मिरु दुलाराय बर' फरायसा आफादनि 57थि बोसोरसालिया जथुम्मा खुंफुंनो थाखाय बानजाय आफाद दाफुंनानै लाबाय।
फैगौ 2025 मायथाइनि फेब्रुवारि दाननि गिबि सपतायाव कक्राझार जिलानि दतमायाव सानब्रैनि हाबाफारिजों खुंफुंनो साखा-फारा एबसुनि 57थि बोसोरसालिया जथुम्मा।
खुंफुंजानो गोनां बे बोसोरसालिया जथुम्मानि थाखाय दिनै मोनसे जर'खा हाबाफारिनि गेजेरजों दतमा रामफलबिल आरो बन'रगाव गाहाइयै मोनथाम दख'राखौ लानानै दतमा हाइयार सेकेन्दारि स्कुलाव बानाजाय आफादखौ दाफुंनानै लायो।
बनजाय आफादनि मासिगिरि महरै सानजा कक्राझार बिधानसभा बियाबनि एम एल ए लरेन्स इस्लारि आरो लिंथुमगिरि महरै दतमा दख'रा दुलाराय बर' फरायसा आफादनि बारग' आफादगिरि संकरलाल ब्रह्मखौ लानानै गुबुन गुबुन सोद्रोमाफोरखौ लानानै दिनै गाहाइ बानाजाय आफादखौ दाफुंनानै लायो।
18 сен 2024
