वनस्थ योगी श्री ६ श्री गुरु श्री शिवदत्त स्मारक गड्डी, जोधपुर
पं राजेन्द्र कुमार व्यास “पालजी”
Pt. Rajendra Kumar Vyas “Palji”
9414849604
॥ श्रीशङ्करप्रपत्तिस्तोत्रम् ॥
(शिवरहस्यान्तर्गते उग्राख्ये)
यत्पादपद्मं निगमान्तवेद्यं यत्पादपद्मं मुनिवृन्दवन्द्यम् ।
यत्पादपद्मं विधिविष्णुमृग्यं तत्पादपद्मं शरणं व्रजामि॥१७४॥
यत्पादपद्याम्बुजमादिविष्णुः स्वनेत्रपद्मेन मनोहरेण ।
समर्चायामास तदर्चनेन सौभाग्यमुक्ति सुलभेन लप्स्ये॥१७५॥
यत्पादपद्माम्बुजरेणुमिष्टं मुकुन्दचन्द्रेन्द्र चतुर्मुखाद्याः ।
समर्चयन्त्यन्वहमादरेण तत्पादपद्मं शरणं व्रजामि॥१७६॥
यन्नामसङ्कीर्तनमेकमेव विनाशयत्याशु महाघसङ्घम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१७७॥
यन्नाममात्रोच्चरणेन सद्यो धन्या भवन्त्येव हि पापिनोऽपि।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१७८॥
यन्नाम देहक्षयपूर्वकाले स्मृतं ददात्येव हि मोक्षमेकम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१७९॥
यन्नामतत्त्वं न विधिर्विदेद यन्नामतत्त्वं न विवेद विष्णुः ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८०॥
यन्नामतत्त्वं न विवेद वेदो-ऽप्यनन्तशाखः सकलस्वरूपः।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८१॥
यन्नामसंसारसमुद्रमुद्रा-विद्रावकं सर्वभयापहारि ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८२॥
यन्नामदिव्यामृतपानसक्ता निन्दन्ति देवानपि विष्णुमुख्यान्।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८३॥
यन्नामपीयूषमपीय मूढा भवन्ति संसारसमुद्रमग्नाः ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८४॥
यन्नाम गोकोटिसहस्रकोटि-प्रदानपुण्याधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८५॥
यन्नाम यागायुतकोटिकोटि-सहस्रपुण्याधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८६॥
यन्नाम मत्तोन्नतदन्तिकोटि-प्रदानपुण्याधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८७॥
यन्नाम रत्नोन्नतकोटिकोटि तुला प्रदानाधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८८॥
यन्नाम शुभ्रोत्तमवाजिकोटि-प्रदानपुण्याधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१८९॥
यन्नाम सन्तप्तसुवर्णकोटि-कोटिप्रदानाधिकपुण्यपुण्यम् ।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१९०॥
यन्नाम कन्याजनकोटिकोटि-प्रदानपुण्याधिकपुण्यपुण्यम्।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१९१॥
यन्नाम सस्यावृतासर्वपृथ्वी-प्रदानपुण्याधिकपुण्यपुण्यम्।
तं देवमीशं शरणं व्रजामि ब्रह्मेन्द्रविष्ण्वादिसुरैकवन्द्यम्॥१९२॥
॥ इति शिवरहस्यान्तर्गते श्रीशङ्करप्रपत्तिस्तोत्रं सम्पूर्णम् ॥
2 июл 2024