সিলেটকে চেনার জন্য, সিলেটিদেরকে চেনার জন্য এই গান। জানুন সিলেট কী, চিনুন সিলেটী কারা।
সিলটি জাত : সিলেট নিয়ে সুন্দর গান - জানুন সিলেট কী, চিনুন সিলেটী কারা - ডাঃ জহির, অচিনপুরী।
কথা, সুর ও কন্ঠঃ ডাঃ জহির অচিনপুরী
অডিও ও ভিডিওঃ সামিউর রহমান
দোতারাঃ হাবিব
মেলোডিকাঃ শুভ
বায়াঃ এম সি খান
#সিলটিজাত
#অচিনপুরীগান
#সিলটিমাত
#সিলটিগান
মাথা উছা করি
দেশ বিদেশো ঘুরি
হারা দুনিয়া দেখইন চাইয়া
সিলটি জাত।
মজা লাগে মাতি যখন সিলটি মাত
মজা লাগে হুনি যখন সিলটি মাত।।
সুরমা কুশিয়ারার পারো আমরার ঠিকানা
খোয়াই গাঙ আর মনুর কথা আমরা ভুলি না।
আকালুকি নলুয়া, শনির আওর টাঙ্গুয়া,
বীর তাকি আমলশীদ, লাখাই তাকি পাড়ুয়া
সিলটর মাটি, পানি মাখছি আমরার গাত।।
শাজলাল আর শাফরান আমরার নয়ন মণি
আরো আছইন শ্রীচৈতন্য কত ঝষি মুনি।
রাধারমণ, হাছন রাজা, আব্দুল করীম, দুর্বিন শাহ
সৈয়দ শানুর, শীতালং, আমিরুদ্দিন, আরকুম শাহ,
বাউল সাধক গান বান্দিছইন সাধর একতারাত।।
সিলটর চা সারা দুনিয়ার মাইনষে চায়,
হাতকরা আর কমলালেবু কে না ভালা পায়।
শীতলপাটি, বেতর সাজ, মণিপুরী কারুকাজ,
ভুলা যায় না চোঙ্গা পিটা,খাইয়া পানর ঝাঁজ।
জলঢুপী আনানাস আর বিরইন চাউলর ভাত।।
শ্রীমঙ্গলর চা বাগানর সবুজ বিছানা
লাউয়াছড়ার জঙ্গল দেখি চউক হরাইল যায় না।
রাতারগুলর জলাবন, লালাখালর নৌভ্রমণ
মাধবকুণ্ড, জাফলং, বিছনাকান্দি দর্শন।
অপরূপা সিলট ধরায় করছে বাজিমাত।।
হিন্দু, মুসলমান, মণিপুরী, খাসিয়া,
শান্তিতে বসবাস করি মিলিয়া মিশিয়া।
নাই কোন ভেদাভেদ, কলহ, বিচ্ছেদ
কেউ পড়ে আল কোরান, কেউবা গীতা, বেদ।
সিলটিরা সরল সিধা, নাই কোন উৎপাত।।
29 авг 2024
