اشترك في القناة وفعل التنبيهات ليصلك كل جديد وحصري
العمل محمي بـ حقوق صوتيه ومرئيه ©️
لتواصل : alfan.link/h2mbr
حفل زفاف
عبدالله محمد راشد الرويبي السبيعي
اداء خالد ال بريك
كلمات ناصر مفلح الرويبي
الكلمات
يالنديم اللي كلامك عذب واسرارك دفينه
صاحبك غير المقام الزين ماشد اهتمامه
المواضيع القديمه خلها بينك وبينه
واسمع اللي في ضميره مالك ومال الملامه
أن رضا تنقل هموم اللي يعاني راحتينه
وأن زعل حول عقاب الحوم من قمة تهامه
الشجاع الله يعيينه والكريم الله يعينه
والردي مافيه طيب ولا جميل ولا شهامه
دايم اللي فيه ريبه شغلته مثل الكبينه
عادته لامن تكلم صاحبه ينقل كلامه .
الحظيظ اللي رضا ربي عليه ووالدينه
والتعيس اللي مصيره وييل في يوم القيامه
من سلك درب التغاضي عن لسان اللي يهينه
لا يدور في صدور الناس قدره واحترامه
بيض الله وجه من يندى على الشده جبينه
وسود الله وجه من هو فالقسى تبرد عظامه
من ضرا ياخذ فناجيل النواميس بيمينه
فالمواقف مايحسب حساب لباس العمامه
خلو الشعر الحقيقي واسمعو يامبدعينه
لا حضرت اطور الابداع واغير نظامه
ماتشد الانتباه اللي تجي ماهيب شينه
ماتشده غير من فيها تبجاح وفخامه
يوم اقلطها على اهل المجد حامين الضعينه
كني اقلط لخطرهم من السبع كرامه
ياعيال محمد اللي كل مجدن كاسبينه
الفخر من طيبكم حزتو على ذروة سنامه
يالوطايين المقام اللي يشرف رافعينه
من مواطيكم يحن الطرش وتنوح الحمامه
وانت يا عبدالله محمد مقامك خابرينه
من خصال ابوك لاقي فيك شارات وعلامه
كل مايطري علي لا تشره اليا قلت وينه
والله اني من غيابه ذايقن حزن وندامه
شايبن مبدا سنينه خير لين آخر سنينه
تجمتع فيه البشاشه والذرابه والقرامه
يوم غيره يجمع أمواله ورى باب الخزينه
مد يمناه الكريمه مثل همال الغمامه
ترثة اللي جارهم وقت الحرايب محتمينه
من نخى خيالة الشرفاء يبشر بالسلامه
عادة الاد الرويبي تلحق العاصي غبينه
وعادة الاد الرويبي يستحلون الزعامه
الخوي حنا حزامه والجلاوي نوم عينه
والحريب انعذبه في واقعه ولا منامه
فالزمان اللي خطوبه للبشر ماهيب زينه
لا ركبنا خيلنا نطرح على الطاغي خيامه
استحلينا سمو المجد من واوه لسينه
واستبحنا كل قمه واعتلينا كل هامه
يوم اعد افعالنا واصنع من الابداع عِيِّنه
كني اللي صانع أمجاده على ظهر النعامه
اسمنا الغلباء وعرش المجد دايم معتلينه
كل مانطري على التاريخ عليّنا مقامه
(لو تعيّن فالصحاري من يقودون السفينه
مستحيل انك تعين في بني عمي هلامه )
#سبيع #سبيع_الغلباء
12 сен 2024
