يا متسيد | سهم 

كلمات سعود بن محمد العبدالله الفيصل
ألحان #سهم
كلمات الأغنية
يا متسيد ومتأكد ومتفرد على جالك
يا كل الوقت منت اللي يجي في نوبه ونوبه
لك اللهفة لك النظرة لك الإحساس وعذالك
يعف الطهر لا ينزل سوى في صدر محبوبه
وأحبك غير عن كل الغرام اللي يجي في بالك
غرام ما مشى غيرك خطاه وصرت مكتوبه
وأشوف غير عن كل الوجيه اللي تهيا لك
وعن من حاول يشابه حلاك وماني بصوبه
أحسك غير وانت اللي على الاحساس بلحالك
تنافس نفسك بصدر تضيق بدونك رحوبه
وأضمك غير عن ضمة مولع لحظة وصالك
لأنك روحي وردت من النظرات منهوبه
تبين في السما صورة تطل ولا حدٍ طالك
تجي في غفلتي ما كانت الجيات محسوبه
وفي عين الهوى تسري ويبدا فيه ترحالك
الين تعود لقلب عفى عن سابق ذنوبه
يا متمكن ومطمن ولا تسكن سوى ذلك
خفوق ما نبض غيرك غرام فيه بعذوبه
لك الهقوة لك البكرة لك اللي ما تهيا لك
من أحلام الغرام اللي قبل شوفتك مكذوبه
ومن غيرك ولو غيرك تمنى يوقف قبالك
أمانة لا تناظر من لبس ثوب ما هو ثوبه
وأبشكر من خلق حسنك وخلاني على بالك
وجابك من رجا قلب لك بك كل مطلوبه