واول البنوك البنك الاهلي رفض جدولة الاقساط الابعد سنة وقد رفعت لمؤسسة النقد وبعدسنة ونصف تمت جدولة الاقساط ةتصلوا بي انه تم جدولة الاقساط ولا يحق لك الحصول على اي شئ من منتجات البنك الاهلي وهذا لاني تقاعدت مع اني عميل لديهم 35 سنة ولدي بطاقو الوسام الذهبية وهذه لها ميزات ولم استطيع الاستفادة من اي ميزة منها حتى انهم اصبحوا يستقطعون القسط الشهري مرتين في الشهر وبعد ان اشتكيت لمؤسسة النقد اعادوا القسط اللذي لايستحقونه وتم مطالبتي بتسديد نفس القسط الذي تم استرجاعه حتى وقتكم هذا واي تحويل لي لايصل واصبحت لديهم اكثر من 650 ريال لديهم ارجو معاقبة هذا البنك حتى لايتم ظلم غيري
انانفس المشكله ((قرض سكني مدعوم)) مع بنك الرياض لي تقريبا سنه وخمسه شهور وأنا في معاناه معهم والى حتى الان .ناهيك عن الرفع للبنك المركزي ولاكن يرد علي بنفس ردّ البنك.اذا المواطن وين يروح .طبعاً استغلو البنوك هذا الوضع.والعب يلا. أطالب حكومتنا الله يعزها ويحفظها معاناة المواطنين من جميع البنوك المفلوته حقيقية .
صادق انا بنك الأهلي بكل صراحه نفذ علي بعد سنوات كامل المبلغ لقرضي الذي كان بوظيفتي السابقه ومحكمة التنفيذ رفضت استقبالي نهائي على اي اعتراض رغم البنك قعدت معه سنه احاول فيه يجدول ورفض . ثانيا البنك المركزي اعترضت ايضا على شرمة تمويل سيارات ورفض محاسبة الشركه ونفذت علي بمكمة التنفيذ ونفس المشكله محكمة التنفيذ الأعتراض مرفوض عندهم يعني الدخول على الملك سهل ولكن مشايخ التنفيذ للأسف يجب محاسبتهم عاجلا
يا اخوان اللي يقرأ تعليقي نصيحة لوجه الله اذا تبي قرض عشان كماليات وتبي تشخص على حساب البنك ترا بكرا اذا تأزمت أمورك اول من يدعس🥾 عليك البنك.. لذاك اجمع من راتبك واشتر احتياجك * للمعلومية اذا اخذت سيارة فوق مستواك المادي بالاقساط وتبي تشخص قدام الناس ترا اول ما يشخص ويشخط بحسابك البنك ومحد نافعك انت وموترك اللي مليانه مثلها بالشوارع.. نصيحة اشتر سيارة صغيره تمشيك حتى تتيسر امورك وتشتري سيارتك المفضله بحر مالك.
ماعندك احد لا نقد ولا بنك لي أكثر من سنتين تقاعدي فوق خمسة ويعطوني بس ٦٠٠ ولاتجيب حتى حليب للأطفال غير الفواتير المتراكمة والمصاريف اللي تتراكم والديون وكل واحد يحولك على الثاني لين مليت من الطلايب وهذا اللي يبون! حسبنا الله ونعم الوكيل فيه شي قاعد يلعب بهم كلهم على كيفه.
اقسم بالله البنك المركزي عمره مافاد اي موطن والردود غير واضح ولا فيه مناصفه ومتساهلين مع البنوك وشركات التأمين هذا الشي لا يرضي الله ولا رسوله هذا ظلم حسبي الله ونعم الوكيل الله على كل ظالم
المفروض البنوك المحلية تعمل مثل البنوك الأوربية و الأمريكية تعطي العملاء أرباح لأنها تشغل أموال العملاء اما البنوك السعودية عكس ذلك تاخذ من جميع العملاء فوائد على كل عملية من بطاقات وتحويل وكل العمليات على الاقل ان تكون عمليات العملاء مجانية مقابل انها تشغل أموال الناس
أنا متقاعد تقاعد طبي لعدم اللياقه الصحية للعمل و عند أوراق مثبته بالشي بالإضافه إلى تقارير طبية و قدمت طلب اعادة جدوله و تم رفض الطلب و بعد 4 سنوات تقريبا تضاعف علي القسط الشهري للتمويل العقاري و الراتب 3615 و القسط الشهري للعقاري صار 5196
على أساس لك الحرية في أغلاق حسابك أو إنهاء العقد بدون مايمصونك مصصصص ولو بغيت تغير لازم قبلها تسدد مع العلم انه نفس الإجراء لو بقيت عندهم أو حولت لبنك اخر يقدرون يرفعون فيك لمحكمة التنفيذ وسمه ويدمرون حياتك
@@saudalharthi249 الاعفاء له شروط يجب أن تكون وفاة المفترض المتوفي وفاة طبيعية هذه احد البنود الموجودة في وثائق التأمين و لها تفصيلات كثيرة و استثناءات كثيرة ب اختصار هذه الاستئثناءات راح تخرج ٨٥% من المتوفين من الاعفاء .
الاعفاء له شروط يجب أن تكون وفاة المفترض المتوفي وفاة طبيعية هذه احد البنود الموجودة في وثائق التأمين و لها تفصيلات كثيرة و استثناءات كثيرة ب اختصار هذه الاستئثناءات راح تخرج ٨٥% من المتوفين من الاعفاء يتبقى ١٥% وهؤلاء راح يتم مماطلة فيهم حتى لا يبقى الا ١% يتم اعفاءهم ب اختصار لا تعتمد على الاعفاء دبر نفسك و انت حي .
انا قريب بتقاعد والى الان مافيه حل بخصوص جدولة اقساط البيت والدعم والبنك يقول مافيه جدوله واذا حصل بينقط عنك الدعم والمفروض يشوفون لنا حل او يتم مضاعفة حساب المواطن اقل شي اربع مرات علشان يقدر المواطن يواجه مصاريف الحياة اللي زادت بشكل جنوني
البنك االاهلي انا لي ١١ شهر ماتمت الجدوله تجي موافقه وواقع عقد ولايتم التنفيذ واذا كلمتهم قالوا نرفع طلب جديد ويخصمون راتبه كله يبقى الفين بس ودخلت في مشاكل وأزمات ماليه بسببهم حسبي الله ونعم الوكيل عليهم
وكأنك ياابو زيد ماغزيت لازلت اعاني من خصم معاشي التقاعدي كاملا لابنك مركزي والبنك محتوى الراتب فوق المركزي ١٤٤٤ نفس المعاناه وأكثر بعد مؤلم جدا أن يأتي شعبان ورمضان وانت بلاراتب.
هل تعتقدوا الحل انه كان المفروض يعمل اعادة جدولة خلال فترة تواجدة على رأس العمل وقبل التقاعد مثلا بسنة او سنتين؟؟؟ عشان لما يجي يتقاعد يخصموا منه مبلغ اقل
اتوقع موقع سند امر. لذلك مافيه جدوله. البنوك لازم توقف عند حدها ياناس البنوك تكسب ملاير ولاقد سوت شي للوطن لا بنت شوارع ولا حدائق ولا جمعيات خيريه. ياحكومه وقفوها عند حدها. ولا اتخذوا قرارات توقفها عند حدها
أنا متقاعد من 4 سنوات تقاعد طبي و علي قرضين عقاري و شخصي و تم اعادة جدولة التمويل الشخصي و رفض جدولة العقاري و المطلوب مني 622000 تقريبا من غير المتعثرات و الان ياخذ الراتب كامل
انا متقاعد طبي عسكري براتب بسيط ٣٢٠٠ وعندي عائله سبع افراد ، رحت لبنك العقاري وسويت اتفاق بسداد ٥٠٠ ريال شهريا اخذتها الورقه وعطيتها بنك الاهلي تفاجئت انهم كل اسبوع يسحبون ٥٠٠ ريال واظطريت اول ماينزل الراتب ال ٣٢٠٠ اسحبه من الصراف
@@مسألةوقتمسآلةوقت-ط1ظ اول شي اذا عندك متعثرات لبنك التنميه او العقاري تسحب من حقوق نهاية الخدمه من ظمن الاوراق النظاميه الي تخلصها باالتقاعد تمر على البنكين زي ماحصل معي قبل حوالي عشر سنوات اما الجدوله لبنك العقار انا مجربها مامشت محصلين او موضفين بنك العقار اهم شي عندهم تجي وتوقع على ورقة تسويه وتستطيع تفاوضهم حسب راتبك الي ينزل باالصراف زيي انا اتفقنا على ٥٠٠ المشكله عندي تعثرات حصلت بعد التقاعد وصارو مايكتفون ب ٥٠٠ اما البنوك التجاريه ولاني متأكد حسب ماسمعت انك تقدر تسوي معهم تسويه باالتكييش او جدوله ويمشون عليها
السبب ضعف دور الرقابة و أيجاد الحلول والسماع شكاوى المواطنين من البنك المركز السعودي مؤسسة النقد العربي السعودي لا دور لها ولا تجاوب اقسم بالله كانك في دولة توها طالعه من حرب مو دولة من ضمن دول G20 مستقرة وتحت قيادة رشيدة للأسف يجب التحقيق مع رئيس البنك المركزي السعودي عاجل
هذا البنك الاهلي عمل كذا معي ٦شهور يسحبون الراتب كامل يخلون رصيدي أصفار مماطله حتي تسلفت وحملت نفسي ديون الله لايوفقهم المفروض ماتتاخر رواتب المتقاعدين
ضيف الله غلطان حتى المذيع مافهم ولاالضيف وش سبب مشكلته السبب ومافيه باختصار لما تقاعد جاله حقوق وسحبه البنك في هذي النقطه ضيف الله غلطان المفروض يسدد كل شهر بعده والبنك مايسحب لين تخلص الحقوق ويبدا من بدايته كقسط مثلا عليك قرض ١٠الاف ويسحب منك البنك ١٠٠٠ فانت في الحاله هذي تقول بعطيهم زياده ٢٠٠٠ لما يجي الشهر الجاي البنك ماراح يسحب عليك لنك اعطيهم ٢٠٠٠ فلبنوك كذا طريقتهم
طبيعي هذا الكلام اشوفه كثير انا ابوي تقاعد ورفضو يسوون له جدوله والراتب كامل يروح قسط للبنك ويبقى المبلغ بالسالب في بنك الراجحي ولما تواصلنا مع مؤسسة النقد تخاطبو مع الراجحي وجاء ردهم انه ممنوع الجدوله طيب الراتب كامل يروح قالو نرفض الجدوله القرض العقاري م عليه جدوله حتى لو قالك الموضف بنسويلك اعادة جدوله اللي فالعقد غير كلامه
كنت أعمل في قطاع خاص وكان راتبي ٥٢٠٠ ريال وصل عمري ٦٢ الشركة اعطتني انهاء عقد عمل وعندي قسط عقار مدعوم من الإسكان وكنت اسدد٣٩٥٤ ريال وينزلي دعم ١٤٦٩ ريال تقدمت بطلب إعادة جدوله رفضو قدمت شكوى لبنك المركزي والان اسدد المبلغ القديم الان توقف الدعم الشهري
قسم بالله العظيم اني باني بيتين من راتبي وفوقه الان مقبل على بنايه استراحه ياخي اتقو الله بنفسكم مافي احلى من الراتب لما يجيك كامل وفوقه فيه بركه وحتى راتبي ماوصل ١٠الاف لأحول ولاقوة الابالله انتبهو من البنوك ولاتطبه ولاتقربه مافي احلى من يكون الراتب كامل قسم بالله سعاده وسبحان الله ربك يفتحه لك من الخير والبركه والرزق القروض ربويه افهمو يمحق الله راتبك
المذيع يفتقد الحوار وقام يشد ويجادل و ضعية المحقق يبي يسوي المديفر ونص السوالف يفوتها ويرجع يسأل الضيف مره ومرتين ويعلق على نقاط تافهه يحسسك ان المواطن يتبلى والبنك على حق ..
بتكلم ك موظف بإدارة تحصيل لدى احدى البنوك لايحق للبنك اخذ الراتب كامل وتقدر تطالبهن بالنسبه النظاميه للسحب الشي الثاني اللي خلاك تاخذ هالمنحدر والعلم عند الله تأخر معاملة راتبك التقاعدي عام 36 لدى وزارة الموارد البشريه .. وتأخيرك هذا خلاك تدخل في سما الإشكالية سابقاً كانت تأخير المعاملات وعدم حرص لا من البنك المركزي ولا منك ياضيف الله وكيفف تقول فترة ينزل راتبي ولا يخصمونه ماتدخل بالمخ ياخوك اللي يعرف موضوعه وين بأي بنك يفيدني وبفيده باللي اعرف
اقسم بالله لي ثلاثة أشهر مااستلمت ريال حسابي بالسالب ع شان الدفعة الأخيرة ويسحب الراجحي كل راتبي رحت مؤسسة النقد مافيه فايدة واحد قال لي رح إلى مكافحة الفساد
@@حسنالشهري-ر3ي فعلا بنك الرياض أخبث بنك وافشل بنك حتى بالتمويل الشخصي مايعطيك مبلغ يفك ازمتك بإعادة تمويل بعكس البنوك الأخرى السبب الفائدة بنك رياض إعادة تمويل عاليه جدا ولايعلمون العميل يكون تحويلك قليل جدا والفائدة والقسط عالي
اقسم بالله عندي مشكله تفوف الف مره من مشكلة الضيف انا لي اكثر من ٨ سنوات يخصم كامل الراتب والمتضامن الي معاي يفترض يخصم منه نصف القسط ولكنه مماطل ولا يدفع ولا ريال والان انا متقاعد راتبي ٧٥٠٠ والقسط ٦٥٧٦ ريال يعني يبقالي ٩٤٠ ريال فقط واعول استرتين من ١٤ فرد بالله كيف اصرف عليهم ؟؟ عايش على حساب المواطن الفين ريال فقط بالله هل هذا عدل ؟؟؟؟ اتقذوني من مشكلتي الي والله افكر في الانتحار بسبب هذا الحال
يارجل أنا أحد البنوك وقف خدماتي بسبب تأخر بعض الأقساط وسددتهم قيمة الأقساط وماشي معهم على التمام من مدة سنة ونصف ولا زال الإيقاف وقبل شهرين أدخلت المبلغ المتبقي بحسابهم وتوجيه منهم وطلبت حسم كامل مستحقاتهم ورفع الإيقاف عني وإلى تاريحه لم يتم عمل أي شئ حيال حسم كامل المبلغ ورفعت عدة شكاوي للبنك المركزي وللأسف لم يتم النظر بوضعي وتعاون البنك المركزي مع المصرف . فما العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟