الله يرحم زوجك ويرحم زوجي الغالي ويجعل قبورهم روضة من رياض الجنة.....والله حاسة روحي راني جثة فقط حتى اولادي مانيش قادرة باه نقوم بيهم....لاني كي فقدت راجلي فقدت كل شيء كان نعم الزوج كان هو لي يتهلى فيا في نفاسي في مرضي كلن حنين رحيم عطوف .....رغم انو كان استاذ جامعي ومعندوش الوقت الى انو مكانش يرضى واحد ايقوم بيا لا من اهلو ولا اهلي كان يصبر على نوبات قلقي كان حتى او نغلط فيه هو يطلب السماح كان ايعوني في اولادي الخمسة..ايعاوني في شغل الدار .....كان ايعامل فيا كالاميرة....عشت معاه احدى عشر سنة من اروع ايام حياتي نساني حتى في اهلي....قد مانوصف فيه مانيش باه نوفيه حقو...كان نعم الاخ الحنون ونعم الابن البار.....عندو عشرين يوم ملي مات ومانيش عارفة كيفاه نكمل حياتي لانو كان جزء لايتجزا من كل تفصيلة فيها...مكانش يخرج ولا يسهر من الخدمة للدار ونخدمو كل شيء مع بعض.....حاسة روحي وانوثتي وكلشيء جميل مات وتدفن معاه.....يارب ارحمو وارزقو اعلى المراتب في الجنة على قدر الخير اللي داروفيا وفي اهلو ....واتمنى تدعولو بالرحمة والمغفرة
شكرا حبيبتي كون تعرفي كي كنت وكي وليت وليت انسان بلا روح وبلا حياة عايشة على 5:02 جال الاطفال وهذه الايام راني نتفكر في ذكريات في هذه العواشير دعيولي بالصبر والرحمة لزوجي حبيبي بالرحمة والمغفرة و😢😢😢😢😢😢😢الله يرحم زوجك وجميع موتا المسليمين .
يعطك صحة ختي أنا مات وليدي بعد ولادة 5ايام مات ربي يعوضني في إبن عبد الصمد انك على كل شيء قدير ادعولي اللهم صل وسلم وبارك على سيدنا محمد وعلى اله وصحبه اجمعين ❤❤❤
كنت اول وحدة شجعتك تفتحي قناة،كنت كل مرة نحلل فيك،كنت ضايعة مع ثلث اولاد و دار وحدي،منشوراتك فالفايسبوك و روتيناتك علمتني التنظيم و الترتيب،اذكر جيدا لما سينيالاو لك الصفحة و الفايسبوك بسبب نصيحة على الحجاب، و اذكر وقفتك مع صديقتك دلال،وكي جات دالتك ما وقفتش معاك،حتى ام زكي انا حطيت منشور في مجموعتها باش تحط لك دعم لكنها مسحت المنشور،انا راني داعمة اولى ليك و كلما نغير ايمايل نعاود نتبعك،احبك و سابقى احبك،و لن انسى وقفتك معي في عز ضياعي،للان مازلت احضر صينية القهوة فالليل😂 شكرا عمري و ربي يرحم كريم و يلاقيك بيه فالجنة
فصيحة اللسان صامدة و قوية جينا نصبروك صبرتينا احسن حاجة يديرها الراجل انو يزوج بمرأة واعية و قوية يستقوى بيها و مايخممش على ولادو بعد غيابو يخلي إمرأة ب 10 رجال برافو عليك
ربما الفيديو هدا اقويني لانو دوام الحال من المحال انا كنت متزوجه 9سنوات وانا كما قلت في منطقه الراحة والعام الماضي كنت راح نروح للعمره مع الزوج ولكن المكتوب مكتبش لذلك لواحد كي ميحكمش لبلايص للسفر ميهدرش او راجلي كي قال لعايلتو جاو كامل ضدنا وعلاه نروحو للعمره وحنا صغار حسيت بلي كل حاجه يكثر عليها الحس متطلعشاو في ظرف شهرين انقلبت الموازين او رجع زوجي غارق في ديون 😢😢😢😢ربي يفرج عليا وعلى كل واحد مهموم
انها العين والحسد انا والله قلبلي حياتي تعب اولادي كامل مراض مشاكل بين الفترة والفترة وقف الحال وحتى الان يعس فينا رغم كل ماانا فيه لكن مامسكة بالله ولنا يوم لاينفع فيه المال ولا بنون ونوصيك البعد والستر والتوكل على الله
والله غير صح انا زوجي مات عندو شهر ما نقدر نطيب ما نخدم شغل ماندير والو راني غير نقلي البيض والبطاطا لبناتي راني نخمم في رمضان كيفاش ندير ادعولي بالصبر
محتواك أختي إيمان راقي ومحترم. يخاطب العقول السليمة. انت لست من من تتاجر بسلع بيتها لرفع مستوى المشاهدات. من أجمل وأرقى القنوات الجزائرية. أدامك الله في ذكائك وحماك الله من كل حاسد اذا حسد
لا والله اختي تسنيم..لا تبالي بكلام الناس.. أنت انسانة راقية والرقي رزق من الله....حنا نقولو الغيرة تهدر..خليك مع ربي..راكي هايلة ما شاء الله تبارك الله.. أنا واحدة نتبعك من هنا من باريس...بارك الله فيك و في اولادك...اختك هانيا من باريس
اول فيديو شفتو في قناتك صدفة عن تربية الابناء واكثر كلمة اثرت في هي اولادك ضياف عندك من نهارها دخلتي قلبي وحبيتك في الله وتحز في نفسي نبرة الحزن الي نسمعها في صوتك لانك تستاهلي الفرح ربي يرحم زوجك ويوفقك ويصلح اطفالك واطفالنا ويهدينا الى مايحب ويرضى انا فقدت ابي حبيبي منذ 5 سنوات لليوم حاسة خبر وفاته كذبة ربي يرحمه وينعمه ويجعله من اهل الفردوس الاعل
يا عمري و الله مدخلتش قناتك عندي شحال اكتشفت كي توفى زوجك الله يرحمك تبعتك الفديوهات عليه و رني بزاف فرحانة تبدل صوتك كنت حزينة و بحباحة ربي يقويك أكثر و تفرحي بوليداتك و رجعو لك الكفاح لي ركي تجاهدي من أجلهم ❤
قوللك مايحس بالجمره غير لي كواتو كلامك صواب ربي يكون معاك ويقدرك على وليداتك ويفرحك بيهم ويعوضك خير ولي راهم يهدرو على الماديات ربي يهديهم الماديات ماراحش يجو في فقدان الزوج حاجه صعيبه ربي يرحم كريم وجميع الموتى المسلمين
ياختي نقولهالك بكل صراحة كنت نشوف فيديوهاتك مانحسش بشغف باش نستمع ليك لكن بشوية بشوية وليت نحب نسمعك ونستنا فيديوهاتك ونسمعها بكل قلب رحب وربي يرحم زوجك وجميع موتى المسلمين
كنت مترددة اني اهدي انسانة هدية عزيزة عليا بصح غ سمعتك تهدري على الإيثار وقفت الفيديو و رسلتلها مباشرة رسالة اني جايبتلك في المساء هديك الأمانة بسررعة كتبتها باش ميوسوسليش الشيطان فعلا بارك الله فيك
كل كلمة قلتيها عشتها وراني عايشتها موت الزوج دمااااار مهما يكون مليح ولا قبيح بصح والله راني نخمم كفاه نكمل حياتي بلا بيه وحد الصماطة في حياتي الله المستعان وخلااص بعدا رمضان هذا الناس تفرحلو وانا لوكان صبت ما يلحقش الله غالب بلاصتو باينة وفاااارغة
ربي يقويك اختي و ربي يقدرك ان شاء الله انا ماما ماتت فقدت كلشي مقدرتش كنت كل حاجة نطيبها على جالها هي تبغي الحلو كنت نديرلها باش نفرحها مي راحت مقدرت ندير والو والله كلشي يجي صامط وربي يصبرني على وفاتها يارب 😢
بارك الله فيك ❤❤❤من فضلك نحس أحيانا انو أنا اعوذ بالله من كلمة أنا مسلمة فقط وراثيا يعني والديا وكمل بصح انا حابا نعرف الله اكثر ونتقرب منو اكثر لانو حقا يستحق العظمة ❤❤❤❤❤
السلام عليكم جميعا نحاولو جميعا نتعاونو مع ام تسنيم باش القناة ديالها طلع ان شاء الله ؤ تقدر تقضي ديون زوجها الله ارحمو ووسع عليه لأنه معلق بهذه الديون.نحاولو جميعا جزاك الله خير الجزاء
احسن. واروع محتوي. شفتو في حياتي. وطبقت. علي هدرتك الكثير. وانا راني من متتبعاتك من اول. فيديو في اليوتيوب. وكي مات زوجك ربي يرحمو. والله والله والله. نتي تبكي وانا نبكي. يا بعد اول فيديو. بعد العدة. حسيتك مكسورة. ومجروحة. وهدرتك والله ضرتني بزاف. وكي وليتي. بالشوية. تتنحالك. هذيك الغمة. فرحتتك. كي شغل اختي انتي نعم الناس ونعم التربية.
يعطيك الصحة في كل كلمة قلتها ...وربي يزيدك من خيروا ...وما تسمعيش للانفس المريضة الحاقدة وانشاء الله يحفظلك اولادك ويعوضك فيهم خيرا ياراقية ..وانشاء الله تسكني قصور الدنيا وقصور الجنة ...🌼
والله العظيم يا ختي قلتي كل كلمة صحيحة ونا راني في ضرف والله غير راني خايفة المشكلة صعيبة راني متزوجة من امثر من عشرين سنة بدون اطفال والغربة عايشة في اسبانيا زوجي الان مريض والله غير راني خايفة على كلشي لانه دار جنسية اسبانية ونا محبيتهاش وبصح مكنتش عارفة اني معنديش الحق اذا ربي دا امانته معندوش الحق فل التقاعد نتاعو وكذالك البيت هية نص ليه ونص لية لكن اذا مقدرتش ندير اوراق عقد زواج جديد معنديش الحق في اي حاجة الموت علينا حق اذا الأولة ولا هو لكن نضت وقلت منستناش هدرت مع خويا قلتلو افريلي أوراقي الحمد لله قالي راني هنا نجري عليهم ونبعثلك متخافيش ادعولي لزوجي ربي يشافيه والله ما همي اي حاجة لكن راني عارفة نتميزر هنا باش نخدم كارط وين نروح امي ماتت الله يرحمها ويغفر لها ويسكنها فسيح جناته وبابا عاود الزواج مرتو موصيبة كبيرة حرشاتو كامل علينا ولا يا تعطوني الدراهم نصرف على لونجة نتاعو ولا ماكمش ولادي راني نعطيلو خاوتي بولادهم شكون لي نروح عندو حتى ونروح دارنا مرت بابا ديرني نشاف نهدر برا ها المشكلة ربي يجيب الخير ادعولي برك
اختي لا تتوقفي عن الدعوة الى الخير وطاعة الله و الاعمال الصالحة فهذا ما سيفيدنا في دنيانا واخرتنا لا غير اللهم ثبتنا على دينك في ميزان حسناتك وبالتوفيق
السلام عليكم ورحمة الله وبركاته مساء النور كيفك وكيف صحتك وأولادك اسلوبك في الكلام والتعبير بلسم على القلب انا عن نفسي اعتبر كلامك دواء شافي لي واتمنى ان التقي بكي في يوم من الأيام رب يحفظك ويسعدك ويوفقك
محتواك اكثر من رائع حبيبتي اقسم بالله لما نسمع صوتك وكلامك من ذهب انحس براحه نفسيه كملي ما اهمك انتقدتهم دليل على نجاحك.يا رب اجبر بخاطرك هذه المراه كما جبرت بخاطرك سيدنا محمد ليلة الاسراء و المعراج
ربي يشفيك ويعافيك ويرفد عليك الضر ياأختي وإن شاء الله تنوضي وتتهلاي في زوجك ووليداتك.راني حاسة بيك كي تطيح لك صحتك مكانش اللي يرفدك سورتو مين يكونو وليداتك صغار والزوج خدام وتولي تشوفي كل حاجة قدامك و ماتقدريش تنوضي تبقاي تشوفي غير بعينيك.ربي يرجعلك صحتك وتوقفي على رجليك ربي قادر على كلشي اكثري من الدعاء وربي يغير أحوالك.هذا إبتلاء راكي فيه باش يشوفك ربي إذا تصبري ولا لا،إن شاء الله في ميزان حسانتك وربي يفرحك ويفرج عليك
أنا من متتبعاتك أشهد شهادة حق أنك امرأة تقية نقية قناتك المميزة أظهرت مدى صدقك وإخلاصك وحبك لعملك و دعوتك إلى الخير للجميع أهمها التكافل الأسري والتلاحم بين الأفراد ودعوتك إلى التشبث بالقيم الإسلامية لأنها السبيل الوحيد للعيش بطمأنينة وسط تناقضات غرضها تهديم الأسر وهي أساس بناء المجتمع بارك الله فيك وحفظك
ربي يحفظك العزيزة نتاعنا. عندم مكانة كبيرة في قلوبنا. ربي يجازيك على كل كلمة وهمسة قلتيها راك غيرتي في ناس يااسر وجبرتي خواطر كثيرة نتمنى من النساء يقتادوا بيك... كثري لينا من الهمسات والروتينات شرف كبيرة انك تصوري لينا دارك. لأنوا اعتدنا غي لخاطي طريق واصحاب المحتوى الرديء غي هوما لي عايشين لبال vي. يعني رداءة تجيب الماال. وانت اثبتي العكس لاصحاب القلوب الضعيفة لي يمكن يتاثروا بيهم. وان طريق ربث هو صح. وقدرتي تبيني انا الماديات لا تسوي شيءا امام وجود شخص غالي في حياتنا... ربي يرحم زوجك كريم و يقدرك على هذ الامتحان الصعيب و يحفظ ليك وليداتك وتشوفيهم في اعلى المراتب
كلامك صحيح، انا توفى زوجي ربي يرحمه ويغفر له ويسكنه فسيح جناته يارب العالمين في نفس الفترة لمات فيها زوجك ربي يرحمه ويغفر له، و مازالني لحد الآن ماعنديش رغبة في الطبخ و النفخ و الله راني غير نطبع و الله المستعان
صح حبيبتي ما يحس بالجمرة غير ليكواتو أنا من لي فقدت زوجي كمال ربي يرحمو ويرحم زوجك وجميع موتى المسلمين تغيرت حياتي حتى الأطباق لي كان يحبهم ما نحبش نطيبهم حياة الأرملة صعيبة خاصة كي يكونو لولاد صغار معانات كبيرة وتعب شديد إضافة إلى الحقرة والسيطرة من أهل الزوج وعبارة مات راجلك ماتسالي والو وقول ذوي العقول المتسخة بالماديات واش خصك ياك خلالك شهرية باش تعيشي دون الشعور بقيمة المرأة بدون زوج ربي يقدرك أختي الغالية على المسؤولية ولي كذالك ولكل أرملة تعاني في صمت
صح مايحس بالجمرة غير لكواتو ربي يكون في عونك وعوني وعون ام تسنيم وكل ارملة صابر ة نحتسب الاجر عند ربي سبحانو والعوض الجميل ونجاورو الرسول عليه الصلاة والسلام
بالعكس عمري محسيتك زواخة ولا فواخة باللعكس تباني طيبة القلب والله حبيناك بلا منشوفوك وفيديواتك فوق الروعة متتراجعيش خاطر كامل فيديواتك كلهم في القمة شابو ❤❤❤ ياحلى امم تسنيييييم
ماشاء الله ربي يبارك فيك وفي افكارك و كلامك الراقي و الرائع يا ارقى الناس👍👌كي نسمع همساتك ارتقي بتفكيري ونظرتي الامور تتغير ربي يقويك ويديم علينا و عليك الصحة و العافية يارب
ماشاء الله عليك اختي ربي يحفظك ويخليك تاج على رؤوس ولادك ويحفظهملك ويرحم زوجك وربي يهدي الاخت لي علقتك هاذاك التعليق وانت اختي ما عندك حتى علاقة بالزوخ والفوخ انت انسانة بسيطة ومتواضعة وفي قمة الرقي❤
قبل ما نشوف الفيديو نعلق أنت إمرأة صالحة وقدوة حسنة بإمتياز إمرأة بمعنى الكلمة . حسبيا الله ونعم الوكيل في أهل زوجك الغدارين المنافقين يخلصو فالدنيا والآخرة
الله يرضى عليك نفس فكر حت انا بعيد عن روتينات لا مستحيل عند الله مستحيل واصلي دربك انت قوية بالله سبحانة قوي يكون قوي بالله وليس بالمناصب احبك في الله انت عندك هدفك واضح اسعي من اجل الله
شكرا حبيبتي راكي في القمة و ان شاء الله تبقاي في القمة، والله تعلمت منك بزاف و كنتي سبب في خروجي من اكتئاب. ربي يوفقك و يوفق اطفالك و يجعلهم ذرية صالحة ❤😘🥰🌹
ارضاء الناس غاية لا تدرك... واش ديري ماراحش يرضاو.. خاصة ناس لمريضة.. واصلي انت. امراة قوية ربي ابتلاك.. ربي يعوضك ويصبرك الصبر الجميل.. احبك في الله ♥❤
ماشاء الله انسانة رائعة اكملي واصلي راكي في القمة انا راني كبيرة في السن ونتابعك. كلامك صح .ولا تهتمي بكلام الفاشيلات .هذه غيرة قالك ليهدر في النوار غير لي غار .انت نوارة وردة
الله غير كيما راكي تقولي ،حياتك تتبدل 360درجه لوكان مشي ولادنا ماكناش عايشين،البريق تاع الدنيا راح.ربي يرحمهم ويقوينا وصبرنا ويقدرنا على تربية اولادنا .مايحس بالجمرة غير لي كواتو.
