سبعاويه ترفعون الراس
كل الفخر في عشايركم
ممشاكم العز والنوماس
يشهد لكم من يجاوركم
بير السبع ساس ، ونعم الساس
يا منع الطيب منبعكم
حق العرب عندكم مقياس
يا كم قبيله تتبعكم
دخيلكم لو يجي محتاس
ما جاه ضيم بحمايتكم
من حقي افخر واشد الراس
حيث المراجل عوايدكم
ودلال والبن والمحماس
ذبح الذبايح عوايدكم
اقلهم وصفه القرناس
والقاف عاجز يوصفكم
يا كم مدحكم كثير الناس
والكل شايف فعايلكم
في قربكم يا زين المجلاس
والوقت يشهد جمايلكم
يا سايق الهجن ع هونك
خلينا نودع قرايبنا
ما ندري حنا نعود بخير
ولا يغزو نصايبنا
يا شط قلبي من الفرقا
ويا شط روحي على قربه
منساه دام السما زرقا
والناس تمشي على التربه
يا عيني هاتي وانا بجيب
ما يتفق صبر وسكاتي
عليه انا اقنب سواه الذيب
واجر من الصدر عبراتي
يا ليت وقتن مضى ينعاد
ايامنا مع لياليها
العين عييت عن المرقاد
كنك عن النوم حاديها
تعال اسولف انا وياك
وحيد والليل يا طوله
الليل ما نسهره لولاك
من هجرك النفس معلوله
الهجر ماهو لنا سنه
ولاهو طبع المحبيني
ليت الليالي يجيبنه
وتفرح قلوب الحزيينيني
جظيظ قلبي جظيظ الباص
لا شغلوه الشوفريه
ظليت اداعب شبيب الراس
واشوف انا قسمتي معيه
لعيون خلي نظمت بيوت
كل واحد احسن من الثاني
لابو ثنايا لظم ياقوت
رب الملا فيه متعاني
يا مل قلبي على مهياف
متولعن والقدم حافي
وان ما حصل لي زين الاوصاف
حياتنا اليوم تنعافي
طرد الهوى يا خلق ذباح
كيف العمل يا مسلميني
ان طاب جرحي يبين جراح
وما من طبيبن يداويني
*** البدو شدو فوق زينات الاوصاف
البدو شدو , فوق زينات الاوصاف
سفن الصحاري للحمول الثقيله
اقفو وانا دمعي على الخد هتاف
والي عشقته شد معهم رحيله
جلست اراقبهم على راس مشراف
لما ضعنهم غض راس الطويله
الديره الي عافها الزين تنعاف
الله عليكي يالسنيين المحيله
يا عل مزنن تالي الليل ينشاف
لا لاح برقه يسقي الدار سيله
وتربع الديره وتنعاد الارياف
والكل منا يتهنى مع خليله
قناة تراث للدحية والهجيني
للتواصل تيلغرام على الرابط
t.me/vip5005
حسابنا على الانستقرام
/ s1tna
جميع الحقوق محفوظة
© Powered by Takwene
#قناة_تراث
..
2 мар 2020
