يامّا براسك بريله معشوقي هاتيه و اللّي في قلبي ن نحكيله ما نخبيش عليه ياما قوله يجينا للساحة و الكلبة مشومة نباحة نخرج و نعديه و أستر يا ستار العالي صغير و نرضيه ياما قوله يجينا للسدّة يقحز على عضاه و يتعدى و كل ليلة نعديه و أستر يا ستار العالي صغير و نرضيه ياما قوله يجينا للصفة و نحطوا الشفة على الشفة و من ريقي نرويه و أستر يا ستار العالي صغير و نرضيه ياما قوله يجينا للهندي و نحطوا زنده على زندي و من صدري نرويه و أستر يا ستار العالي صغير و نرضيه ياما قوله يجينا للغابة و الكلبة مشومة هبهابة بايتا نعدي فيه و أستر يا ستار العالي صغير و نرضيه ياما قوله يجينا عالفرشي و نحطوا كرشه على كرشي و العزيز نغطيه
