يازين من فرقاك روحي عليلة
والقلب عقبك ياهوى البال محتار
شي مقدر مامعي فيه حيلة
مانتب رخيص لكن الوقت غدار
ودي بوصلك لاشك مالي وسيلة
اخاف وأخشى من حكي بعض الأشرار
صابر وقلبي كن وسطة مليلة
وأبطلب الله جعل الأفلاك تندار
وترجع لنا ذيك الليالي الجميلة
وتصفى لنا الأيام من بعد الأكدار
يالله عسى فرقاك ماهي طويلة
يكفي الذي قاسيت من مر وأمرار
عليك ياراعي العيون الكحيلة
ياللي عقب فرقاك قلبي على نار
يابو عتيق القلب ضايع دليلة
أشوف حرف العين ماجاله أخبار
مافيه لي غيرك صديق اشتكيلة
أنت الذي عليك كشفت الأسرار
والله لولا اللوم واخشى الفشيلة
لاجيه لو عرضت نفسي للأخطار
اجيه لو هو في منامه واشيلة
وش عاد لو كان الحرس في فناء الدار
لاشك اخشى من أمور مهيلة
وينقال عني فلان في رجس وأوطار
كلمات ولحن بشير شنان
20 сен 2024