اثناء العمل قلت 3 ملاعق زيت و3 كحول ثم بعد ذلك قلت 4 ملاعق زيت وربع كباية كحول👀 ياريت تكتبيلنا المقادير لأنو الكحول عندنا سعره غال جدا و مافيهاش توفير. وبالتالي عاوزة اجرب صح 💞
حبيبتى البوطاس بيدوب الاول فى مياه ساقعة خلى بالك اوعى تدوبيه فى مياه سخنة خالص لانه خطر جدا وباقى الوصفة اعمليها زى ما هى قالت بس البوطاس فى الاول بيتدوب فى مياه ساقعة خلى بالك وربنا يسترها علينا جميعا يارب
دوبى معلقة صودا ف ربع كوب ماء وضيفيها عليه وقلبى كويس لو تقل معاكى يبقى تمام ولو فضل خفيف ارفعيه ع النار واول ما يبدأ يغلى هدى النار عليه واستمرى ف التقليب وخليه يغلى حوالى 5 دقائق ولما يبرد حيرجع تمام
يا ام حسام للأسف الشديد انا وقفت دافعت عنك قبل كدا مع متابعات تطاولن عليكى وقالوا عنك انك مش صريحة مع المتابعين وانك بتقولى حاجة غير اللى بتعمليها و قالوا انهم جربوا بنفسهم وصفات من بتاعتك وفشلت و لما الناس بتبعتلك تسألك بترفضي تردى عليهم و تكتفي انك بتقولى المعلومات فى الفيديو دى حاجة غريبة جدا بصراحة يعنى لا حضرتك بتنزلى المعايير والخامات المستخدمة فى صندوق الوصف ... ولا بتكتبي كتابة على الفيديو وانت شغالة .... ولا حتى راضية تردى على المتابعات وتقوليلهم ما انا بقول كل حاجة فى الفيديو تابعوا وانتوا تعرفوا ؟!!! لاء حضرتك هو مش عقاب للناس انهم يشوفوا الفيديو مرة واتنين وتلاتة بالغصب عشان يعرفوا معلومة ميصحش كدا احنا مش فى مدرسة و معملناش الواجب فنتعاقب عيب كدا دى مش اصول وانا واحدة من الناس اللى كنت متبعاكى وبحب اتفرج على شغلك جدا وتغاضيت عن كل العيوب دى لدرجة انى دافعت عنك واتشتمت واتهانت انا بدالك من متابعاتك . لكن عذرا انا اسفة انا متضايقة جدا ومستاءة جدا جدا من هذا الاسلوب وهذه الطريقة لازم يكون فى تقدير واحترام متبادل واهتمام للرد عيب جدا تبقي علاقة مصلحة عايزة من المتابعين اللايك والشير والاشتراك وحضرتك مستكلفة توضحى و تردى ؟!!!! ملحوظة انا امبارح جربت الوصفة دى تحديدا وفشلت فشل ذريع و انا فاتحة الفيديو بتاعك وماشية معاه خطوة بخطوة و اوقف واكمل ولا فى اى فايدة اهو باظ و خلاص ربنا يعوض علينا كويس انها كميات قليلة مش خامات كتيرة . فرجاءا رجاءا حضرتك تقولى المقادير بالمعلقة او بالجرام مش بالغطا وتقولى حوالى معلقتين كربوناتو او حوالى نص كباية سكر لا مش بالبركة مينفعش و مينفعش كمان تعملي خطوات مع نفسك من غير ما تصوريها وترجعي تقولى معلش انا رفعت الصابون على نار هادية لحد ما ربط او لحد ما داب بس مصورتش !!! لا استأذنك المصداقية هى اللى هتخليكى تستمري خصوصا ان حضرتك معاكى منافسين كتير جدا ناس كتير اوى وقنوات كتير جدا فى صناعة الصابون وكلهم شاطرين جدا وكلهم بيردوا على الاسئلة و بيقولوا المقادير محددة و بيكتبوها كمان فإيه المحتوى المميز اللى عندك فى قناتك عشان الناس تسيب كل القنوات دى وتيجى تتابع حضرتك ؟ دى نصيحة منى بقدمهالك مش ذم لا سمح الله أرجو الاهتمام والاخذ بالامور فى الاعتبار
