અમેરિકામાં કોઈ કોઈનું નથી તેવું તમે ઘણા લોકોના મોઢે સાંભળ્યું હશે. ડોલર, ગ્રીન કાર્ડ કે પછી સિટીઝનશિપ માટે યુએસમાં કોઈની પણ સાથે ગમે તે થઈ શકે છે અને કંઈક આવી જ કહાની છે અરવિંદભાઈ પટેલની. આજથી 14 વર્ષ પહેલા અમેરિકા ગયેલા અને દીકરાને ભણાવવા માટે હજારો ડોલર ખર્ચનારા અરવિંદભાઈ દીકરો કમાતો થાય અને ઘરમાં વહુ આવી જાય પછી છ મહિના અમેરિકામાં અને છ મહિના ઈન્ડિયામાં રહી મોજથી પોતાનું ઘડપણ પસાર કરવા માગતા હતા, પરંતુ અમેરિકામાં 14 વર્ષ સુધી મજૂરી કરનારા અરવિંદભાઈનો સંઘર્ષ આજેય પૂરો નથી થયો અને આ સંઘર્ષમાં હવે તેમને સાથ આપનારૂં પણ કોઈ નથી રહ્યું. અરવિંદભાઈ પાસે અમેરિકામાં કહેવા ખાતર તો પોતાની ફેમિલી છે, પરંતુ હવે તે પોતાની જ ફેમિલીનો હિસ્સો નથી રહ્યા અને 64 વર્ષની ઉંમરે એકલા જ રહીને એક સામાન્ય નોકરી કરી પોતાનું ઘડપણ એકલતામાં પસાર કરી રહ્યા છે. એક સમયે અમેરિકામાં રહેતી આ ખુશહાલ ફેમિલીને આખરે શું થઈ ગયું અને કેમ અરવિંદભાઈ આજે એકલતામાં પોતાનું ઘડપણ કાઢી રહ્યા છે તેની રિયલ લાઈફ સ્ટોરી કોઈને પણ આશ્ચર્ય પમાડે તેવી છે.
જુઓ અમારી વેબસાઈટ: www.iamgujarat...
વધુ વિડીયો જોવા માટે ક્લિક કરો: gujarati.times...
IamGujarat સાથે વોટ્સએપ પર જોડાઓ: chat.whatsapp....
6 сен 2024