राग धनाश्री
बरसाने वृषभान गोपकें आनन्द की निधि आई जू
धन्य धन्य कूखि रानी कीरति की जिन यह कन्या जाई
इंद्रलोक भुवलोक रसातल देखी सुनी न गाई
सिंधुसुता गिरिसुता सची रति इन समान कोऊ नाहीं
आनन्द मुदित जसोदा रानी लाल की करों सगाई
प्रभु कल्यान गिरिधर की जोरी बिधिना भली बनाई
राग आसावरी
श्रीवृषभान नृपति के आँगन बाजत आज बधाई।
कीरति दै रानी सुखसानी सुता सुलच्छिन जाई।
शक्ति सबै दासी हैं जाकी सीयाहूते अधिक सुहाई।
निरविध नेह अवधि मूरति प्रगटी सब सुखदाई।
ब्रह्मादिक सनकादिक नारद आनंद उर न समाई।
नंददास प्रभु पलना पौढे किलकत कुंवर कन्हाई।
राग गौड़ सारंग
परम धन राधा नाम आधार
जाहि पिया मुरली में टेरत सुमिरत बारंबार
वेद मंत्र अरु जंत्र तंत्र में ये ही कियौ निरधार
श्री शुक प्रगट कियौ नहीं ताते जान सार कौ सार
कोटिन रूप धरे नंदनंदन तौऊ न पायौ पार
व्यासदास अब प्रगट बखानत डार भार में भार
राग बिहाग
धन धन लाडिली के चरन
अतहि मृदुल सुगंध सीतल कमल के से बरन
नख चंद्र चारु अनूप राजत जोत जगमग करन
नूपुर कंज बिहरत परम कौतिक करन
नंदसुत मनमोदकारी सुरत सागर तरन
दास परमानन्द छिन छीन श्याम ताकी शरन
डॉ भगवान दास कीर्तनकार, कामवन
(अष्टसखा श्रीगोविंददासजी के वंशज)
मोबाइल नं.9828737151
#keertan
#bhagwan_das_keertankar
#hawelisangeet
#radhashtami
#barsana
#badhai
#badhai_ke_pad
#ballila
#palana
#nandotsav
#vallabh
#keertan_pranalika
#nitya_ke _pad
#pushtimarg
#pushtimargkeertan
#pushtikirtan
#keertan
#mahaprabhu
#kirtan
#havelisangeet
#bhav_vivechan
#pushtimarg_pad
#srigokulenduprabhu
#keertanbhajan
#keertanvideo
#keertansong
#ras
#bhav
#man
#malharrag
#shravan
#aashadh
#hindora
#varshakepad
24 сен 2024
