يقولون حل الضيق كشتة وشبت نار / كلمات : عبدالعزيز بن سبيل 

'
'
ادله هموم القلب لا كثرت الافكار
مع اهل الابل ولا مع اهل الشياهيني
اجامل راع البل لا الدت ام البكار حوار
ببكره وابوها من غزاز البعاريني
وراع الطير اسج الرجل وياه فالاقفار
بوقت الحباري وارفقه فالكراويني
لاكن البلا لا عسعس الليل فكري دار
يجيً القلب حاشورن يضيّق شراييني
سبايب وليفن حطني بين نار وغار
فلا انسا حرام اللي مضا بينه وبيني
ابو مبسمن منه الحشا والخفا منهار
حضوره عن اغياب المخاليق يكفيني
وابو نعسن لا طالع ايمين ولا ايسار
من الارتباك افتر وافرك ايديني
علي الحرام ان الغلا قاصف الاعمار
وعلي الحرام ان الغلا مرثعن فيني
يقولون حل الضيق كشته وشبت ناااار
وانا اقول حل الضيق لااا شافته عيني
خذو لو زعلتو واقعن ما عليه اغبار
علي شان امد الحاضر اللي ماهو ديني
تقولون ولا ما تقولون شي وصاار
وين انتم وانا من لومكم ياعرب ويني
~~~~~~~~~~~~~
كلمات : عبدالعزيز بن سبيل
Instagram: a_n29
أداء :
١) فيصل بن مريزيق
٢) عامر الجريان
٣) محمد بن غربين