انا عندي ليكي عتاب يا استاذه ساره. في صديقه ليا بعتت ليكي اكتر من مره علي الماسنجر. وحقيقي كانت نفسيتها زي الزفت وكانت متعشمه انك تردي عليها. تردي عليها بس. سواء عندك حل للموضوع اللي هتحكيلك عليه. او حتي تقوليلها كلمه تصبرها وخلاص.. من صار بين الناس جابر للخواطر ادركته العنايه ولو كان في جوف المخاطر.. البنت عماله تبعتلك وتدخل تعلقلك في البوستات بتاعتك وبتحبك بجد. وحضرتك بتردي علي 90٪ من التعليقات الا هي.. طب ليه... اللهم اجعلنا من الجابرين للخواطر واجعنا ممن ينشرون البهجه والسعاده علي من حولهم..... هي بعتتلك لما كل البيبان اتقفلت في وشها واتعشمت خير ان يكون عندك حل او رأي ليها يساعدها في مشكلتها.. هي كان نفسها إن زوجها يلاقي وظيفه. زوجها مؤهل عالي خريج حقوق سنه 27 سنه . وبيشتغل في مصنع اللمونيا. 12 ساعه.. بيشيل ويحط ويبطس اللمونيا في براميل بطاس ومياة نار... ونفسيته وصحته في النازل.. وفي الصيف جسمه متضمر حروق من الحر والشغل امام براميل البطاس والنار.. وحاليا جاله غضروف من الدرجه الاولي. ولو ملتزمش بلعلاج وانه يبطل يشيل حاجه تقيله. هيوصل لمرحلة انه محتاج عمليه.. وشغله اصلا عباره عن شيل وحط. طب هيعمل ايه.. بينزل وبيروح شغله عشان يدفع ايجار والتزمات واكل وشرب وعنده طفل.. هو قدم علي كذا وظيفه بس للأسف احنا بلد وسائط ومعارف ولو ملكيش معارف او ضهر في الدنيا دي يبقي مش هتعرفي تعيشي... . ربنا معاها ومع زوجها وربنا يعينه ويجعل تعبه في ميزان حسناته.. .. الخير في امتي الي يوم الدين..
اللهم بارك ، بيت السعد والهنا ياسارة ❤️😘 ، اشتريتى عفش منين ياسارة ،ولو مش يضايقك ممكن ريفيو عن ذوقك فى البيت الجديد فى العفش والديكورات ،انا بثق فى ذوقك جدا جدا ، لو مش يضايقك 🙏
ما شاء الله لا قوة الا بالله . تبارك الله يا شيف سارة حاجات جميلة جدا وزوقك راقي . كنت عاوزة اجدد الشقة بخامات جميلة وفخمة ومودرن زيك عند حضرتك شيف سارة ممكن جولة ف شقتك ناخد منها افكار إيجابية وراقية
انا بحبك اوي اولا لانك علي اسم اختي وثانيا لانك منظمه جدا وبيعجبني نظامك وترتيبك لكل حاجه حواليكي وثالثا لان وصفاتك كلها جميله زيك انا من متابعينك من زمان اوي
كل ما تحدث لي ظروف التليفون ميكنش معايا بسبب ان شقتنا إيجار قديم وانزل المحكمة لحضور جلسات كسبت اول درجة تقاضي الحمد لله والحمد لله اتابع الاستءناف والحمد لله على كل حال اتابعك انسي همومي 👍❤️🤲💐👏✅️👍
بس ضيعتى مساحه تخزين كبيره فى شويه اكسسوارات وتوك شعر ممكن كلها تتحط فى وحده حفظ اكسسوارات صغيره انتى منظمتيش انتى هدرتى مساحه كبيره فى التسريحه لان الادراج تقريبا فاضيه