समाज सिबियारि रुंसारि आदुला कसारि गोसोखां 1थि जोलुर बादायलायनायखौ कराइबारि गेलेग्रा फोथाराव फैगौ 14 अक्टबर 2024 खालारनिफ्राय बर'बाजार दखरा एबसु, करायबारि जुबक संघ आरो दावब'गामि जुबक संघआ खुंफुंनो साखा फारा। दुलाराय बर' फरायसा आफादनि आफादगिरि दिपेन बर'नि आंगो बिफा समाज सिबियारि रुंसारि आदुला कसारि गोसोखां जोलुर बादायनायाव गासै मोन 12 गोख्रों गेलेगिरि हानजाफोरा बाहागो लागोन। बे जोलुर गेलेनाय बादायलायनायखौ बेखेवनानै होगोन बि.टि.आर.नि गेलेमु बिफाननि मावफुं सोद्रोमा दावबायसा बर'आ। लोगोसे kick of खालामनानै होगोन Assam football Association नि नेहाथारि ड० सांग्रां ब्रह्मआ। मख'जाथावदि, समाज सिबियारि रुंसारि आदुला कसारि गोसोखां जोलुर बादायनायाव जरखा आलासि महरै मुलुगनां जोलुर गेलेगिरि दुरगा बर'आबो बाहागो लागोन होनना फोरमायो बानजाय आफादनि लिंथुमगिरि सोमदोन दैमारिया, आरो बे जोलुर बादायनायाव ओनसोलनि गोबां मेलेमजिबि सानसुमैफोराबो आलासि महरै बाहागो लागोन होनना फोरमायबावो। जोबनायाव ओनसोलनि जोलुर गेलेनायखौ नायनो मोजां मोनग्रा रायजो रायजोफोरखौ लैहोर लैहोर फैनानै हेफाजाब खालामफैनो खावलायहरो बानजाय आफादनि लिंथुमगिरि सोमदोन दैमारिया।
14 окт 2024