٣ طرق تاخدي بيهم حقك من النرجسي وهو راضي ومبسوط 😏 

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
عايزة تاخدي حقك من النرجسي بذكاء وهو راضي ومبسوط؟ شغلي مخك معايا وركزي ونفذي اللي حقول لك عليه ،وكالعادة لازم تكوني متعافية تماما ، اعصابك في تلاجة ، اعمل دة ازاي اشتغلي التشافي وبعد شهر من بدأك التشافي حتقدري تنفذي لكن تستمري في التشافي ماتوقفيهوش ابدا ابدا
طيب حتعملي ايه ؟ ححكي لك قصص من الحالات واللي نفذوه مع النرجسي عشان تفهمي
١- اول حاجة اتعلمي تشغلي معاه نظام المكافئات اللي كان بيعمله معاكي ، زيه زي أي طفل بتتعاملي معاه ، لما يعمل أي حاجة ولو بسيطة قولي له شكرا ، ولما تكون حاجة متوسطة تقولي له ربنا يخليك لنا او لاولادك او لاهلك على حسب هو عامل الحاجة دي لمين، اما بقى لو عامل حاجة عظيمة لكي انتي شخصيا ويعني هدية كبيرة او وافق لك على حاجة بتتحايلي عليه فيها بقالك كتير في الحالة دي بتدي حاجة كبيرة يعني هو لو جسماني او نخبة (يعني مهتم بالعلاقة الحميمة ) بتظبطيه في العلاقة اما لو عقلاني (ملوش في العلاقة الحميمة ) فتمدحي عقله وعلمه ، ولو ضحية (محب دور الضحية وبيموت في الشكوى والصعبانيات ) تغني عليه في انه مظلوم من الناس والعالم مش مقدر قيمته والكلام اللي يظبط دماغه المريض وممكن تكرمشي عشرة جنيه في ايده (مزحة) الحالات اللي نفذت الكلام دة عرفت تاخد اللي هي عايزاه لانها كدة علمته انه لما يديها اللي هي عايزاه حياخد مكسب
٢- من الحاجات اللي بتبقي النرجسي هادي وخفي وكلنا عارفينها انك تستري عليه ، ماتفضحيهوش ابدا ولو فضحتيه عند اهلك لازم تفهميهم ان مصلحتك انه مايعرفش انهم عرفوا فضايحه حتى لو بيخونك وواجهتيه ودة أصلا غلط ومع ذلك اذا واجهتيه فحاولي انك ماتعرفيش حد ولو عرفتي اهلك فبرضه لازم مايعرفش انه اتفضح ، انتوا عارفين انه لو اتفضح بيفجر لان خلاص اتفضح ومجرالوش حاجة او اتفضح وخسر سمعته فاول حاجة حيقاطع اهلك اللي فضحتيه عندهم ، خدي بالك النرجسي لما بيتفضح في مكان بتكون بالنسبة له كارثة ليه لانه مش حيستمر في المكان دة ابدا حيسيب المدينة اللي اتفضح فيها فلو اتفضح عند اهلك فحيقاطعهم وممكن ينتقم منك ومنهم بانه يمنعك عنهم كمان اذا انتي لسة ضعيفة ومش قادرة تستغني عنه فحيقدر يتحكم فيكي ويبعدك عنهم ، وكل دة لانه مش حيقدر يعيش مع حد فاهمه وعارف السواد اللي جواه هو فعلا ممكن يغير مجتمعه بالكامل عشان يبني سمعة جديدة لانه أصلا بيتغذى ع المدح والاهتمام واذا فقدهم في مكان حيهاجر ويروح مكان تاني الا اذا تحول لظاهر تماما ودة مش بيحصل كتير ، لكن هو بيتحول لظاهر معاكي انتي ودة برضه احنا دايما بنحاول نتجنبه واذا حصل لازم ترجعي تاني للقالب عشان تطمنيه ويرجع خفي لان الحياة مع الظاهر جحيم بلا هدنة فملهاش أي لازمة انك توصلي لكدة ، طول ما النرجسي متخيل انك شايفاه الصورة الحلوة اللي كان راسمها لك اول العلاقة طول ماحيكون مطيع وتمام معاكي عشان يحافظ ع الصورة لكن اذا حس انها خربت حيريح نفسه ليه يعمل مجهود ويدي ويصرف بدون فايدة؟ وفي نفس الوقت حيعمل حساب انه ماتفضحش ودة كمان مكسب هو محتاج يحافظ عليه وانتي بذكائك تلمحي لو فلانة عرفت حتفضحنا في كل البيوت ، لو ابنك حكى لعمته البلد كلها حتعرف ، من بعيد وبضحك انتي تعرفي تحجمي النرجسي بس لازمك هدوء أعصاب وتجميد مشاعر تجاهه هو بس
٣- من الحاجات العجيبة اللي بيحكوها الحالات ومش موجودة الحقيقة في الكتب ومحدش أتكلم عنها من علماء النفس ان النرجسي لما يلاقي زوجته استغنت عنه ماديا وربنا فتحها عليها او انها أصلا غنية بيعمل ايه النرجسي في الحالة دي بيغدق عليها في الصرف الى حد عجيب وخصوصا لو هو في الأصل مش بخيل (يعني هو النرجسي أصلا بنلاقيه كريم مع كل الناس الا زوجته في الحالة دي بتنكسر القاعدة ، لما الزوجة تكون مستغنية عنه وفي نفس الوقت ماقدرش ياخد فلوسها فيعمل ايه بيكون كريم معاها لاقصى حد بيبدأ يديها بدون حساب خصوصا لو امكانياته اعلى منها طيب ليه ؟ عشان يوصلها لمستوى المعيشة اللي هي بتحاول تحققه لنفسها فتبدأ تتمسك بيه عارفين البني ادم كل مااتغنى كل ما اتعلق بالفلوس اكتر والعياذ بالله وهو النرجسي كدة كل ما اتغنى كل ماتمسك بفلوسه اكتر فهو بيطبق القاعدة دي على زوجته متخيل انها كل ما اداها فلوس اكتر كل ماهي اتمسكت بيه اكتر عشان كدة لما مايعرفش يجردها من أموالها يربطها بانه يزودها لها ويساعدها تكبر وتلاقي الحالات بتتلخبط وتيجي تقول هو بيشجعني وبيساعدني ازاي يبقى نرجسي ، هو نرجسي وعارف مفتاحك . طيب ايه بقى فايدة المعلومة دي للي ماعندهاش فلوس؟ فايدتها انك تفهمي انك لازم يكون عندك دخل لازم تشتغلي ولازم تصممي ع الشغل بالذوق ولا بالعافية وعلى فكرة اغلب النرجسيين بييجوا بالزن اتناقشي وزني وصممي ع الشغل ولو مفيش فايدة ابدأي اونلاين في السر من غير مايعرف ولما يبقى معاكي فلوس ساعتها حيسكت ولو نجحتي واشتهرتي حيتفاخر بيكي ، عندي حالة عملت مشروع أزياء مع اخواتها وهو مانعها من الشغل والسفر وكل حاجة ودايما سايبها باولادها وقاعد عند اهله ، لما تعافت واشتغلت مع اخواتها ونجحوا هو بدأ يرجع ويتراجع ويخطب ودها ويسوق قروده الطائرة وأهله بدأوا يجروا وراها بعد ماكانوا بيذلوها هي وأولادها ، انجحي وكوني لكي كيان حتقدري تغلبيه هو وأهله ،والله دة بيحصل انتي بس صدقي نفسك وافهمي انه هش وضعيف وان نجاحك هو كسرته لكي اشتغلي واتعبي واجتهدي وبطلي سوشيال ميديا وفر في الموبايل وتضييع وقت وتسوق قهري وكافيهات كل يوم وتضيعي عمرك ومستقبلك وبعدين تبكي من ظلم النرجسي انصفي نفسك عشان ربنا ينصفك
#صحةـنفسية #القوة #الاكتئاب #النرجسي #النرجسية