અમેરિકા જ નહીં પરંતુ વિશ્વની સૌથી મોટી લાઈફ ઈન્સ્યોરન્સ કંપનીઓમાં સામેલ ન્યૂયોર્ક લાઈફે મૂળ ગુજરાતી જયદેવ પટેલનું સન્માન કર્યું છે. મૂળ ગુજરાતના સોજિત્રા ગામથી અમેરિકા ગયેલા જયદેવ પટેલ ન્યૂયોર્ક લાઈફના સૌથી સફળ એજન્ટ રહ્યા છે અને તેથી તેમની અસાધારણ કારકિર્દીની સિદ્ધિઓને બિરદાવવા માટે તેમની પ્રતિમા બનાવીને તેમનું સન્માન કર્યું છે. જયદેવ પટેલની પ્રતિમાનું અનાવરણ 19 સપ્ટેમ્બરેના રોજ કરવામાં આવ્યું હતું અને તે કંપનીના ન્યૂયોર્ક હેડક્વાર્ટરમાં જયદેવ આર પટેલ કોન્ફરન્સ સેન્ટરને અડીને આવેલા ટેરેસ ગાર્ડનમાં મૂકવામાં આવી છે. કંપનીમાં પોતાની 50 વર્ષની સર્વિસ દરમિયાન જયદેવ પટેલે આપેલા યોગદાન અને તેમની પ્રતિબદ્ધતાનું સન્માન કરવા માટે ગત ઓક્ટોબરમાં કંપનીએ સેન્ટરનું નામ જયદેવ પટેલ સેન્ટર રાખ્યું હતું.
5 окт 2024