السلام عليكم ام فاطمه اطلب منج ومن المتابعات تدعولي دعاء الغريب مستجاب اريد اشتري بيت وزوجي وين مابيت تعبان يريد يشتري عنده امكانيه اسمي ام فا يشتري بيت على كد الحال اي ومرتب والله كاعده بمكان تعبان. اس وطاح السقف على جهالي والله دفع عنهم اترجاكم تدعولي الله يرزقني بيت ارتاح بي بحق محمد وال محمد والله اكتب ودموعي تصب اسمي ام فاطمه
اووف يا ام فاطمة شحجيلج عليج الله اذكري تعليقي فديواتج اني موظفه وام زوجي مقعدة صارلها 12سنة واني مداريتها وبناتها يجن تسيارة ساعتين ويرحن وكولش يتاخرن الا يجن لامهن واني احفظها الحاجتين جواها وكولش تعبانه وماكو عونه لا من زوجي ولا من بناتها خادمتها واكول كله لوجه الله والله بايام الدوام ابجي لان ما الحك ركض بركض حياتي ما ادري اصير للبيت ما أدري لعمتي المقعدة ما ادري اخبز اطبخ واني عندي اطفال بالمدارس وطفل صغير وتدرين بالموظفه شني حياتها بس كولش انقهرت لان اتصلت على حماتي كولتلها بس اسبوع اعوف امج يمج ما قبلت اتكول اريد اطلع اتونس وبنتها الثانية هم ما قبلت ضاكت بي الواسعه واني كل ست اشهر اروح لاهلي اهلي بغير محافظة والله اروح بعطلة نص السنة وبعطلة نهاية السنة اضطريت أخذها ويايه لاهلي شوية احسها صعبة لان البسها حفاظه انحرجت بس اهلي رحبوا بيها وابوية وامي كالو ميخالف بابا بعد كل ما تجين جيبيها وياج ما دام بناتها ميخلنها يمهن الله شاهد ام فاطمة اني ما متعاجزة منها وخادمتها لوجه الله بس اكول اني ما مكلفه بخدمتها بناتها اولى مني بخدمتها كولش صار بخاطري من حمواتي واهنه خير من الله وبيوتهن وحدهن مو وي العيال اني ردت اخليها يمهن بس اسبوع ومن ارجع اخذها اتمنى تحجين بالموضوع بفديواتج واتمنى من كل بنية اتكون بارة بوالديها لو مهما اتكون ضروفها لازم اتزور امها تسال عن احوالها لو كل أسبوع اتروحلها يوم واتساعد بي ولا تتعذر لان لو مها يكون الله وصى بالوالدين.
كلامج ذهب المساعده حلوه يعني اتعجب من وحده تقبل على روحه الكبار تخدمه والله اني اروح خطار وحتى ولو تعبانه ومسافه طويله مارضى على روحي اكعد ومره كبيره بالسن تخدمني وحده لازم تشكر رب العالمين انو اطاه حيل وقوه ترعى اهل بيته انشاالله داءمن الله يتممم علينه نعمة العافيه لخدمة اهل بيتنه واجرنه على الله فاطمة الزهراء عليها السلام سيدة نساء العالمين جانت تطبخ وتنظف وتعمل شغل البيت بعد علمين التكبر والتجبر على العالم
صح لسانج ام فطومه وهم حبيت اضيف لصاحبة التعليق انه الشرع هم تكلم عن الزوج مامجبور يأكلج مالذ وطاب ولا يلبسج موديلات حق المرأة فقط مايجوعها ومايعريها يعني كلشي الچان تاكل وحتى لو دشداشه وحده للبيت وحده للطلعه كلش كافي ادى حقه الرجال اما اذا اكلتي اصناف ولبستي اشكال فهو متفضل بهالحاله وثانيا اي بنيه من يردون يخطبوها بيها خير خلي تحچي هالحچي شوفي منو يدگ بابها 😂بعد احنه صحيح نمشي عالدين بس الدين ماكال ننفصل عن المجتمع واحنه مجتمعنه هاي عاداته ومادامها مو حرام فنمشي عليها والشباب هالوكت منو متمكن يحط بيت على هالحچي بويه البنات كعدن للشيب بدون زواج
اي والله احب ارد على صاحبة التعليق حبيبتي واذا خدمنه العيال شكو بيه والله الحمد ألله اهلنه علمونه نخدم العيال ونداريهم بأاحسن صوره حبيبتي طلعت من بيت اهلي رحت لبيت اهلي الثاني والنبي اول ما زوجت استحي ادخل لغرفتي وعمتي تشتغل بالمطبخ وحدها والله كله سوى نشتغل وهسه موديل مايشتغلن عد العيال عمي دكولن ياالله