“ निवेदन ”
!! ॐ !!
! श्री गुरुदेव प्रसन्न !
प.पू.आई या ग्रुपखाली असंलेल्या माझ्या सर्व बंधू-भगिनींना नमस्कार. “दिव्य भव्य आजानुबाहू, सिद्धपुरुष असती असंख्य जनी! ते सर्वही मज अति आवडती परि, सिद्धारूढ आवडती त्याहुनि !! असे नित्योपासनेत प.पू.आईनी म्हटले आहे. तसेच माझ्या गुरुमाउली “ प.पू.आई श्री कलावतीदेवी” ह्यांच्या बाबतीत मला वाटते. चौदा विद्या आणि चौसष्ट कला ह्यांचा सुरेख संगम पाहूनच श्री. सिद्धारूढ स्वामींनी प.पू.आईंचे “कलावती” असे नामाभिधान केले. माझे पूर्वसुकृत चांगले म्हणूनच मला प.पू.आई श्रीकलावातीदेवी माझ्या लहानपणी वयाच्या ८ व्या वर्षी लाभल्या, व मी त्यांच्याकडून अनुग्रह सुद्धा घेतला. आमचे वडील कै.यशवंतराव मराठे ह्यांनी इ.स. १९५९ साली प.पू.आईंकडे प्रचारकार्याची सेवा मागून घेतली व आमची आई कै.ताराबाई मराठे ही प.पूज्य आईंच्या सांगण्याप्रमाणे गांवोगांवी जाऊन प्रचारकार्याची सेवा करू लागली.. म्हणून आमचे सर्व कुटुंब त्यात ओढले गेले.
आमची बहीण कै. मंदा मराठे हिला १९६४ साली बेळगांवला श्रीहरिमंदिरात प.पू.आईनी बोलावून घेऊन संपूर्ण भजन शिकवून, शिकवण्याची सेवा दिली. त्याचप्रमाणे १९७४ साली प.पू.आईंचा मुक्काम ठाण्यातील येऊर येथे असतांना मला “श्रीकृष्णप्रताप” मधील अभंग व गवळणी शिकवल्या व शिकवण्याची सेवा दिली. काही नवीन भक्तमंडळींनी माझे जवळ श्रीकृष्णप्रताप मधील अभंग व गवळणी आमच्या संग्रही रहाव्या म्हणून आपण काही करू शकाल कां? असे विचारले. ह्यावरून ह्या ग्रुपखाली ऑडीओ करण्याची कल्पना मला सुचली. तो दिवस “कृष्णजन्माष्टमीचा” होता. प.पू.आईंची पण मला प्रेरणा झाली. या ग्रुपखाली असलेल्या सर्व आईभक्तांना प.पू.आईंच्या १११व्या वाढदिवसाच्या दिवशी “श्रीकृष्णप्रताप” मधील अभंग आणि गवळणी वाचनासकट सादर करण्याचे प.पू.आईंच्या कृपेने नक्की झाले. प.पू.आई सगुणरुपात असतांना त्यांच्या सांगण्यावरून माझ्या आवाजातील संपूर्ण ‘श्रीकृष्णप्रतापची’ एक ऑडीओ व दुसरी आमच्या सर्व कुटुंबाने (६ जणानी) म्हटलेली ऑडीओ बेळगांव येथे जाऊन प.पू.आईकडे दिल्याची तीव्रतेने आठवण झाली.
आपला गुरुबंधू
श्री अमरदादा मराठे (ठाणे)
Below are the links of all 7 days shri Krishna pratap and Nivedan
निवेदन (अमर दादा)- ru-vid.com/video/%D0%B2%D0%B8%D0%B4%D0%B5%D0%BE-AavKhEFiFQA.html
दिवस 1- ru-vid.com/video/%D0%B2%D0%B8%D0%B4%D0%B5%D0%BE-wnXZJZaEb5o.html
दिवस 2- ru-vid.com/video/%D0%B2%D0%B8%D0%B4%D0%B5%D0%BE-MYjcg828IT0.html
दिवस 3- ru-vid.com/video/%D0%B2%D0%B8%D0%B4%D0%B5%D0%BE-ZucNiaPul5A.html
दिवस 4- ru-vid.com/video/%D0%B2%D0%B8%D0%B4%D0%B5%D0%BE-vb6qHWbIbDg.html
दिवस 5- ru-vid.com/video/%D0%B2%D0%B8%D0%B4%D0%B5%D0%BE-eqz9XvwNj3Y.html
दिवस 6- ru-vid.com/video/%D0%B2%D0%B8%D0%B4%D0%B5%D0%BE-et2eZH_Ef6Y.html
दिवस 7- ru-vid.com/video/%D0%B2%D0%B8%D0%B4%D0%B5%D0%BE-XQtaYI1Gk4s.html
2 сен 2019