श्री आवड़ मां आरती
ॐ जय गिरवर राया , ओ मैया जय गिरवर राया ।
आवड़ आदि सगती , मामड़ घर माया ।।टेर।।
माड़ धरा बिच माजी, चारण कुल चाया।
आप अवतर्या अम्बे , सासण सुरराया।।1।।
सिन्ध से आद सगती, समदर सुसवाया ।
पेट माय परमेश्वरी , महासागर माया।।2।।
भुजंग डस्यो निज भ्रात महरखो, पीयुस ला पाया।
भाण उगत भगवती , लोवड़ लुकवाया ।।3।।
देत्य माय डाढा़ली, गिरी खोव गुढ़वाया ।
आप सिला दे आडी , थान उपर थाया ।।4।।
बाकर मद बराबहु, छिक आनंन्द छाया।
चढ़त भेट नित चण्डी , भैंसा मन भाया।।5।।
मेवा चढ़त मिठाई, शुद्ध घृत सवाया।
जगमग जोत जगत है , थारी महमाया।।6।।
दरश कियां दुःख भाजे , देखत करो दायां ।
अम्ब कहे नित आनन्द , गुण आवड़ गायां।।7।।
FOR ANY ENQIRY CONTACT ON-jagdambastudios333@gmail.com
5 окт 2024