جتني توادعني وداع المحبين
وتمسح دموع العين بطراف يدها
وتقول سامحني ترا خاطري شين
غصبن علي اروح وتسكت بعدها
قلت اسمعيني و نظرة العين بالعين
وفي نظرتي عبرة وبين نكدها
وضاقت بي الدنيا من ايسار ويمين
ودقات قلبي ما تلحق عددها
بسامحك لو ذقت منك الامرين
بسامحك وتعيش روحي وحدها
مكانتك تبقى على ما تعرفين
تبقين في صدري ومني وعدها
لك صورةً بين الحنايا من اسنين
ما تنمحي لو الزمان ايعقدها
والله ما اخونك والوعد بين قوسين
لين القبور اتضمني في لحدها.
كلمات / محمد سعود العتيبي
لحن / يوسف شافي
15 сен 2024
