمكنني التقديم على عمليين في برنامج (NOC) مثلا انا عندي خبره سياقة الشاحنات وفي نفس الوقت مجال دراستي هو ال(IT) فهل استطيع التقديم على العمليين او يجب ان اقدم على عمل واحد فقط؟
انا دورت ف فيديوهاتكم القديمة بس ملقتش اجابة السؤال ده، ليه مروحتوش ڤانكوفر ( خصوصا انها افضل ف الجو من مونتريال) ، او ليه اختارتوا المقاطعة دى عن غيرها ( اسف لو سؤال متكرر او لو انتوا جاوبتوا عليه قبل كده ف ڤيديو).
ألف مبروك يزن الله يكتبلكم الخير .. إذا ممكن تحكولنا بالفيديو القادم عن اختصاص ال IT واذا في صعوبات ممكن يواجهوها اصحاب هاد الاختصاص بكندا .. انا اختصاصي هندسة برمجيات هل تحتاج إلى ترخيص في كندا ؟
تسلم أخي ربيع، الله يبارك فيك يا رب ❤️❤️ بالنسبة لمهندسي المعلوماتية، فهم بحاجة إلي تعديل الشهادة ، و عند الممارسة ما بحاجة لترخيص على علمي بس بيختلف الكلام من مقاطعة لمقاطعة، الأفضل اذا بتقدر تقرأ من مصادر موثوقة حتى تتأكد ❤️❤️
طول عمرك شخص إيجابي وبتوزع طاقة إيجابية هائلة على الناس الموجودين بمحيطك، وألف مبروك تخرجك وإن شاء الله بشوفك دائما شخص ناجح بأي شي بتعمله لانك طيب وبتستاهل كل خير، وبتجننو سوا وبحبكم 🖤
حبيب القلب أحمد الغالي، ما بتتخيل أديش كلامك اله أثر حلو ، الحمدلله اني تعرفت عليك و عرفت معدنك الأصيل و عرفت أهل اربد النشامى من خلالك، ان شاء الله دايماً كون عند حسن ظنك❤️❤️ و نحن منحبك جداً جداً❤️❤️
اشتقنالك كتير بس الفيديو كتير حلو بيعوض الغياب و الله ياخي ما بعرف ليه و كيف حتى لما بتحكو عن مصاعب و مساوء للهجرة بتعطوناgood vibes هههههههه الف مبروك يزن الله يوفقكم يا رب
الله يسعدك يا ام صهيب الغالية ❤️❤️ ههههه ما بتمشي الحياة و مشاكلها بالنكد والشكوى ، بدنا نجتهد و نعمل شي نغير حياتنا فيه❤️ شكرا كتير الك على دعمك الدايم 🌹
ألف مبروك يزن بتستاهل خير. كتير مهم برأيي تعملو حلقة عن دراستك وأهميتهابسوق العمل لانو صعب نتخيل انو حدا عربي يدرس لغة انجليزية ببلد بتحكي انكليزي ،يعني الموضوع بيشبه شوي تصدير النفط للسعودية أو الكرواسان لفرنسا 😀 بانتظار جديدكن .
عن جد اشتقنالكم ❤️ الف مبروك يزن 🙌🏽 ربنا يخلكم لبعض و يدمكم سند لبعض.. كتير انبسطت بالفيديو .. و عن جد الاشياء البسيطة بتسعد خصوصا لما تكون مع البنحبهم ❤️❤️
اول شي الف مليون مبروك بتستاهل كل الخير يزن ، ثاني شي حلقه حلوه وهادفه وممتعه وبتمنى منكم اكيد تفيدونا بخبراتكم لننقلها لناس بحاجه لهيك معلومات وبتمنى تحكونا عن موضوع الدراسه او الجامعات يلي من خلالها ممكن الشخص يحول فيزة الدراسه لاقامة دائمة بكندا ، واخيرا كل شي ممتع بالفيديو وما تطولو علينا عطله سعيده.
الله يبارك فيك اخي طارق العزيز ❤️ و ان شاء الله حاضرين لأي استفسارات 🙏🏻 اذا منعرف فيها 🙏🏻 بالنسبة للطلاب اللي بيجو يدرسوا بكندا، فوضعهم سهل، ممكن يقدموا خلال وجودهم بكندا على هجرة الاكسبرس انتري ، و اللي اسمها in land express entry. معالجة ملفاتهم اسهل و اسرع من الملفات اللي بتكون عم تتقدم من برا كندا ❤️
الف مبروك يزن عقبال للمزيد من النجاحات ..عندي طلب اذا ممكن انا عم فكر بالهجرة انا و زوجي لكني محتارين بين دبي و كندا وبما انكم عشتو فترة بالامارات وهلا عايشين بكندا فاكيد لاحظتو الفرق بين البلدين ممكن تعملو فيديو عن فروقات العيش بين هي البلدين واي واحد فيهم احسن للاستقرار خاصة من الجانب المادي الراتب والمعيشة وفرص العمل والمصاريف الشهرية واذا ما بتقدرو تعملو فيديو عن الموضوع ممكن تجاوبوني بالكومنت اجابة دقيقة لاني فعلا محتارة كيف باخد قرار حابة اعرف تجارب ناس عاشو بين البلدين وشافو الفرق ..تحياتي الكم يزن وميسم