يوم السبت 6/7/2024 اجيت اسمع هذه القصيده عگب باجر الاثنين محرم قبل كم يوم مخلصه متحان خارجي سادس كلش خايفه من النتائج الي يشوف تعليقي يدعيلي انجج،😭❤️🩹
كم من الجميل هو احياء التراث القديم …… لقد كانت هذهِ القصيدة في زمن النظام البائد الذي القيت في مدينتي خرنابات في محافظة ديالى عام 1977 وكانت رمز للثوار في وجه النظام البائد اللعين ولا زلنا الى يومنا هذا بسمع هذهِ القصيدة الخالده من ذلك اليوم الى يومنا هذا 🖤
يـحـسـيـن بـضـمـايرنه ... صحنه بيك آمنه لا صـيـحة عواطف هاي... لا دعوة و مجرد رآي هـذي مـن مـبـادئـنـه ... صـحنه بيك آمنه ابـتـكـويـن الـبـشـر يحسين متساوين نوعيّه جـسـمـه و مـحـتوى واضح معروف ابتساويّه الـشـيء الـبـي خـفي اومجهول نزعاته النفسيه هـيّ ابـدورهـا اتـكـشـفـه تظهر لك مخافيّه اتـكـشـفـه امـن اتـجاهاته شر يو لا حسن نيّه و احـنـه ابـفـسـك آمـنه امن اعرفناها قدسيّه ابـشـخـصيتك لمسنه اوصاف منوجدت بشخصيّه لـمـسـنـه بـيك أبو الأحرار عرفنه الموت حريه لـمـسـنـه بـيـك أبي ومتلين عرفنه الذل عبوديّه لـمـسـنه اعله الكرامه اخطيت عرفنه انريدها هيّه لـمـسـنـه ابـذنب دم وحيك عرفنه الدنيه وقتيّه لـمـسـنـه قـسـوة اعـداءك عرفنه احنه فدائيّه اعـرفـنه انظل بدين ايزيد ... من ايد القساوة الايد إقـبـلـنـه و لـمـن إقبلنه ... صحنه بيك آمنه عـن سـابـق عـلـم يـحسين عن تركيز بالفكره حـبـيـنـاك و تـبـعـنـاك نتوقع قصص مره نـتـوقـع وقـت مـحذوف ساعات التمر خطره مـا بـيـن الـيـكَـيـدنـه بـين ايدبر الغدره مـع احـسـاسـنـه هـذا و الـشفنه او ننتظره آمـنـه او تـوطـنّـه عـلـى كل شي بعد يجره مـعـلـوم الـشيم أزهار ايوخزه الشوك بالشجره اعـلـى ريـحـتكم شنو الازهار نتحمل أذه جمره تـربـة كـربـلـه تـشهد من دمنه أصبحت حمره يـوم الـعـاشـر بـعـاشور هم يشهد بعد ذكره كـل طـعـنة رمح تشهد او كل سيف الطبر طبره كـلـهـا اتـصـيـح آمـنه بمحبتك يبو العتره حـقـيـقـتـنـا او طبيعتنه اكتبناها على الفطره احنه و كل دمع مهدور ... كل طعنه او جرح و نحور ابـسـاعـات الـشرف كلنه ... صحنه بيك آمنه يـحـسـيـن ارتـبـطنه اوياك بالدم بالنفس بالجيد مـثـلـمـا قلنه على الفطره لا صدفه و لا تعويد افـرض نـشـد عن خطك و انسير اعلى خط ابعيد افـرض يـجـتـدبـنه الكَاك يسحرنه هوه التجديد افـرض نـلـتـهـي انـقـامر نتصدق بلا تقييد اشـمـا تـفـرض بعد يحسين اشما نعمل بعد وانزيد لا بـد مـا تـجـي الـسـاعه البيها ننتبه و انعيد لا بـد مـا هـو الـرحـمـه يدركنه اونرد اجديد حـتـى انـجـانـه نـهـرم يضعف حيلنه و انبيد لا نـقـدر نـحـرك راس لا نـقـدر نـحرك ايد لنشوف و لا نسمع صوت ... اتسند له وسادة موت بـآخـر نـفـس احـسـبنه ... صحنه بيك آمنه عـلـى سـيـرة عـقايدنه انحبكم يبن داحي الباب فـتـشـنـه ابـمحبتكم ما ظل على العين احجاب لا حـب محترف طامع لا حب هاوي شب او غاب حـب الـمـحـترف عنده ابتحقيق الارباح احساب حـب الـهادي يتنقل وي اهواءه اعلى ساعة او باب الـحـب حـبـنـه العله الفطره العلمعتقد بالالباب رواد الأصـول اتـقـول عـالـيـعتقد ما ينعاب حـبـيـنـاكـم او حـنه ابين الرحم و الاصلاب عـلـى هاي العقيدة انسير الحاضر و اليجي و الغاب عـلـى كـل صوت من عدكم نرفع صوتنه بيجاب ابصوتك من صحت يحسين... هل من ناصر الها الدين مـا بـيـن الاصـلاب احنه ... صحنه بيك آمنه مـر بـيـنـه اعلى حبكم دور لا ينسّه او لا يخفه مـن عـدوانـك الـجـانـت بـينه اتريد تتشفّه عـلـيـنـه أفـرضـوا أحكام بلا رحمة و لا رأفه ثـبـتـنـه بـثـقـه اوبـرهـنّه للظالم رغم أنفه حـتـى مـن نـجـي انـزورك على العاده المأتلفه يـتـحـجـج عـلـيـنه ايريد يمنعنه بألف حرفه قـال الـلـي يـزور احـسين و لمهما يكن ظرفه عـلـى مـيـة ذهـب يـدفع رسم ازيارته ايكلفه دفـعـنـه او كـل شخص منه يشعر بعده ما وفّه شـنـهـو الذهب شنهو المال اليحب يتوطن الحتفه رد قـال الـيـزور احـسـين امن ايده ينقطع جفه انـطـيـنـه اجفوفنه بالحال ركضنه انزورك ابلهفه عـنـك ما منعنه الخوف... قطعوا من ايدينه اجفوف مـن الألـم مـا صـحـنـه ... صحنه بيك آمنه عـشـت يـبـن الـنبي فترة يصعب عل اليحددها مـات الـنـبـي او انـظمته جديدة عهد مولدها و الـنـاس ابـكـفـر و بـدين مضطربه عقايدها لـن حـكـم ابـن ابـو سفيان بدأ للنظم يفسدها ديـن الـدولـه صح اسلام يصم احلوك و يسددها يـا ديـن و أمـيـر الـشـام الـها الجلمه يرددها مـا قـاتـلـتـكـم لـلصوم لا حج لا محمدها ابـهـا الـذهـنـيّه و المفهوم الأمور خلافة مهدها عـلـى ديـن الـملوك الناس اشما بعد تعبد تقلدها ابـهـا الـرد الـفعل يحسين ابها الفوضى التشاهدها قـمـت واطـلـقـت هالصرخه الما تتأول العدها إن لـم يـسـتـقـم هالدين كَلتها او اثبتت عدها و بـعـد جـلـمتك لن صوت ارتفع نيته ايفندها صـاحوا اشركت يحسين ... صحنه انته اصول الدين صـاحـوا بـيـكـم اكفرنه ... صحنه بيك آمنه
في يوم عاشوراءي حزين كان طالب الصف السادس الاعدادي حافظاً لهذه القصيده عن ظهر قلب فطلب اقرانه من قراءتها فما كان من ذلك الشاب الحسيني ان يصعد على احدى الطبلات ليهدر بصوته الشجي الحزين ودموعه جاريه حزناً للمصيبه وغير مبالياً بما سيدفعه من ثمن جراء جرءته في التحدي لذلك النظام الدكتاتوري الجاءر وفي عام عمت الاعتقالات والاعدامات والتهجير التعسفي لاتباع نهج الحسين اعتقل عبدالرسول محمد جواد في تلك الليله ولم يعرف مصيره الا بعد السقوط من مبعثرات اوراق الامن من انه اعدم بسبب قراءته هذه القصيده رحم الله شهداء الدرب الطاهر وسدد الله خطى من نهج وينهج على دربهم مرضاةً لله وولاءاً وتولياً لحماة الدين.
ثلاث قصائد تذكرنا بشهر محرم الحرام وهي قصيدة يحسين ابضيمايرنه وا قصيدة يا شهر عاشور للرادود حمزة الزغير وا قصيدة اشلون بية او ثكل وزن حسابي ايضآ للراحل حمزة الزغير رحم الله جميع رواديد الحسين وجميع شيعة امير المؤمنين ❤💚💚❤
احسنت ياحسيني هذا شعو ر كل ا لموالين شيعة امير المؤمنين نحن مجانين بحبك سا حبيبي يا حسين ...خسران الماعنده هذا الاحساس والما يوالي محمد وال بيته المعصومين الطاهرين لماذا والوا المنافقين اعداء الرسول واهل بيته الطاهرين تركوا طريق النور والحق واطاعوا اهل الضلاله والخيانه بعد استشهاد الرسول سما ؟
الفطره الحسينيه الممزوجه بقمة المعرفه اخرجت هذه القصيدة الخالده على مر العصور رحم الله الكبير ياسين الرميثي وشاعرها العملاق المرحوم عبد الرسول محي الدين
الله يرحم هذا الصوت الصادق اللي ينطي مصيبه الحسين حقها السلام على الحسين وعلى على ابن الحسين وعلى اولاد الحسين وعلى اصحاب الحسين فعلا هذا القصاءد اللي تشعل النار بمحبي الحسين عليه السلام
هاي القصيده تغطي على كل القصائد والرواديد والشعراء هي وبس تحسسنه بمحرم صدوك هاي القصائد التراثيه ياسين الرميثي وحمزه الصغير وعبد الزهراء الكعبي وجاسم النويني
عظم الله لكم الأجر والثواب بمصاب اهل البيت عليهم السلام اني من الرميثه لحكت عل شيخ ياسين بيتهم يم اخوالي بالقشله من رجع من الخارج ب2003 جان عمري 8سنوات وشفته بعيني من بصفي بسياره والناس كلها تمشي ويا وتسلم عليه الف رحمه عل روحك الطاهره 😊وجاي اسمعها اليوم الاربعاءيصادف الثالث من محرم الحرام
الشاعر الرادود المرحوم عبد الرسول محي الدين شاعر مجيد عُرف بقصيدته ( يا حسين بضمايرنا ) والتي قرأها الشيخ ياسين الرميثي رحمه الله في عام 1977 وهو عام انتفاضة صفر المجيدة ضد يزيد العصر صدام.وهذه القصيدة من القصائد الخالدة ولذا ارتايت ان اسجلها كاملة في هذا المقال خلوا من الاخطاء الاملائية التي شاهدتها في احد مواقع الانترنت. ان هذه القصيدة على الرغم من اسلوبها الشعبي البسيط الا انها تحتوي على الكثير من المعاني السامية العظيمة والعشق الملتهب للحسين عليه السلام ابرازا لدوره العظيم في احياء الاسلام:لاغرابة اذن ان منعها صدام وعاقب كل من يسمعها او يحتفظ بها!. القصيدة تعرض لنا ببساطة من هو الحسين ولماذا نحب الحسين وماذا يجب ان نتعلم من الحسين وكيف ان كل مبادئ الانسانية تم تنقيتها من جديد على يد الحسين (ع) بعد ان اصابها الصدا واسود بياضها على يد بني امية واشياعم من يوم السقيفة وليوم الناس هذا. لاشك بعد هذا ان احياء امرسيد الشهداء وسيد شباب اهل الجنة الحسين عليه السلام في كل وقت انما يساهم في اكمال مسيرة الحسين عليه السلام وكمال المسيرة الحسينية سوف يتحقق ان شاء الله بظهور الامام المهدي عليه السلام ف(بقية الله خير لكم ان كنتم مؤمنين، هود ايه 86) وقال الصادق عليه السلام احيوا امرنا...رحم الله من احيا امرنا. فكل طعنة رمح تشهد وكل سيف الطبر طبرة كلهـا تصيـح آمنـه بمحــــــبـتـك يـا ابوالعـتـره فهنيئا لشيعة وانصار ابي عبد الله الحسين ورضي الله عن شهداء شيعة اهل البيت عليهم من صدرالاسلام الاول والى يوم القيامة .
يعيش الحسين عليه السلام في الضمائر . فيزهر قبسا من نور . وألقى في المشاعر . وعبقا في قلوب محبيه ومواليه . فسلام عليك يا أبا الأحرار وسيد الشهداء . والفاتحة لروح المرحوم الرادود يسين الرميثي .
السلام عليك سيدي ومولاي يااباعبدالله ورحمه الله وبركاته ياحسين بضمايرنا 😢😢😢😢😢 اللهم ارحم ياسين الرميثي برحمتك الواسعه واحشره مع محمد وال محمد عليهم السلام
السلام على الحسين وعلى علي ابن الحسين وعلى اولاد الحسين وعلى اصحاب الحسين السلام على ابا الفضل العباس ابن علي ابن ابي طالب السلام على فخر المخدرات زينب الكبرى بنت امير المؤمنين علي ابن ابي طالب السلام على اطفال الحسين ومن كان في ركب الحسين عليهم السلام ورحمه الله وبركاته طبتم وطابت الارض التي فيها دفنتم وفزتم والله فوزا عظما